ABŞ Prezidenti Donald Tramp iddia edir ki, Hindistanın Baş naziri Narendra Modi onunla telefon danışığında Rusiya neftinin alışını dayandırmağa razılıq verib.
Oxu.Az xəbər verir ki, Ağ Evin rəhbəri bu barədə "Truth Social" şəbəkəsində məlumat paylaşıb.
"Biz Rusiya ilə Ukrayna arasındakı müharibənin başa çatdırılması da daxil olmaqla bir çox məsələ barədə danışdıq. O, Rusiya neftini almağı dayandırmağa, bu xammalı ABŞ-dən və potensial olaraq Venesueladan almağa razı oldu", - deyə Tramp vurğulayıb.
O hesab edir ki, bu, Ukraynadakı müharibəni başa çatdırmağa kömək edəcək.
