Xəbər verdiyimiz kimi Beylaqanda polisin keçirdiyi xüsusi əməliyyat nəticəsində 5 nəfər məsuliyyətə cəlb olunub.
XALQ xəbər verir ki, Daxili İşlər Nazirliyinin məlumatına əsasən “Beyləqan rayonunda 15 yaşlı qıza qarşı seksual xarakterli hərəkətlər edilməsilə bağlı polisə məlumat daxil olub. Faktla bağlı Rayon Polis Şöbəsində Cinayət Məcəlləsinin müvafiq maddəsi ilə cinayət işi başlanılıb. İş üzrə 5 nəfər şübhəli şəxs qismində tutularaq istintaqa cəlb olunub. Araşdırmalar davam etdirilir”.
Araşdırmamız nəticəsində məlum olmuşdur ki, polisin keçirdiyi əməliyyat zamanı 5 nəfər saxlanılanlar arasında Beylaqan rayonunda iş adamı kimi tanınan Qəhraman Qəhramanovun övladı Xəyal Qəhrəmanovda var.
Qeyd edək ki, Beylaqanda geniş biznes imkanlarına sahib olan Qəhraman Qəhramanovun oğlu Xəyal Qəhramanov dəbdəbəli həyat tərzi ilə seçilib. Sosial platformada onun bir çox bahalı avtomobilləri ilə və restoranda fotoları yayımlanıb.
Bu hadisə ölkədə geniş rezonans doğurub və sosial şəbəkələrdə müzakirəyə çevrilib.
Məlumat üçün bildirir ki, cinayət işi ilə bağlı araşdırma davam edir.
