Cənubi Koreya Silahlı Qüvvələri 2025-ci ilin sonlarında bunkerlərin məhv edilməsi üçün nəzərdə tutulmuş, ölçülərinə və dağıdıcı gücünə görə "yırtıcı" adlandırılan güclü "Hyunmu-5" ballistik raketlərini silahlanmaya qəbul etməyə başlayıb.
Oxu.Az bildirir ki, bu barədə "Yonhap" agentliyi hərbi mənbələrə istinadən məlumat yayıb.
"Yer-yer" tipli raketin döyüş başlığının çəkisi 8 tona çatır. "Hyunmu-5" raketlərinin qoşunlara tam şəkildə təhvil verilməsi 2030-cu ilə qədər başa çatdırılmalıdır.
"Hyunmu-5" ilk dəfə 2023-cü ildə Cənubi Koreya Silahlı Qüvvələr Günü münasibətilə keçirilən paradda ictimaiyyətə təqdim edilib, lakin onun taktiki-texniki xüsusiyyətlərinin böyük hissəsi hələ də məxfi saxlanılır.
