Azərbaycan Prezidenti, Ali Baş Komandan İlham Əliyev bu dəqiqələrdə xalqa müraciət edir.
Qeyd edək ki, bu gün Prezident İlham Əliyev və Birinci vitse-prezident Mehriban Əliyeva Fəxri Xiyabanda Ümummilli Lider Heydər Əliyevin məzarını ziyarət ediblər. Sonra Şəhidlər Xiyabanında olublar, Vətənimizin bütövlüyü uğrunda canından keçən oğul və qızlarımızın xatirəsini yad ediblər.
Prezident xalqa müraciətini də Şəhidlər Xiyabanından edir.
Hazırda AzTV vasitəsilə yayımlanan müraciətdə Ali Baş Komandan Şuşanın işğaldan azad olunduğu müjdəsini verdi!!!
"Böyük fəxarət və qürur hissi ilə bəyan edirəm ki, Şuşa şəhəri işğaldan azad edildi! Şuşa bizimdir! Qarabağ bizimdir! Bu münasibətlə bütün Azərbaycan xalqını ürəkdən təbrik edirəm! Bütün şuşalıları ürəkdən təbrik edirəm!" - deyə Prezident bəyan edib.
Dövlətimizin başçısı deyib: “Bu tarixi bir gündə Azərbaycan xalqına bu müjdəni vermək mənim həyatımda bəlkə də ən xoşbəxt günlərimdən biridir.
Əziz Şuşa, sən azadsan! Əziz Şuşa, biz qayıtmışıq!
Əziz Şuşa, biz səni dirçəldəcəyik!
Şuşa bizimdir! Qarabağ bizimdir! Qarabağ Azərbaycandır!”.
Millətimizin, bütün Türk dünyasının gözü aydın olsun!
Eşq olsun Müzəffər Azərbaycan Ordusuna!
Qarabağ Azərbaycandır! Qələbə bizimdir!"
