Belqrad Rusiya tərəfinin dəstəyi ilə gələn həftə ABŞ-a məktub göndərərək Serbiyanın Neft Sənayesi Şirkətinə (NİS) tətbiq olunan sanksiyaların dayandırılmasını xahiş etməyi planlaşdırır.
Bunu Serbiyanın Prezidenti Aleksandr Vuçiç deyib.
“Gözləyirəm ki, bazar ertəsi və ya çərşənbə axşamı günü ruslarla birlikdə və Rusiyanın münasib bildiyi tərəflərlə ABŞ hökumətinə məktub göndərək. Görək, onlar bizi bir, iki və ya üç aylıq sanksiyalardan azad etməyə razılıq verəcəklərmi? Çünki biz artıq idarə heyətinin dəyişdirilməsi prosesinə başlamışıq”, - deyə Vuçiç bildirib.
Qeyd edək ki, ABŞ Maliyyə Nazirliyi yanvar ayında “Qazprom Neft”i, onun rəhbəri Aleksandr Dyukovu və NİS-i sanksiyalar siyahısına daxil edib.
