"Cənubi Qafqaz və Mərkəzi Asiya ABŞ şirkətlərinin yüksək maraq mərkəzindədir".
Oxu.Az "Report"a istinadən xəbər verir ki, bu barədə ABŞ Ticarət Palatasının beynəlxalq üzvlərlə əlaqələr, Yaxın Şərq və Türkiyə üzrə baş vitse-prezidenti Kuş Çoksi jurnalistlərlə görüşü zamanı bildirib.
"ABŞ Ticarət Palatası böyük bir təşkilatdır. Azərbaycandakı aktiv fəaliyyətimizə cəmi iki il əvvəl başlamışıq, lakin artıq ölkənin COP29-u nə dərəcədə uğurla keçirdiyini görməyə imkan tapmışıq. Ötən il Prezident İlham Əliyevlə görüşümüz baş tutdu və o bizi ABŞ biznesini Azərbaycana daha aktiv şəkildə cəlb etməyə çağırdı", - deyə Çoksi qeyd edib.
