"Ya bağanı beli üstə çevirdin, ya da öldürdün fərq etməz!"
Bakı şəhəri, Qaradağ rayonu, Ümid qəsəbəsində yaşayan fermer təsəsrrüfatı ilə məşğul olan kiçik sahibkar Fərəcullayev Nizami Babək oğlu tərəfindən Azərbaycan Respublikasının daxili işlər naziri cənab Vilayət Eyvazova və digər aidiyyatı dövlət qurumlarının rəhbərlərinə və bir nüsxəsi də İFADETV.COM -a ünvanlanmış şikayətdə vətəndaş “ Yaşadığı Ümid qəsəbəsində oğurlanmış 5 ( beş) baş iribuynuzlu boğaz mallarımın tapılmamasından və Qaradağ RPİ-nin 38-ci PB-nin polislərinin və Azər adlı təhqiqatçısının passiv hərəkətlərindən bəhs etmişdir. 12 nəfərlik bir kasıb ailənin yaşamaq üçün son ümid yeri olan və kreditlə aldığı mal-qaranı oğurlayan dəstənin ifşa olunması istiqamətində Qaradağ RPİ-nin 38-ci Polis Bölməsinin polislərinin baş vermiş cinayət hadisəsinə etinasız və məsuliyyətsiz yanaşmasını məyusedici hal hesab etmək olar. Müraciətdən aydın olur ki, hadisə baş vermiş ərazi hər tərəfdən videokameralarla təchiz edilsə də, polislərin 4 saatlıq kamera görüntülərini izləməyə vaxt ayırmaması suallar doğrurur. Axı niyə? Mətbu orqan olaraq ümid edirik ki, cənab nazir Vilayət Eyvazovun göstərişi əsasında oğru dəstəsi peşəkar polislərimiz tərəfindən dərhal tapılaraq məsuliyyətə cəlb ediləcək və son dərəcə kasıb vəziyyətdə yaşayan Fərəcullayevlər ailəsi yaşamaqları uğrunda mübarizələrini çalışmaqla davam etdirəcəklər. Müraciətin dövlət və ictimai əhəmiyyətli olduğunu nəzərə alaraq olduğu kimi dəyərli oxucularımıza təqdim edirik:
"Bizim ailə 12 nəfərdən ibarətdir. Həmişə maldarlıqla məşğul olmuşuq. 2021-ci ilin sentyabrından ACCSES bankdan götürdüyüm 30 min manat kreditin bir hissəsinə hər biri orta hesabla 3000 manata olan cins iribuynuzlu inəklər alıb bəsləyir və qəsəbənin yaxınlıında yerləşən icarəyə götürdüyümüz fermada baxırdıq. Bu ilin yanvarın 4-dən 5-nə keçən gecə yaxın adamımızın rəhmətə getməsilə əlaqədar evə gec gəldiyimizə görə Ümid qəsəbəsinin daxilindəki beş mərtəbəli təzə binaların yanındakı zibilxananın kənarından 4 ədəd qoruyucu itlərin yanından gecə saatlarında maşına mindirib oğurlayıb aparıblar. Bu itlər bu mallara o qədər öyrəşmiş və onları qoruyurdular ki, onları dəyənəklə belə malların yanından ayırmaq mümkün deyildi.Yəni , biz dəqiq bilirik ki, bu itlərin yanında malların itməsi fərziyası əhəmiyyətsizdir. Deməli, mallar oğurlanıb. Bildirim ki, qəsəbənin giriş və çıxışında cəmi bir yol vardır. Və hər tərəfdən kameralarla təchiz edilmişdir. Bu ərazi həm də neft terminalı ərazisi hesab olunur. Yəni, biz 6 ildir ki, burada yaşayırıq və eşitməmişik ki, burada hər hansı oğurluq hadisəsi baş versin. Qəsəbə sakinlərinin hamısı bu heyvanların bizə məxsus olduğunu bilirlər. Ərazinin qəssabları da malları yaxşı tanıyırlar. Qeyd edək ki, qəsəbədaxili hər gün 3 nəfər PPX işçisi müntəzəm nəzarət aparırlar. Lakin bizim mallarımız 20 gündən çoxdur ki, oğurlanmasına baxmayaraq tapılmır.Heç bir araşdırma və axtarma yoxdur.Biz 4 gün mallarımızı hər yerdən axtardıqdan sonra DİN-nin 102 xidmətinə oğurluq barədə məlumat verdik. Qeydiyyata götürülüdü. Lakin Qaradağ RPİ-nin 38-ci PB-dən polis Azər bizə ərizə yazdıranda malları oğurluq deyil itib kimi yaz dedi. Və izah etdi ki, yoxsa, sənin başın ağrıyacaq problem olacaq. Və məni məcbur etdi ki, ərizədə malların itibdir kimi qeyd edim. Bundan sonra bildirdi ki, 13 gün ərzində sizə bir söz deyərik. Lakin heç bir məlumat olmadı. Azər polis bizim telefonlarımıza da cavab vermir. Yanına gələndə dəd deyir ki, gedin mallarınızı axtarın, mən sizə mal axtaran deyiləm.
Atam Babək də Qaradağ RPİ-nin 38-ci PB-nin rəisi Natiq Camalovun qəbunda yanvarın 18-də olub. Rəis də cinayət axtarış işçilərini dəvət edib soruşdu ki, kameralara baxmısınızmı? Onlar da xeyr dedilər. Rəis göstəriş verdi ki, gedin araşdırın məsələni, bu kişi hələ hörmət edib bu günə kimi gözləyib ki, siz bu məsləni açasınız. Rəisin yanından çıxdıqdan sonra həmin polislər məni sorğu-suala tutdular. Dedilər ki, bizim işimiz gücümüz qurtarıb ki, oturub 10 gün kameraya baxaq? Dedim ki, 10 g ün baxmaq lazım deyil 4-dən 5-nə keçən gecə yəni 3-4 saat kameraya baxmaq yetərlidir. Lakin mən gördüm ki, polislər oğrunu axtaramaqda heç həvəsli və maraqlı deyillər. Baxmayaraq ki, rəis bunlara göstəriş vermişdi.
Cənab Prezident və cənab Daxili İşlər naziri mən məcbur olub Sizlərə müraciət edirəm. 12 nəfərlik ailəmizin əsas dolanacağını bu mal-qara hesabına idi. İndi vəziyyətimiz pisləşib. Yerli polislər də pasivlik göstərir, oğru dəstəsini tapmaq istəmirlər. Ailəliklə Sizlərdən çox xahiş edirik ki, göstəriş verəsiniz ki, qəsəbənin içindən oğurlanmış beş baş malımızın tezliklə tapılaraq bizə qaytarılsın.
İmza: N.B.Fərəcullayev
P.S. Nizami Fərəcullayevlə söhbət zamanı məlum oldu ki, məsələ 4 gün əvvəl DİN-nin İctimai Əlaqələr şöbəsinin rəhbərliyi cənab Elşad Hacıyevə məruzə edildikdən sonra o Bakı Baş Polis İdarəsinə lazımi tapşırıqlarını vermişdir. 
