TAĞI METROPOLİTENDƏ İŞLƏDİYİ MÜDDƏTDƏ HƏR AY 800 MİN MANAT "XALİS GƏLİR" ƏLDƏ EDİB
Bəli, ictimaiyyətə bir neçə il öncə əvvəlcə məlum oldu ki, Tağı Əhmədov MTN generalı olmuş Akif Çovdarova törətdiyi korrupsiya əməllərinin 1 epizodu müqabiolində 3 milyon manat rüşvət veribmiş. İstintaqdan sonra isə bu adam utanmadan Akif Çovdarovdan verdiyi və"halallıqla" qazandığı, lakin tzyiqlərə görə verməyə məcbur olduğu 3 milyon pulunu geri də tələb etməyə başladı. Yaxşı ki, ətrafında olan bir az savadlı adamları onu başa sala bildilər ki, bu işin dalınca düşmə, yoxsa özünü də "yandırarsan". Onun milyonluq əmlakları barədə də mətbatda məlumatlara rast gəldik. İndi də bu adamın iş adamlarına sələmə verdiyi 2 milyon manatın qaytarılması ilə bağlı saldığı dava dalaşı çörək hayında olan ictimaiyyətin əksəriyyəti seyr etməkdədir.
Vaxtilə bir çırıq sırılı ilə Naxçivandan Bakıya təşrif buyurmuş bu adamın necə milyonlara sahib olmasını öyrənmək üçün Meytropolitendəki mənbəmizə müraciət etdik. Mənbə təsdiqlədi ki, bəli, Tağı müəllimin işlədiyi dövr ərzində xalis əldə etdiyi gəlir təxminən 800 min manat civarında ölçülə bilər. Btaya dövlət satınalmalarından tutmuş, metropoliten ərazilərinin qanunsuz icarəyə verilməsindən yığılan milyonlarla manatdan və digər korrupsiya əməllərinin nəticəsində əldə etdiyi işçilərimizə sirr deyil."
Budur, indi də yenicə xəbər verilir ki, AMEA Riyaziyyat və Mexanika İnstitutunun direktor müavini, professor Soltan Əliyevə qarşı dələduzluqda ittiham olunan, məhkəmə proseslərindən yayınan şəxslər həbs edilib.
APA xəbər verir ki, dələduzluqda ittiham olunan Səadət Xəlilov, Qulu Muxtarov və Sahil Abuşovun cinayət işi üzrə məhkəmə icraatı bir müddət əvvəl dayandırılıb.
Buna səbəb ev dustaqlığında olan Q. Muxtarov və S. Abuşovun sonuncu məhkəmə iclaslarına gəlmədikləri üçün onların barəsində həbs qərarı verilməsi və icraat dayandırılmaqla axtarışa verilməsi olub.
Hazırda hər iki şəxs tutularaq istintaqa təhvil verilib və onlar barəsində olan cinayət işi yenidən Bakı Ağır Cinayətlər Məhkəməsinə göndərilib. Cinayət işi hakim Zeynal Ağayevin icraatında araşdırılacaq.
Qeyd edək ki, məhkəmənin gedişində məlum olub ki, "Bakı Metropoliteni"nin keçmiş rəisi Tağı Əhmədov yaxın dostu, professor Soltan Əliyev vasitəsilə Səadət Xəlilov, Qulu Muxtarov və Sahil Abuşova ümumilikdə 2 milyon manata yaxın pulu sələmə verib. Onlar mərmər biznesində böyük qazanc olduğunu deyərək T. Əhmədovu bu işə pul yatırmağa inandırıblar. T. Əhmədov isə pulları həmin şəxslərə verib. Daha sonra sələmi qaytara bilmədikləri üçün Soltan Əliyev onlardan şikayət edib. Cinayət işi üzrə zərərçəkmiş kimi də S .Əliyev tanınıb.
Sahil Abuşov isə əvvəlki məhkəmə iclaslarda onlara sələm verən şəxsin Tağı Əhmədov olduğunu təsdiqləyib: “Biz mərmər biznesi ilə məşğul olurduq. İşləri görmək üçün pulu Səadət müəllim verirdi, o da pulları Tağı Əhmədovdan sələmə götürürdü. Tağı müəllim ona aylıq 1,5-2 faizlə pul verirdi. Üç dəfə ondan pul götürmüşük. Pulları Yasamalda YAP-ın binasının yanında aldıq. Səadət və Soltan içəri girib pulları götürürdü, sonra çıxıb bizə verirdilər”.
Məhkəmə istintaqından qaçan digər şəxs Qulu Muxtarov isə vaxtilə Bakı Şəhər Baş Polis İdarəsində əməliyyat müvəkkili işləyib. Hüquq-mühafizə orqanlarından təqaüdə çıxdıqdan sonra Beynəlxalq Bankın sabiq rəhbəri Cahangir Hacıyevin mühafizəçisi olub.
O, ifadəsində Tağı Əhmədova 1 milyon dəyərində yaqut daşını girov verdiklərini deyib: “Daş dostumun idi. Səadət təklif elədi ki, daşı girov qoyub sələmə pul götürək. Arada mənim də xeyrim olacaqdı. Daşın pulunu isə bir müddət sonra alverdən gələn qazancdan verəcəkdilər. Daşa görə cəmi 350 min manat pul ödəyiblər”.
