Məlum olduğu kimi, Azərbaycanda struktur islahatları və səlahiyyətlərindən sui-istifadə edən yüksək vəzifəli məmurların həbsi davam edir.
Prezident İlham Əliyev son çıxışlarında bildirib ki, təmizləmə prosesi davam edəcək. Dövlət başçısı onu da xüsusi olaraq vurğulayıb ki, kimsə özünü toxunulmaz hesab edə bilməz.
Bəs görəsən, prosesin növbəti mərhələlərində hansı məmurların cəzalandırılması gözlənilir?
Hurriyyet.org bildirir ki, Konkret.az-ın bununla bağlı sualını cavablandıran Müasir Müsavat Partiyasının sədri Hafiz Hacıyev bildirib ki, rüşvətxor məmurların hər biri həbs edilməlidir: “Azərbaycanda 5-10 məmur tapmaq olar ki, öz işini vicdanla görür. Qalanları o qədər harınlayıb ki, özlərini Allah kimi aparır. Çünki onların çoxunun xaricdə, orda-burda milyardları var.
CƏNAB PREZİDENT BUNUNLA BAĞLI GÖSTƏRİŞLƏRİNİ VERİB. ÖZÜNÜZ DƏ GÖRDÜNÜZ Kİ, NƏ QƏDƏR İCRA BAŞÇISI, NAZİR MÜAVİNLƏRİ VƏ YÜKSƏK VƏZİFƏLİ ŞƏXSLƏR TUTULDU. BU HƏBSLƏR ÖZ VƏZİFƏSİNDƏN SUİ-İSTİFADƏ EDƏN BÜTÜN MƏMURLARA ŞAMİL EDİLMƏLİDİR. ELƏCƏ DƏ XARİCDƏ OLAN SƏFİRLƏRİMİZƏ. ÇÜNKİ ONLAR DA BİZNESLƏ MƏŞĞULDURLAR VƏ NƏ QƏDƏR YEYİNTİLƏR EDİBLƏR. CƏNAB PREZİDENT CİDDİ İSLAHATLARA BAŞLAYIB. BU MƏSƏLƏDƏ DAHA CİDDİ VƏ ƏZMLİDİR. AZƏRBAYCAN XALQI DA CƏNAB PREZİDENTİN BU İSTİQAMƏTDƏ ATDIĞI BÜTÜN ADDIMLARI DƏSTƏKLƏYİR. DÜŞÜNÜRƏM Kİ, İNSANLARIN NARAZILIĞINA SON QOYMAQ ÜÇÜN NƏ QƏDƏR HARINLAMIŞ MƏMUR VARSA, HAMISI HƏBS EDİLMƏLİDİR”.Hafiz Hacıyev onu da əlavə edib ki, bu məsələdə heç kimə güzəşt olunmamalıdır: “Cinayət törədən, rüşvətə qurşanan hər kəs öz cəsasını almalıdır. Onların hər birinin biznesinə, əmlakına əl qoyulmalıdır və oğurladıqları pullar büdcəyə geri qaytarılmalıdır.
İllərdir hakimiyyətdə kök salan Ramiz Mehdiyev və komandası ölkə başçısına xəyanət etməklə məşğuldur. Onlar əllərindəki milyardlardan ictimai rəyi dövlətin əleyhinə yönəltmək üçün istifadə ediblər. Ümumiyyətlə, vəzifəsindən çıxarılan məmurların hər biri yoxlanılmalı, həbs edilməlidir. Sahib olduqları milyardları haradan əldə etdikləri araşdırılmalıdır.
Baxın, bəzi məmurların savadsız balası 500 minlik maşın sürür. Əli Həsənovun nəvəsi adam öldürdü, amma həbsxanada 1 gün də qalmadı.
Məsələn, Abel Məhərrəmov Ramiz Mehdiyevin tapşırığı ilə bu gün Azərbaycan dövlətinin əleyhinə çox ciddi işlər aparır. Həmçinin, dənizin qırağında beşmərtəbəli villalar tikdirir.
Bunların hamısını xalq görür. Düşünürəm ki, həbslər davam etməli, həbs olunanların cinayət əməlləri barəsində ictimaiyyətə mütəmadi məlumat verilməlidir”
