“Bizdə turizm sektorinda cəmi 23 min insan çalışır”
“Azərbaycanda turizmin çox problemi, bəlası var, amma ən dərin və ağır problem odur ki, turizm xalqın biznesinə çevrilməyib, kütləvi gəlir yeri olmayıb, rəqabətli mühit yaranmayıb. Bu səbəbdən də turistlərə, yumşaq desək, normal münasibət də yoxdur”. Hurriyyet.orgxəbər verir ki, bu barədə iqtisadçı Natiq Cəfərli deyib.
“Həm Gürcüstanda, həm də Türkiyədə turizm ciddi inkişaf edib, edəcək”
Cəfərli onu da vurğulayıb ki, Gürcüstanda əhalinin 29%-i birbaşa turizmdən pul qazanır:“Turizmin iqtisadiyyatda multiplikativ effekti var, yəni yan sahələri də nəzərə alsaq, Gürcüstan əhalisinin 40%-dən çoxu turizmdən xeyir görür. Türkiyədə isə 2 milyon insan birbaşa turizm sektorunda çalışır, yan sahələri və multiplikativ effekti də nəzarə alsaq daha 9 milyon nəfər (əsasən turizm mövsümündə) turistdən xeyir görür. Məhz buna görə həm Gürcüstanda, həm də Türkiyədə turizm ciddi inkişaf edib, edəcək.
Bizdə rəsmi rəqəmlərə görə turizm sektorinda cəmi 23 min insan çalışır, yan sektorları da nəzərə alsaq, bu rəqəm maksimum 40 min ola bilər, yəni, turizm sektoru da ya dövlətin, ya dövlət adı ilə məmurların, ya da məmurlara məxsus iri şirkətlərin inhisarındadır. Bu səbəbdən turizmin inkişafı ləng gedir, xalq bu sektordan birbaşa xeyir görmür və nəticə olaraq da multiplikativ effekt əvəzinə multfilm alınır”.
Şamo EMİN
