Binəqədi rayonu, Sulutəpə qəsəbsində yaşayan Məmmədov Ağa Bəhram oğlu, Qasımova Gülarə Gülbala qızı və digərləri tərəfindən
“ 10 ildir ki, yaşadığımız sahəyə qaz xəttinin çəkilməsinə icazə verilməsi” barədə dövlət başçısına və digər əlaqədar qurumlara, o cümlədən bir nüsxəsi də ifadetv.com-a ünvanlanmış ərizədə sosial problemdən bəhs edilir. Ərizədə maraqlı cəhət budur ki, qəsəbədə yaşayanların bir hissəsinin mənzilləri qaz təchizatı ilə təmin edildiyi halda, qonşuluqda yaşayanlar bu hüquqdan istifadə edə bilmirlər. "Azəriqaz" rəsmiləri də bildirirlər ki, bəs burada neft sahələri mövcud imiş. Ümid edirik ki, uzun müddət qəsəbədə yaşayan sakinlərin təbii qazla təmin olunmalarıilə bağlı saytımız vasitəsilə cənab Prezidentə müraciətləri tezliklə öz həllini tapacaqdır. Sakinlərin müraciətlərini olduğu kimi təqdim edirik:
"Hörmətli Cənab Prezident yazıb sizə bildiririk ki, hazırda 10 ilə yaxındır ki, Binəqədi rayonun Sulutəpə qəsəbəsində yaşayırıq. Lakin qonşularımızda bəzi yerlərdə qaz xətti çəkilsə də, bizim evlərə bu xəttdən çəkilişə icazə verilmir. Baxmayaraq ki. ərazidə qaz xətti vardır. Bu illər ərzində işıq, su ilə evlərimizin təchizatını öz vəsaitimiz hesabına etmişik, vaxtı vaxtında da vəsaitləri dövlət hesabına köçürmüşük. Və biz istəyirik ki, ayrıseçkilik olmadan bizim evlərimizə də öz vəsaitimiz hesabına qaz xətti çəkək. Lakin buna görə Azəriqaz tərəfindən icazə verilmir.Buna səbəb kimi yaxınlıqda olan neft sahələrini göstərirlər. Əgər buna icazə yoxdursı, o zaman qonşuluqda olan digər evlərə necə qazla təmin edilib? Biz sakinlər demirik ki, dövlət hesabına bizə qaz xətti çəkilsin. Düzdür, işğaldan azad olunmuş torpaqlara qaza tələbat daha çoxdur. Bütün bunları başa düşürük. Və istəyirik ki, icazə verilsin biz də öz hesabımıza evlərimizə qaz xətti çəkdirək.
Cənab Prezident, Siz dəflərlə öz çıxışlarınızda göstərişlər vermisiniz ki, məmurlar xalqa xidmət göstərsinlər. lakin bizim timsalımızda bu göstərişlərə hələlik diqqət göstərilmir. Ona görə də Sizdən xahiş edirik ki, biz Sulutəpə qəsəbə sakinlərinin evlərinə qaz xəttinin çəkilməsinə icazə verilməsi üçün göstəriş verəsiniz. Biz vətəndaşlar hamılıqla Sizə əvvəlcədən minnətdarlığımızı bildiririk.
İmzalar: Məmmədov Ağa Bəhram oğlu, Qasımova Gülarə Gülbala qızı, Əhmədova Fəridə Bəhər qızı, Zeynalov Novruz Xankişi qızı, Kərimli Manaf Rəftar oğlu, Qasımov Zaur məhərrəm oğlu, Şirinov Amil Şahin oğlu, Alməmmədov Ramil Viktor oğlu, Gənçimova Sənubər Sadiq qızı, Abdullayaeva Mehparə Ələddin qızı, Məmmədov Amid Kamal oğlu, Kərimov Rəftar Şahsuvar oğlu, Muradov Xəzər Ağakamal oğlu, Rüstəmova Rahilə Rüstəm qızı, Qasımov Səfər Əvəz oğlu, Məhərrəmova Yasəmən Feyrax qızı ...
