Rusiya Prezidentinin mətbuat katibi Dmitri Peskovun ulu babası Yakov Zevin 1918-ci ildə güllələnən 26 Bakı komissarından biri olub.
Bu barədə “Proyekt” jurnalı məlumat yayıb.
Məlumata görə, Lenin Zevinin ölümündən sonra onun dul arvadına Moskvada mənzil verib:
“Peskovanın ulu nənəsi Nadejda Krupskaya ilə Xalq Maarif Komissarlığında birlikdə işləyib və Leninin ailəsinə yaxın olub. Daha sonra Dmitri Peskovun anası Nadejda Zevina Qırmızı Ordu Hərbi Hava Qüvvələrində partiya “təmizləmələrində” iştirak edib və ömrünün son illərində Lenin Muzeyində çalışıb. Bioqraflar qeyd edir ki, onun xidmət yerləri haqqında məlumatlar gizli saxlanılır və bu, kəşfiyyat zabitləri üçün xarakterikdir. Ailə Presnya küçəsindəki elit bir binada yaşayıb, qonşuları arasında KQB və xarici ticarət rəsmiləri yer alıb. Peskovun atası, Asiya və Afrika Araşdırmaları İnstitutunun məzunu Sergey Peskov uzun illər Yaxın Şərqdə “dostluq cəmiyyətləri” adı altında xidmət edib. Bu cəmiyyətlər Soyuq müharibə dövründə Sovet kəşfiyyat zabitləri üçün klassik bir örtük idi. Dmitri Peskov diplomat ailəsində anadan olub və uşaqlıqdan ezamiyyətlərdə yaşayıb. Onun karyerası iki uğurlu evlilikdən sonra başlayıb. Onun ilk arvadı marşal Semyon Budyonnının nəvəsi Anastasiya idi və onun sayəsində Peskov ilk xarici təyinatını Türkiyəyə alıb. Boşandıqdan sonra diplomat Vladimir Solotsinskinin qızı Yekaterina ilə evlənib. Məhz onun atası Peskova Boris Yeltsinin 1999-cu ildə Türkiyəyə səfərində iştirak etməyi tövsiyə edib. Beləliklə, Peskovun Kremlə yolu açılıb və zamanla Vladimir Putinin baş media texnoloqu, cəmiyyətin gözündə prezidentin imicinə cavabdeh olan şəxsə çevrilib”.
