Xatırladaq ki, İfadetv.com İnformasiya Agentliyinin araşdırma qrupu ötən saylarında "ETSN səlahiyyətlisi Bəhruz Məhəmmədov Ulu Öndərin bir ağac kəsilməsi barədə dediklərini vecinə almır" başlıqlı yazısında nazirliyin Dövlət Ekoloji Təhlükəsizlik Agentliyinin sədr müavini olan Bəhruz Məhəmmədovun törətdiyi korrupsiya əməllərindən, vəzifədən gen-bol süi-istifadə etməsindən, qohumbazlığından, əsassız varlanmasında bəhs etmişdik.
Aldığımız son məlumatlardan da aydın olur ki, rəhbəri Hikmət Əlizadənin xarici ölkələrdə müalicə almağa başı qarşıq olması nəticəsində külli-ixtiyar sahibi olmasından süi-istifadə edərək iştahı daha da artmışdır. ETSN böyük bir Agentliyinə müvəqqəti rəhbərlik edən Bəhruz Məhəmmədin oğlu özünü hətta nazirdən də yüksəkdə hiss edir. Belə ki, "PLANI" yerinə yetirməyən tabeli strukturların rəhbərlərini müxtəlif bahanələrlə sıxışdırmağa başlaması çox mətləblərdən xəbər verir.
Ötən sayımızda qeyd etmişdik ki, Oğuz rayonun Daşağıl meşəbəyliyi ərazində ərazinin meşə sahə rəisi olan Elmdarın ( əslən laçın rayonundan olan və ETSN Dövlət Ekoloji Təhlükəsizlik Xidməti rəisinin müavini, Bəhruz Məhəmmədovun yaxın qohumu) Bakıda yaşayan imkanlı qohumlarının adına fiziki şəxs kimi 21 ha meşə fondunın sıx ağaclıq yerini 15 il müddətinə qanunsuz olaraq icarə vermişlər. Yerə 23 mart 2021-ci il tarixində baxdığımız zaman burada heç bir ağac tinginə rast gəlmədik. Lakin 2 gün sonra, 25 mart tarixlərində nazirliyin monitoriq qrupu ilə birlikdə baxış keçirdiyimiz zaman burada heç bir aqrobağın salınmadığı, əksinə 6 ha sahədə taxıl əkildiyi məlum olmuşdur. Digər sahələr üçün mişar kəpəyinin və mal peyninin gətirilərək sahədə toplanmasının şahidi olduq. bunar tərəvəz və bostan məhsullarının əkilməsi üçün hazırlıq işlərinə bənzəyirdi. 2 gün sonra isə ETSN əməkdaşlarının gələcəyindən xəbər tutan meşə sahə rəisi Elmdar gecə iməcilik təşkil edərək ərazinin 2 ha yerinə 5 x 8 metr olmaqla tezbazar GMO tipli qoz tingləri əkdirmişlər. Qalan ərazilər isə dirrik məhsulları əkilməsi üçün hazırlıq işləri görülmüşdür. Yəni fiziki şəxs ETSN-dəki vəzifəli qohumunun göstərişi və dəstəyi nəticəsində şərikinə bağladığı icarə müqaviləsinin şərtlərini kobud surətdə pozmuşdur. Bu ilin payızında isə sözügedən 21 ha sahənin 8 ha=na qanunsuz olaraq taxıl səpmişdir.
Bundan daha acınacaqlı vəziyyətlə isə ərazinin yaxınlığındakı yuxarı hissəsində meşə sahəsinin 1 ha sahəsində yenə də Bəhruz Məhəmmədovla birlikdə apardığımız monitorinq nəticəsində yenicə kəsilmiş orta və kiçik diametrli 650 ədəd palıd, dəmirqaya, vələs ağaclarının kəsilib bir hissəsinin aparıldığını, bir hissəsinin isə meşədə qaldığını aşkar etdik. Lakin bu qiymətli ağaclar yerindəcə aktlaşdırılmadı. Çox təəssüflər olsun ki, bu kəsilən ağaclara aid akt bu günə kimi tərtib edilməmişdir. Lakin məlumatlı mənbə bildirmişdir ki, bu meşə sahəsi bütünlüklə meşəbəyi Fazilin ərazisidir və kəsilən ağacların hamısı hər QAZel yük avtomobili üçün 60 manat ödənilməklə yaxınlıqdakı kəndlərə kömür quyuları üçün xammal kimi tədarük edilir. Və hər kömür quyusunun istisamrı üçün aylıq 30 manat HAQQ alınır. Bu haqqın da çox hissəsi Bakıya- Bəhruza öz yaxın qohumu olan meşə sahə rəisi Elmdar tərəfindən icra edilir.
Bundan daha faciəli halla isə Oğuz rayonun Calud meşəbəyliyi ərazisində rastlaşdıq. Belə ki, ərazidəki 70 ha meşə fondu torpaqlarının ETSN-lə 2019-ci il 29 noyabr tarixində aqrobağ salınması adı altında fiziki şəxslə bağladıqları 7 nömrəli icarə müqaviləsinin şərtlərinə zidd olaraq 150-200 illik iri və orta gövdəli qiymətli minlərlə meşə cinsli sıx ağaclardan, 36 ha isə fındıq və qoz bağından ibarət meşə fondunun hamısı kürünərək məhv edilmiş, 10 ha sahədə vələmir, 15 ha sahədə isə taxıl əkilmişdir.( Bələdiyyə fonduna aid 20 ha əvəzinə 25 ha, yəni 5 ha meşə fondu qanunsuz olaraq məhv edilmişdir) Sahənin ortasında yaşı 200-dən çox olan 7 ədəd qovaq ağacları qalmışdır. Əkilmiş sahənin ortasında qazılmış iri çalaya isə irigövdəli ağacların kökləri basdırılmış, üzəri torpaqla örtülərək gizlədilməyə çəlışılmışdır. Məlumata görə digər hazırlanmış 30 ha əraziyə də ETSN əməkdaşlarının (Bəhruz Məhəmmədoğlu, Cəmil və Məhyəddin olmaqla) monitorinqindən sonra dərhal taxıl səpilmişdir. Yerli sakinlərin verdikləri məlumata görə həmin qədim 70 ha iri ağaclı sıx meşə fondu torpaqları da 2 il əvvəl Maliyyə naziri Samir Şərifovun qohumu hesab edilən Nihad Zahid oğlu Şərifli adlı fiziki şəxslə ETSN arasında uzunmüddətli icarə müqaviləsi bağlamışdır. Lakin ETSN əməkdaşları ilə şahidi olduq ki, ərazidə heç də müqavilədə göstərilən təyinat üzrə işlər görülməmişdir. Yəni, 150-200 illik sıx ağacları olan qədim meşə fondu vəhşicəsinə kürünərək məhv edilmişdir. Biz məsləni dəflərlə ictimaiyyət və dövlət orqanları qarşısında qaldırdıqdan sonra icarəyə verilmiş həmin ərazinin 25 ha-nın yerli Bələdiyyə fonduna, qalan çox hissəsinin dövlət meşə fonduna olan hissəsini ETSN rəhbərliyinin konkret olaraq B.Məhəmmədovun əsassız göstərişləri əsasında meşə fondu bələdiyyə fondunun balansına keçirilmişdir. Ki, birlikdə törətdikləri irimiqyaslı cinayətlər ört-basdır edilsin. Və edildi də. 
Qeyd etdiyimiz məsələ ETSN Aparatında rəhbərliklə geniş müzakirə etmiş, foto və video materialları aprelin 07 –də təqdim etsək də indiyədək görülən tədbirlərlə bağlı heç bir rəsmi cavab almamışıq. Heç inanmırıq da ki, ETSN rəhbərliyi, başda nazir cənab Muxtar Babayev və onun meşələr üzrə 17 illik staja malik nazir müavini cənab Firdövsi Əliyev formal da olsa cavab vermək cəhdinə bulunsunlar. Biz isə dövlət və xalq qarşısında öz peşə borcumuzu yerinə yetirərək tarix yazırıq. Lakin yazdıqlarımıza görə təəssüf edirik ki, milli sərvətimiz olan meşələrimizin ETSN rəhbərliyinin dolayı göstərişləri nəticəsində, yalnız varlanmaq xatirinə total məhv edilməsi barədə yazdıqlarımız Azərbaycanın ekologiya tarixində qara ləkə olaraq əbədi qalacaqdır.
Caludda, Daşağıl və Muxas meşələrində kütləvi ağac kəsimlərinin səbəbini araşdırdıq. Məlum oldu ki, Daşağıl meşə sahə rəisi Elməddin əslən Laçın rayonundan olub ETSN Ekoloji Xidmət rəisinin müavini Bəhruz cənablarının yaxın qohumudur. Ona görə onlara, eləcə də digər meşəbəyi işləyən qardaşına da "gözün üstə qaşın var" deyən yoxdur. Bu etibarlı qohum qardaşlar az müddət ərzində Bakıda və Oğuz şəhərində özlərinə bahalı malikanə tikib yaşayırlar. Əməkhaqları isə 450 manat olmuşdur. İndi yerli sakinlər bu laçınlılara deyəndə ki, Vətəniniz Laçın işğaldan azad olub, niyə dədənizin evinə getmirsiniz? Cavab verirlər ki, biz uyğunlaşa bilmərik. Yəni, Bəhruzun qohumları Oğuzda daha çox meşələri qırıb əsassız varlanmaya üstünlük verirlər.
Meşələrimiz görünməmiş miqyasda – kütləvi surətdə kürünmə üsulu ilə məhv edildi. Və bu vandalizm aktları indi də geniş miqyasda davam etməkdədir.Heç ermənilər Laçında və Kəlbəcərdəki meşə fondumuzu belə qəddarlıqla məhv etməmişdilər. Ən pis hal isə budur ki, aidiyyatı dövlət qurumları da təbiətimizin qorunmasında nədənsə passivlik nümayış etdirirlər. Yəni, bütün yuxarıda sadalanan faktların bir hissəsini analiz etdikdə və son 2 ildə apardığımız araşdırmalardan o nəticəyə gəlirik ki, Ekologiya və Təbii Sərvətlr Nazirliyində təbii sərvətlərimizin əməldə qəsdinə duran "açar fiqurlardan" biri elə Nazirliyin Dövlət Ekoloji Təhlükəsizlik Xidmətinin rəis müavini Məhəmməddin oğlu Bəhruzdur ki, var.
Budur, aldığımız son məlumatda o da xüsusilə vurğulanır ki, Məhəmmədin oğlu Bəhruzun qohumu Oğuzda məşhur "ağaclar qatili" kimi ad qazanmış Elmdar bəy təbii sərvətlərimizin hesabına qazandığı haram pullarla özünə yeni model Amerika istehsalı olan 50000 dollarlıq CİP avtomobil almışdır. 
Bundan sonra ayıq oxucularımız üçün təsəsvvür etmək bir o qədər də çətin olmaz ki, əgər ETSN səlahiyyətlisi Bəhruzun adi bir Oğuz rayonunda meşə sahə rəisi işləyən Elmdar adlı qohumu qısa müdət ərzində bu qədər varidata sahibdirsə, onda görün Məhəmmədin oğlu Bəhruzun əsasız varlanması nəticəsində topladığı mal-mülk nə qədərdir?
Araşdırmalarımız davam edir.
İFADETV.COM -un araşdırma qrupu
Adları qeyd edilən şəxslərin mövqelərini dərc etməyə hazırıq
