Azərbaycan Avtomobil Yolları Dövlət Agentliyinin Maliyyə İdarəsinin Hesabat və balans şöbəsinin baş mütəxəssisi Namiz Fərmanov yaxın günlərdə oğluna toy mərasimi keçirib. Məlumata görə, toy paytaxtın dəbdəbəli restoranlarından birində – “Elux Event Hall”da baş tutub.
Ifadetv.com“Tribunainfo.az”a istinadla xəbər verir ki, dövlət tədbirindən seçilməyən mərasimdə ölkənin aparıcı müğənniləri – Aygün Kazımova, Röya və digərləri iştirak edib. Mənbənin məlumatına görə, müğənnilərə 150 min manat pul xərclənib.
Gələn qonaqlar arasında 11 saylı Quba Xüsusi Təyinatlı Yol İstismarı MMC-nin direktoru Hikmət Seyidov da olub. Seyidov toya ailəsi ilə birlikdə qatılıb və hədiyyə olaraq 20 min ABŞ dolları dəyərində zinət əşyası hədiyyə təqdim edib.
Maraqlıdır ki, dövlət qulluğunda çalışan şəxslərin belə yüksək dəyərli hədiyyələr alması və verməsi, etik davranış qaydaları və vəzifə səlahiyyətlərindən sui-istifadə ehtimalı kontekstində suallar doğurur. Yəni, Dövlət sektorunda çalışanların özəl tədbirlərində nümayiş etdirilən dəbdəbə, büdcə pulları ilə lüks həyat təsəvvürünü gücləndirir.
