Nəqliyyat, Rabitə və Yeni Texnologiyalar Nazirliyinin “Azərpoçt” MMC-nin poçt məntəqələrinin tikintisi və təmirinə  2005-2015-ci illəri əhatə edən dövrü üçün ayrılan vəsaitlərin necə xərclənməsilə bağlı apardğımız araşdırmalaradan sonra 16 dekabr 2020-ci il tarixli sayımızda http://ifadetv.com/2119-qenber-beybalayev-tek-bir-emeliyyatda-200-milyon-manat-qazanib-arasdrma.html "Qənbər Bəybalayev tək bir əməliyyatda 200 milyon manat qazanıb. ARAŞDIRMA” məqaləmizdə  yazılır:

 “... Azərpoçt" şefi Q.Bəybalayev 2005-2015-ci illər ərzində Azərbaycanın bütün bölgələrində inşa etdirdiyi altı güşəli formada inşa etdirdiyi və maya dəyəri 10-12000 manata başa gələn 3000-ə yaxın poçt məntəqəsinin hər biri üçün dövlət büdcəsindən nə az, nə çox 75000 manat vəsait ayrılmasına nail olmuşdur. Və təkcə bir epizod üzrə - məntəqə tikintisindən əldə etdiyi gəlir 200 milyon manata yaxın olmuşdur. Məsələ bununla bitmir. Məlumdur ki, Q.Bəybalayev əslən yəhudilərin ən çox yaşadığı Quba rayonundadır. Və nəyə görə poçt məntəqələrinin də hamısının “yevrey simvolu” kimi xarakterizə edilən 6 guşəli formada inşa edilməsi hələlik başa düşülən deyil...”

 

Araşdırmanın davamı olaraq 16 yanvar 2021-ci il tarixli sayımızda http://ifadetv.com/2242-qenber-beybalayevn-qudas-elahet-rehmovun-kurekenlernn-75000-azn-e-tkdy-poct-bnas-qezal-vezyyete-dusdu-arasdirma.html

 “QƏNBƏR BƏYBALAYEVİN QUDASI ELAHƏT RƏHİMOVUN KÜRƏKƏNLƏRİNİN 75000 AZN-ə TİKDİYİ POÇT BİNASI QƏZALI VƏZİYYƏTƏ DÜŞDÜ"- başlıqlı araşdırma məqaləmizdə isə qeyd edilir:

“Bu yaxın günlərdə Ağsu rayonun Kalva kəndində yaşayan oxucularımız tərəfindən redaksiyamıza təqdim edilən foto şəkillərdən və məlumatlardan aydın olmuşdur ki, dəyəri 75000 manata smetası olan belə 6 bucaqlı poçt məntəqəsindən biri də 2010-cu ildə Kalva kəndində inşa olunsa da 2017-ci ildən tək mişar daşıilə tikilmiş bu balaca poçt məntəqəsi arxa tərəfdən yağış suları nəticəsində çöl və iç divar üzü qopub tökülmüşdür. Sakinlər onu da bildirilər ki, dəyəri 5-6 min manat belə olmayan belə məntəqənin tikintisi “Azərpoçt” DM-nin baş direktoru olmuş məhkum Qənbər Bəybalayevin qudası və hal hazırda da RİTNN-nin Dövlət Radiotezliklər İdarəsinin rəis müavini, əslən Kalva kəndindən olan Rəhimov Elahət Məhəmməd oğlunun xahişi əsasında yeznələri Nurəddin və Oraz adlı birisi tərəfindən tikilib istifadəyə verilmişdir. Hazırda Q.Bəybalayevin naşı qohumları tərəfindən heç bir tikinti norma və qaydalarına əməl olunmadan tikilmiş keyfiyyətsiz binada poçt əməliyyatçıları iş apara bilmədiklərindən onları təxliyyə edərək yerli İcra Hakimiyyətinin inzibati binasında bir otağa köçürmüşlər. Elə indi də yerli hüquq-mühafizə orqanlarından və ya Rabitə və Nəqliyyat Nazirliyindən bir maraqlanan yoxdur ki, dövlətin ayırdığı külli-miqdarda vəsait hesabına tikilmiş bina niyə 9 ildən sonra tam yarasız vəziyyətə düşdü? “.

Sonuncu araşdırma yazımız 25 yanvar 2021-ci il tarixli   http://ifadetv.com/2284-rabte-ve-neqlyyat-nazrly-75000-manata-tklen-poct-menteqelernde-bas-verms-korrupsya-faktlarn-arasdracaqm-bas-nazire-muraciet.html

    “RABİTƏ və NƏQLİYYAT NAZİRLİYİ 75000 manata TİKİLƏN POÇT MƏNTƏQƏLƏRİNDƏ BAŞ VERMİŞ KORRUPSİYA FAKTLARINI ARAŞDIRACAQMI?-Baş nazirə müraciət” başlıqlı araşdırma  məqaləsində yazılanlar Azərbaycan Respublikasının baş naziri cənab Əli Əsədova ünvanlanmaqla uzun illər rabitə sahəsində poçt məntəqələri tikintisi adı altında hazırlanmış və şişirdilimiş layihə-smeta sənədləri əsasında rəhbərlik tərəfindən mənimsənilən milyonlarla manat pulların geri qaytarılması zəruriliyi vurğulanraq lazımi tədbirlərin görülməsi xahiş edilmiş və rəsmi müraciət edilmişdir. Və yalnız ifadetv.com saytının dövlət əhəmiyyətli maliyyə məsələsinin araşdırılaraq cavab verilməsi üçün Nazirlər Kabineti NRYTN-nə rəsmi məktub göndərmişdir. Məktub icra edilməsi və cavablandırılması üçün aidiyyatı üzrə “Azərpoçt” MMC- rəhbəri cənab Emin Əfəndiyevə göndərilmişdir. Cənab E.Əfəndiyevin 103-1-12-2-389-2p saylı, 05 fevral 2021-ci il tarixində imzaladığı cavab məktubunda qeyd edilir:

“Məlumat üçün bildiririk ki, Ağsu rayonun Kalva kəndində poçt şöbəsi 2007-ci ildə inşa edilmişdir. Kalva kəndi sürüşməyə meylli sahədə yerləşdiyi ərazidə tez tez baş baş verən təkanlar və ətraf mühitin təsiri nəticəsində poçt şöbəsinin binasında çatlar müşahidə olunmuşdur. 2019-cu ilin fevralın 5-də Şamaxı, Ağsu rayonlarında baş vermiş zəlzələlər nəticəsində bina qəzalı vəziyyətə düşmüşdür. Binanın bərpası məqsədilə investisiya proqnozu çərçivəsində layihə-smeta sənədlərinin hzırlanmasına bxılacaqdır. Eyni zamanda müraciətdə Kalva poçt şöbəsinin tikintisinə ayrılmış maliyyə vəsaiti barədə məlumat həqiqəti əks etdirmir. Nəzərə almağınızı xahiş edirik”

 Bəli, E.Əfəndiyevin sonuncu cümləsində qeyd etdiyi poçt şöbəsinin tikintisi üçün ayrılmış maliyyə vəsaiti barədə məlumatın həqiqəti əks etdirməməsi ifadəsinə cavab olaraq bildirmək istəyirik ki, Bakı və Abşeron ərazisində tikilən bütün 6 bucaqlı 12 kv.m olan poçt şöbələri üçün qeyd etdiyimiz kimi 75000 manat, rayonlarda, o cümlədən Kalva kəndində tikilən poçt məntəqəsi üçünsə 68000 manat vəsait ayrılmışdır. Cənab E.Əfəndiyevə onu da izah etmək istəyirik ki, “Azərpoçt” MMC hələlik dövlət müəssisəsi sayılır və onun sifarişi əsasında heç bir tender keçirilmədən tikilən poçt məntəqələrinə dövlət büdcəsindən ayrılan vəsaitin ictimaiyyətə kommersiya sirri kimi açıqlamamaq istəməməsini qəbul etmirik. Çünki uzun müddət işlədiyiniz bank sektorundan fərqli olaraq dövlət müəssisələrində ayrılan vəsaitin məbləği ictimaiyyət üçün açıq olmalıdır. Qanunvericilikdə   deyilir  ki, layihə-smeta sənədləri qulluq sirri sayıla bilməz və hesab edirik ki, “Azərpoçt” MMC-nin  bu sənədləri açıqlamaması qanunsuzdur. Bu sənədlərin ictimaiyyət üçün qapalı olması yalnız sifarişçi və icraçı özəl şəxs olduğu halda mümkündür. Sifarişçi dövlət orqanıdırsa, sifarişçiyə vəsait dövlət büdcəsindən (yerli və ya mərkəzi büdcə) ayrılırsa, layihə-smeta sənədləri gizli tutulan sənəd sayılmamalıdır. Nəticəyə gəlirik ki,  dövlət büdcəsindən son illərdə  poçt şöbələrinin tikintisi və saxlanması layihələri üçün ayırdığı milyonlarla manat vəsaitlərin heç bir şəfafflıq olmadan dövlət və  ictimai nəzarətin olmadığı bir strukturda baş verən və verməkdə davam edən irimiqyaslı korrupsiya halları hesab olunmalıdır.

  Rəsmi məktubda o da qeyd edilir ki, guya Kalva kənd poçt şöbəsi sürüşmə zonasında yerləşirmiş və 5 fevral 2019-cu ildə rayonda baş vermiş zəlzələnin nəticəsində qəzalı vəziyyətə düşmüşdür. Lakin bütün kənd əhli şahiddirlər ki, 2007-ci ildə çox keyfiyyətsiz inşa olunmuş bu balaca məntəqə 2017-ci ildən qar və yağış sularının təsiri nəticəsində arxa divarlrının “şkatur” hissəsi sementin az olmsından qopub tökülmüş, pilləkən qopmuş, dam dəmiri çürüdyündən yağış dammışdır. Yəni, layihə-smeta sənədlərində qeyd edildiyi kimi bina 68000 manata deyil, sələfiniz olmuş Q.Bəybalayevin qudası NRYTN-nin DRİ rəis müavini Elahət Rəhimovun Nurəddin və Oraz adlı kürəkənləri tərəfindən 4-5 min manata tikilib təhvil verilmişdir. Qalan pullar qohumlar arasında bölüşdürülərək mənimsənilmişdir. Eləcə də qonşu rayonlarda tikilən poşt şöblərinin hamısında da eyni qayda ilə  irimiqyaslı korrupsiyaya yol verilmişdir. Budur, sonuncu araşdırmalarımızdan o da məlum olmuşdur ki, 2009-cu ildə Suraxanı rayonunda tikilib istifadəyə verilmiş 129 saylı poçt məntəqəsi və Sabunçu rayonu ərazisində 2013-cü ildə tikilib istifadəyə verilmiş və hər birinin sahəsi 16 kv.m olan  12 saylı poçt şöbələrinin layihə smeta sənədlərində qiymətlər reallıqda olduğundan 8 dəfə  şişirdilərək 100000 ( yəni kursa görə 139600 ABŞ dolları) manat göstərilmişdir. Və qəti nəticəyə gəlirik ki, təkcə 2005-2015-ci illər ərzində Azərbaycan ərazilərində istər 12 kv.m olan 6 bucaqlı, istərsə də 4 bucaqlı 16 kv.m sahəsi olan yüzlərlə poçt şöbələrinin layihə-smeta sənədlərində qeyd edilən 68000-75000 və 100000 manat ayrılan vəsaitin faktiki olaraq 80%-i mənimsənilmişdir. 

   Lakin maraqlı burasıdır ki, “Azərpoçt” MMC- nin baş direktoru cənab Emin Əfəndiyevin ( həm də uzun müddət peşəkar maliyyə və bank işçisi olmuş və ayrılan dövlət vəsaitlərinin reallıqda nə qədərinin xərclənməsi işlərini çox gözəl bilən ) ifadetv.com saytına yazdığı 5 fevral 2021-ci il tarixli cavab məktubunda vaxtilə sələfi olmuş və korrupsiya ittihamı ilə dövlət büdcəsinə vurduğu 2 milyon manatı ödəməyə məcbur olmuş bir məhkumun keçmiş maliyyə maxinsiyalarını yenidən ört-basdır etməyə nə vadar edir? 

 Doğrudur, KİV-lərin yaydıqları məlumatlrdan görnür ki, cənab E.Əfəndiyevin ümumiyyətlə “Azərpoçt” MMC-yə rəhbər təyin olunduqdan sonra hətta sabiq nazir Ramin Quluzadə ilə belə hesablaşmayıb ifadəsini nəzərə alsaq  nəticəyə gəlmək olar ki, Emin müəllim özündən başqa onu himayə edən ölkənin ən azı 3-cü və ya 4-cü şəxslərinə güvənirmiş. Qoy güvənsin. Bizi isə maraqlandırır ki, ƏƏSSMN-də olduğu kimi – saxta əlilliklərin və təqaüdlərin aşkar edilərək ləğv edilməsindən sonra büdcəyə qaytarılan 30 milyon manat olduğu kimi, NRYTN-də də vaxtilə sabiq nazir Əli Abbsovun dövründə də rabitə quldurları tərəfindən talan edilmiş digər vəsaitlər də yenidən imşaatçı ekspertlərin rəyləri nəticəsində müəyyən edilərək vurulmuş milyonlarla manat zərər dövlət büdcəsinə qaytarılsın. Başqa heçnə.

100000 manata tikilmiş  Surxanı rayonu, 129 saylı poçt məntəqəsi 

  Maraqlı burasıdır ki, bu maliyyə maxenasiyaları barədə Nazirliyin rəhbərliyinə və Daxili Nəzarət Şöbəsinə etdiyimiz müraciətlər də cavabsız qalmışdır. 

    Amma güman edirik ki, “Azərpoçt” MMC şefindən fərqli olaraq NRYTN-nə yeni rəhbər təyin edilmiş cənab nazir Rəşad Nəbiyev heç də özünü yüksək maliyyə mütəxəssisi hesab edən Emin Əfəndiyevdən az savada malik  maliyyəçi deyil. Ən azı ona görə ki, cənab nazir 2011-ci ilədək elə bu gün rəhbərlik etdiyyi NRYTN-ndə Maliyyə İdarəsinə rəhbərik etmişdir. Yəni bu o deməkdir ki, cənab nazir Emin Əfəndiyevdən fərqli olaraq NRYTN-dəki bütün maliyyə proseslərini mükəmməl bilir. Ona görə də hesab edirik ki, uzun illər “Azərpoçt” MMC-də təkcə bir epizod üzrə 2005-2015-ci illəri əhatə edən poçt şöbələrinin tikintisi üçün şişirdilmiş rəqəmlərlə hazırlanmış layihə-smeta sənədləri əsasında icra olunmuş və milyonlarla manat pulun mənimsənilməsilə yekunlaşmış irimiqyaslı korrupsiya əməllərinin araşdırılmasını şəxsi nəzarəti altında və NRYTN-nin Daxili Nəzarət Şöbəsinin mtəxəssisləri tərəfindən yenidən araşdırlmasına göstəriş verəcəkdir. 

    Cənab Emin Əfəndiyevə də qanunvericiliyimizi bir daha xatırlatmaq istərdik ki, “Cinayəti bilib məlumat verməmə və ya ört-basdır etmək özü cinayət hesab edilir.”

Adları qeyd edilən şəxslərin də mövqelərini işıqlandırmağa hazırıq.

İfadetv.com –un araşdırma qrupu