IFADETV.COM: Oğuz rayonun Dəymədağlı kənd sakini Kərimov İlqar Baba oğlu tərəfindən dövlət başçısına və aidiyyatı dövlət qurumlarına
“Ekologiya Nazirliyinin süründürməçi, məsuliyyətsiz, məmurlarının qanunazidd hərəkətlərinin dərhal qarşısının alınması” barədə şikayət məktubu ünvanlamışdır. Bir nüsxəsi də ifadetv.com saytına göndərilən şikayət ictimai və dövlət əhəmiyyəti kəsb edtdiyindən üçün 30 aprel tarixində “Akologiya Nazirliyinin məsuliyyətsiz məmurlarından – PREZİDENTƏ ŞİKAYƏT” başlıqlı sərlövhə ilə oxucularımıza təqdim etmişdik. Və çox təəssüflər olsun ki, yazıda adları hallanan idarə və şəxslər vətəndaşın haqlı narazılığını dinləmək və tədbir görmək əvəzinə ona hədə-qorxu gəlmiş və get kimə istəyirsən şikayətini davam etdir! Cavabını vermişlər. Bu hadisə ilə bağlı şikayətçi vətəndaş may ayının 4-də və 14-də saytımıza göndərdiyi məlumatda bildirir:
29 aprel 2020-ci il tarixli müraciətimdən sonra 2 may. axşam saat 19 radələrində özünü ETSN 6 saylı idarə rəisinin müavini kimi təqdim edən birisi mənə zəng edib görüşdü və qəzəbli formada tələb etdi ki, get şikayətini geri götür, de ki, hirsli olmuşam, başa düşməmişəm. Təbii ki,mən razılaşmadım. O zaman o da Əlirza Əliyevin mobil telefonuna yanımda zəng edərək soruşdu ki, sən İlqar Kərimovdan gül kollarının yerinin dəyişdirlməsi üçün 2016-da 2000 manat pul almısanmı? Əlirza təsdiq etdi ki, bəli almışam. Rəis müavini telefonu söndürdü və acıqla mənə bildirdi ki, get nə istəyirsən, hara istəyirsən şikayət et. Baxarıq, heç nə sübut edə bilməyəcəksən Sonra maşına oturub aradan çıxdılar. Bu da şikayətimlə bağlı ETSN yerli 6 saylı idarə rəisi səviyyəsində olan tapşırığın icrası. Hesab edirəm ki, İdarə rəisinin müavini DİN-nin BMCMİ- tərəfindən 2 ay öncə ETSN idarə rəisi İlqar Qəribovun dəstəsinin cinayət əməlləri ifşa edildikdən sonra belə, hələ də ibrət dərsi götürə bilməyən birisidir. Rəis müavinin belə arxayınçılığının, dillənməyə sövq edən və özündən müştəbeh olmasının səbəbi isə ETSN-də arxalandığı hansısa məmurdur. Qoy olsun, amma ölkə də yiyəsiz deyil. Və düşünürəm ki, Oğuz və Qəbələ meşələrini dədələrinin malı kimi tamamilə məhv edərək satıb qanunsuz varlanmış İlqar Qəribov dəstəsinin Əlirza Əliyev kimi süründürməki, pulumu mənimsəyən birisinə qahmar çıxması yaramazlığın, məsuliyyətsiliyin, özbaşnalığın bir hissəsidir.
Bir daha xatırlatmaq istərdim ki, mən bir sahibkaram, cənab dövlət başçısı da dəflərlə öz çıxışlarında vurğulayıb ki, sahibkarları incitmək olmaz, onlara şərait yaratmaq lazımdır ki, vergiyə cəlb olunsunlar, dövlətin maraqlarını təmin etsinlər.” biz də bir sadə sahibkar olaraq prezidentin göstəriş və tapşırıqlarına güvənərək bütün qayda qanunlara əməl etməklə obyekt tikib istifadəyə vermişik. Və paxıl qonşu market sahibinin gecə gəlib mənim obyektimin qarşısında qanunsuz olaraq gül kolları əkməsi və bu kollara toxunmamaqla məni hədləməsindən sonra, mənim də qanun daxilində bu problemin həll edilməsi üçün vəzifəsi meşə sahələrinin qorunması və inkişaf etdirilməsi olan ETSN yerli mərkəzinə 4 il əvvəl etdiyim rəsmi müraciətə baxmayaraq məni indiyədək süründürməçiliyə salırlar. İdarənin indiki şöbə rəisi Əlirza da bu işlərin texniki cəhətdən görülməsi üçün məndən rüsum adı altında 4 il əvvəl aldığı 2000 manat pulu da qaytarmır. Bu gün hiss edirəm ki, istər idarənin rəis müavini, istərsə də Əlirza Əliyev mənim marketimin fəaliyyətinə əngəl olan qanunsuz əkilmiş gül kollarının məktəb və ya uşaq bağçası həyətinə köçürülməsilə bağlı yerli bələdiyyənin verdiyi qərarı icra etməməsində marağı bu olmuşdur ki, qonşuluqda yerləşən market sahibi ilə də gizli sövdələşmiş və konkret maraqları təmin edilmişdir. Ona görə də məndən də 2000 manat almaqlarına baxmayaraq bu işi görmək istəmirlər. Atalar misalı var, deyərlər “uşağı atasına görə döyməzlər.” Ona görə mən də Ekologiya və Təbii Sərvətlər naziri cənab Müxtar Babayevdən tələb edirəm ki, ciddi aşınmaya məruz qalmış yerli məmurlarınız tərəfindən Bələdiyyə tərəfindən qanunsuz olaraq marketimin qarşısında əkilmiş “gül kollarının kəndin məktəb və ya uşaq bağçası həyətinə köçürülməsi” barədə qərarının icra edilməsini və işçiniz Əlirza Əliyevin iş görmək adıilə məndən aldığı 2000 manat pulun dərhal geri qaytarılmasını təmin edəsiniz.
Hörmətli, İqtisadiyyat naziri cənab Mikayıl Cabbarovdan da xahişim budur ki, indiki pandemiya və karantin dövründə yerli sakinlərin ərzağa olan tələbatınn ödənilməsinə qəsdən imkan verməyən və şərait yaratmayan ETSN yerli idarə rəhbərliyinin və qonşu marketin sahibinin qanunsuz əməllərinə hüquqi qiymətin verilməsi üçün lazımi göstərişlər versin.
İfadetv.com Müraciətdə adları qeyd edilmiş rəsmi qurumların və şəxslərin də mövqeyini dərc etməyə hazırıq.
P.S. İndiki pandemiya dövründə sahibkarın bu qədər yersiz yerə incidilməsi və hətta ona şikayət verdiyinə görə ETSN yerli məmuru tərəfindən hədə-qorxu gəlinməsi, təzyiq göstərilməsi sadcə olaraq başa düşülən deyil. Əksinə, hesab edirik ki, Nazirlik əməkdaşlarının qanunsuz əməlləri də bu gün respublikamızda baş verən antikorrupsiya kampaniyasına daxil olmalı və ciddi araşdırlmalıdır.
