Qida obyektlərində sanitariya və gigiyena qaydalarına əməl olunması istehlakçı sağlamlığının qorunması baxımından əsas tələblərdən biri hesab olunur.
Son günlər sosial şəbəkələrdə yayılan görüntülər ictimai müzakirələrə səbəb olub.
Videolarda "Domino's Pizza" restoranının Nərimanov filialında işçilərin pizzaların hazırlanması zamanı əlcəkdən istifadə etmədiyi iddia olub.
Məsələ ilə bağlı Baku TV-nin çəkiliş qrupu sözügedən ünvanda olub.
"Əgər hər hansı müştəri pizzasının əlcəksiz hazırlanmasını istəmirsə və bu barədə iradını bildirirsə, o halda əməkdaş əlcək taxaraq pizzanı yenidən hazırlayır. Bizim iş standartımız belədir, əlcək taxılmır", - deyə restoran rəhbəri bildirib.
