Ağstafa Rayon İcra Hakimiyyəti başçısının müavini Aydın Hacıyevin qardaşı Babək Hacıyev narkotik maddə olan heroinlə saxlanılıb.
“Report”un Qərb mərkəzinin əldə etdiyi məlumata görə, 1968-ci il təvəllüdlü Babək Hacıyev polisin bu gün keçirdiyi əməliyyat zamanı külli miqdarda narkotik maddə ilə saxlanılıb.
Qeyd edilir ki, onun üzərinə baxış keçirilən zaman 4 qram heroin aşkarlanıb. Məlumata görə, icra başçısı müavininin qardaşının avtomobilində də külli miqdarda narkotik maddə aşkarlanıb.
Faktla bağlı araşdırmalar aparılır.
Qeyd edək ki, iyunun 23-də Ağstafada rayonun Mədəniyyət Evinin direktoru Vaqif Rafiq oğlu Mehdiyevə məxsus narkotik plantasiyası aşkarlanıb.
P.S. Xatırlatmaq yerinə düşərdi ki, 2013-cü ilədək Akstafa Rayon Polis Şöbəsinin rəisi də ABŞ-dan xüsusi sifarişlə 255000 dollara "CADİLLAC" avtomobili sifariş edib gətizdirmişdir. Lakin sabiq nazir Ramil Usubov bu arada polisin bütün şəxsi heyətinə şəxsi müraciəti olmuşdur ki, Tayota-PRADO markalı avtomobildən bahasından şəxsi məqsədlər üçün istifadə etməyin. Camaatı qıcıqlandırmayın!"
