Cavanşir Feyziyev özü də ilin əsas hissəsini Londonda sahib olduğu evində keçirir. Bu barədə Avropada yaşayan araşdırmaçı jurnalist Cavanşir Həsənli məlumat paylaşıb.
Həmin məlumatda deyilir ki, buraxılmış parlamentin oliqarx deputatı, ötən 9 il ərzində yarım milyard manatlıq tenderin şübhəli qalibi olmuş “Avromed” şirkətinin faktiki sahibi, bir də üstəlik Mətbuat Şurası İdarə Heyətinin üzvü Cavanşir Feyziyevin ailə üzvləri Britaniyada məskunlaşıblar.
2019-cu ilin aprel ayında Londonda Feyziyevlə bağlı HQ18M01270 saylı məhkəmə işində qeyd olunur ki, şikayətçi Azərbaycan parlamentinin deputatıdır, ailə üzvləri – həyat yoldaşı və övladları Londonda yaşayırlar, iki uşağı burada məktəbə gedir, özü ilin əhəmiyyətli hissəsini Londonda sahib olduğu evində keçirir”.
C.Feyziyevin 2003-cü ildən biznes sahəsində "ulduzu"nun birdən birə parlamasının səbəblərini araşdırdığımız zaman bir çox məslələr üzə çıxmaq üzrədir. Bu haqda ifadetv.com saytı sentyabr ayında qısa məlumat da vermişdir. Hesab edirik ki, deputat toxunulmazlığı statusu itirildikdən sonra və onun 2003-cü ildən siqaret biznesilə yanaşı "Avromed" şirkətini yaratmasında həmyerlisi ( əslən ermənistanlı olan) sabiq nazir Əli İnsanovun əvəzedilməz köməkliyi sayəsində C.Feyziyev rəsmi milyonerə çevrilmişdir. Onun Əli İnsanovun indiyədək Almaniyada olan dərman fabriklərilə əməkdaşlığı bu günədək davam etdirməsi və sabiq nazirlə olan gizli dostluğu barədə verdiyimiz informasiyalar onun təcili tədbirlər görməyə, yəni ölkəni vaxtında tərk etməyə vadar etmişdir. Bizi izləyin
İfadetv.com
