“Bu, dəhşətli xəbərdir. Rusiyanın ən qızğın demokratiya müdafiəçisi kimi Aleksey Navalnı həyatı boyu inanılmaz cəsarət nümayiş etdirib”.
“AzPolitika.info” xarici KİV-lərə istinadla xəbər verir ki, bunu Böyük Britaniyanın Baş naziri Rişi Sunak Aleksey Navalnının ölümünü şərh edərkən deyib.
NATO-nun Baş katibi Yens Stoltenberq deyib ki, Aleksey Navalnının ölümü ilə bağlı bütün faktlar müəyyən edilməli və “Rusiya ciddi suallara cavab verməlidir”.
Rusiyada isə bu hadisəni şərh edənlərin böyük əksəriyyəti Navalnının ölümünün rəsmi versiyasına inanmırlar və bunu qətl hadisəsi hesab edirlər.
Tanınmış rusiyalı jurnalist və publisist Katerina Qordeyeva bununla bağlı deyib: “Aleksey Navalnı ölkədə Putinin ən parlaq, ən ardıcıl və ən populyar rəqibi idi. Onu təqib etdilər, zəhərlədilər, həbs etdilər və nəhayət, ən dözülməz və ən uzaq həbsxanaya göndərdilər. Orada isə ona işgəncə verməkdə, öldürməkdə davam etdilər. Amma o, özündə cəsarət tapıb rəqibləri ilə mübarizəni davam etdirdi. O, diri idi və bu, bütün canlı ölüləri qəzəbləndirdi. Nəhayət, Navalnı çoxlarının son ümidi idi ki, onu da bu gün öldürdülər”.
ds by 0Reklamınızı SmartBee ilə effektiv edin.Digər tanınmış müxalif jurnalist Olqa Romanova da Navalnının öldürüldüyünü iddia edib: “Bu, qətldir! Bunu bütün dünyada hər kəs başa düşməlidir. Sifarişçi Navalnını öldürmək əmrini bir neçə il əvvəl verib və bu əmri ləğv etməyib. Sifarişçinin adı Vladimir Putindir. Başqa versiyalar yoxdur və ola da bilməz!”.
Rusiyanın xaricdə yaşayan tanınmış müxalifətçilərindən olan Boris Qudkov öz sosial şəbəkə səhifəsində yazıb: “Mən buna inana bilmirəm. Alekseyin ölümü qətldir. Aleksey "təbii" səbəblərdən ölsə belə, buna onun zəhərlənməsi və həbsxana işgəncələri səbəb oldu. Bunun məsuliyyəti Putinin üzərindədir. Təbii ki, tək günahkar o deyil, həm də onun bütün əlaltıları, bütün bu patruşevlər, bastrıkinlər və daha aşağılar, sonuncu həbsxana işçilərinə qədər. Bu gün siyasi məhbuslar üçün ölüm hökmünün qapıları açılıb, sonra isə hər kəs üçün”.
Navalnının ölümünə Ukrayna Prezident ofisinin rəhbəri Andrey Yermak da münasibət bildirib: "Putin istənilən rəqabətdən qorxan hədsiz dərəcədə şər qüvvədir. Rusların həyatı onun üçün heçnədir. Bizi onunla danışıqlara çağıranların hamısı başa düşməlidir ki, siz ona etibar edə bilməzsiniz. Onun anladığı yeganə dil güc dilidir".
C.Məmmədov
“AzPolitika.info”
