Keçən ayın 6-da İfadetv.com saytının araşdırmaları nəticəsində “Hakimin rüşvət hesabına azadlığa buraxdığı dələduzu polis necə tapsın?” başlıqlı məqaləsindən sonra əlaqədar qurumlar hərəkətə keçmiş və çoxsaylı vətəndaşlara qarşı dələduzluq cinayətləri törətmiş və barəsində axtarış elan edilmiş Əliyev Elvin Gündüz oğlu aprelin 6-da səhər saatlarında Nəsimi rayon Polis İdarəsinin sayıq əməkdaşları tərəfindən saxlanılaraq müvəqqəti saxlanma məntəqəsinə yerləşdirilmişdir.

Xatırladaq ki, əvvələr də dəfələrlə dələduzluq etmiş ( hətta xarici ölkə vətəndaşı olan bir türk iş adamına qarşı dələduzluq cinayəti törətmiş) peşəkar dələduz Elvin Əliyevə 2018-ci ilin dekabrın 11-də Bakı Ağır Cinayətlər məhkəməsində vətəndaşlara 300000 dollar miqdarında vurduğu ziyana görə Cinayət Məcəlləsinin 178.2.3 və 178.3.1 maddələrilə təqsirli bilinsə də sonda  3 il şərti cəza verilməklə azadlığa buraxılmışdır. Və dərhal dələduz işini davam etdirərək onlarla vətəndaşlara qarşı eyni əməli törətmiş və bu ilin aprelin 5-dək törətməkdə davam etmişdir. Son məlumata görə Binəqədi, Yasamal və Nəsimi Polis İdarələri çoxsaylı şikayətlər əsasında bu cinayətkarı axtarsalar da nəticəsiz qalmışdır. Bəs o zaman, kimdir günahkar? Əlbəttə ki, qanunvericiliyin icazə vermədiyi halda belə canini maddi maraqların təmin olunması müqabilində azadlığa buraxmış vicdansız HAKİM!.
Budur, “Su çanağı suda sındığı kimi” dələduz Elvin əliyev də 4 gün əvvəl  Nəsimi RPİ-nin peşəkar operativ işçiləri tərəfindən  tapılaraq yenidən hakim qarşısına çıxarılmsını təmin etmişlər. Bu gün Nəsimi rayon Məhkəməsində sədrlik edən hakim Elməddin Hüseynovun sədrliyilə keçirilən məhkəmə prosesində dələduz E.Əliyevin şərti cəzası 6 il 8 aylıq həbslə əvəz edilməsi barədə hökm oxunmuşdur. Bundan sonra Binəqədi və Yasamal RPİ-də dələduz E.Əliyev törətdiyi digər qanunazidd əməllərilə bağlı başlanmış istintaq araşdırılmalarına cəlb ediləcəkdir.