Günlərdir mediada gündəm olan mövzu var: Elman Nəsirov. Bu dəfə nə "ermənilərin əyilə-əyilə gəzməsi" nə də xalqın problemini həll etməsi ilə gündəmə düşməyib. Həll edə bilmədiyi ailə ayıbı ilə gündəmdədir. Qızı ortaya çıxıb və iddia edir ki, atası ona baxmır, onu yaxına buraxmır.
Bir neçə gün öncə mediaya çıxan deputat qızının həll edə bilmədiyi problemi yıxıb müxalifətin üstünə. Sanki müxalifət bununla ortaq uşaq doğub. Gah deyir ona ev vermişəm, gah da deyir 800 manat aliment ödəmişəm. Bəyəm o yaşda qız üçün 1 nəfərə ayrılan aliment öhtəliyi 800 manatla yekunlaşır?
Bu gün qızı yenə efirə çıxıb atasının yalan danışdığını, onu evlə təmin etməsinin yalan olduğunu bildirib:
"Bir dəfə atamgilə getdik, bir gün belə məni evində saxlamadı. Guya mənə 3 ev verdiyini deyib. Hardadı o evlər? Adreslərini belə bilmirəm."
Öz ailəsinin problemini həll edə bilməyən, qızı haqqında belə yalan danışan deputat xalqa deputat kürsüsündə həqiqətləri danışa bilərmi? Öz öhdəsinə xalqın problemlərini həll etməyi götürmüş bir deputat ailəsinin problemini həll edə bilmir. Deputatlar nəyi gözləyir bəs? Bu biabırçılığa daha nə qədər susacaqlar? Elman Nəsirovun deputat statusuna yenidən baxılmalı, ailəvi problemləri ilə dövlətimizə, dövlətin təhlükəsizliyinə və deputat adına xələl gətirən bu şəxsin deputat hüququ əlindən alınmalı, uzun müddətlik ailəsindəki problemləri həll etmək üçün göndərilməlidir. Ya da birdəfəlik. Ən yaxşısı da budur. Artıq ermənilər də əyilə-əyilə gəzmədiyi üçün Elman Nəsirovun o kürsüdə bir işi qalmayıb...
İfadə Cəfərzadə
