Müğənni Manaf Ağayev qanunsuz yolla işğaldan azad edilən Füzuli şəhərinə getdiyi avtomobil “Şankar” ləqəbli məşhur iş adamı Sənan Hüseynova məxsusdur.
Manset.az-ın yazdığına görə 10-AA-307 dövlət qeydiyyat nişanlı bahalı avtomobil “MSDIS Holdıng” MMC-nin prezidenti Sənan Hüseynova məxsusdur. O,bir yerli kimi Manaf Ağayevin yaxın dostudur.
Qeyd edək ki, hadisə ilə bağlı Daxili İşlər nazirliyi məlumat yayıb. DİN Mətbuat Xidmətinin rəisi polis polkovniki Ehsan Zahidov həmin şəxsin icazə əsasında Füzuliyə getdiyini bildirib: "Həmin 10-AA-307 nömrəli maşının icazəsi olub. Ona görə də o həbs olunmayıb. O Füzuliyə qanuni gedib".
Qlobal.az isə xəbər verir ki, Sənan Hüseynovun rəhbəri olduğu “MSDIS Holdıng” Məhdud Məsuliyyətli Cəmiyyəti dövlət satınalmalarında ən çox qalib elan edilən təşkilatlardandır.
“MSDIS Holdıng” MMC əsasən “yolların əsaslı təmiri” lotu üzrə sifariş olunan dövlət satınalamaları üzrə qalib olur.
Təkcə 2021-ci ildə təşkilat sözügedən lot üzrə xeyli sayda tenderin qalibi olub.
“MSDIS Holdıng” MMC-nin ötən il qalib olduğu tenderlərin bir qisminin siyahısını təqdim edirik:
1. Xırdalan şəhərində abadlıq işləri
1.362.482 AZN - 22.05.2021
2. Abşeron rayonu, Novxanı qəsəbəsi,
Bağlar ərazisində “Azərişıq” ASC-yə məxsus2 saylı Sumqayıt-Maştağa 35 kV-luq hava xəttininbir hissəsinin sökülərək kabel xətti ilə əvəz edilməsi işlərinin satın alınması
116.489 AZN - 26.04.2021
3. Sumqayıt şəhərində “Karvan yolu” küçəsinin və Mehdi Hüseynzadə adına Sumqayıt şəhər stadionunun giriş hissəsinin asfaltlanması işləri
277.715 AZN - 25.05.2021
4. Sumqayıt şəhərində küçə, yol, mikrorayon və məhəllələrin ərazilərindəki asfalt örtüyünün təmiri işlərinin satın alınması
2.020.503 AZN - 01.06.2021
5. Zaqatala rayonunda yolların əsaslı təmiri
542.113 AZN - 03.06.2021
6. Mehdi Hüseynzadə Sumqayıt şəhər stadionun ətraf hissəsinin abadlaşdırılması və yaşıllıq işlərinin satınalınması (II hissə)
447.134 AZN - 08.08.2021
7. Siyəzən şəhəri üzrə avtomobil yollarının əsaslı təmiri işlərinin satın alınması
442.448 AZN - 07.07.2021
8. Qəbələ rayonunda mənzil fonduna aid olan yaşayış binalarının əsaslı təmiri
164.127 AZN - 14.07.2021
9. Sumqayıt şəhərində küçə və prospektlərə yol cizgilərinin çəkilməsi
293.230 AZN - 26.07.2021
10. Sumqayıt şəhərində çoxmənzilli yaşayış binalarının fasadlarının və girişlərinin təmiri işləri
1.037.999 AZN - 30.07.2021
11. Sumqayıt şəhərində yaşayış binalarının əsaslı təmiri
787.700 AZN - 02.08.2021
12. Xırdalan şəhəri ərazisində İlham Cəfərov küçəsinin asfaltlanması
130.127 AZN - 05.08.2021
13. Qəbələ rayonunda yolların təmiri
355.982 AZN - 11.08.2021
14. Abşeron rayonunda yolların təmiri
164.995 AZN - 03.09.2021
15. Gədəbəy şəhərində şəhərdaxili küçə, meydan və parkların abadlaşdırılması
693.320 AZN - 10.09.2021
16. Sumqayıt şəhər Corat qəsəbəsində H.Salayev, M.Əliyev, Kərbalayi Zöhrab küçələrinin asfalt-beton işləri üzrə təmiri
61.642 AZN - 15.09.2021
17. Küçə işıqlarının təmiri işlərinin satın alınması
137.521 AZN - 06.10.2021
18. Şəki şəhərində yolların asfalt-betonla əsaslı təmiri
708.293 AZN - 18.10.2021
19. Qobustan şəhər küçələrində işıqlandırma sistemlərinin quraşdırılması
278.851 AZN - 22.10.2021
20. Abşeron rayonunda yolların təmiri işlərinin satın alınması
1.126.797 AZN - 22.10.2021
21. Mollamuhuma Eminov küçəsində dalan, Xalqlar Dostluğu küçəsində, Göyəm küçəsi, döngə 1-də yolların əsaslı təmiri
55.861 AZN - 22.11.2021
22. Yolların təmiri işlərinin satın alınması ( II hissə)
59.917 AZN - 09.12.2021
Bu tenderlər Sənan Hüseynova məxsus “MSDIS Holdıng” MMC-nin təkcə 2021-ci ilə qalib olduğu tenderlərin bir qismidir. Bəs necə olur ki, “MSDIS Holdıng” MMC əsasən “yolların əsaslı təmiri” lotu üzrə sifariş olunan dövlət satınalamaları üzrə qalib olur? Qısa araşdırmalarımızdan sonra bölgələrdən aldığımız məlumatlardan aydın olur ki, bunun əsas səbkarı AAYDA ASC-nin sədri cənab Saleh Məmmədovun Çingiz adlı köməkçisinin himayədarlığı altında Sənan Hacıyev məhz yol lotları üzrə, istər yolların yenidən qurulması, əsaslı təmiri və tikintisi üzrə son 8 ildə ən azından 500 milyon manatdan çox ayrılmış vəsaitlər hesabına bu kimi işləri görmüşdür. Yəni, “MSDIS Holdıng” MMC ATF şirkətindən sonra “yolların əsaslı təmiri” lotu üzrə sifariş olunan dövlət satınalamaları üzrə ən çox qalib olan şirkətlərdən hesab olunur.
Son 8 ildə Dünya Bankının ayırdığı milyonluq layihələrin də demək olar ki, əsaslarını AAYDA “şefi”nin köməkçisi Çingiz tərəfindən S.Hüseynova mükafat olaraq verilib. Bura əsas Bakı-Quba, Gəncə-Qazax magistral yollarının ən bahalı layihələri olan təmir-tikinti, yenidənqurma və kommunikasiya ( rabitə, su, işıq və qaz işləri) daxildir ki, ümumən bu layihələrin cəmi qiymətinin 500 milyon manat civarında olduğu bildirilir. İş adamı Sənan bu layihələrin həyata keçirilməsi üçün özünə məxsus mmc-dən çox “Retro inşaat” MMC-nin çətiri altında işləri yerinə yetirməklə külli-miqdarda gəlirlər əldə etmişdir. Və təbii ki, əldə edilən gəlirlərin bölgüsündə hörmətli sədrin köməkçisi yaddan çıxmamışdır. Çingizin bu himayədarlığına qarşı kimsənin çıxması isə “bumeranq” effekti verirdi. Yəni, gündə 5-6 dəfə sədrin xidməti otağına daxil olan Çingiz bəy təbii ki, onun şəriki hesab olunan Sənanın işinə qısqanclıq edənləri S.Məmmədovu inandırmaqla dərhal qarşısını ala və cəzalandıra bilirdi.
İndi ictimaiyyət haqlı olaraq soruşur ki, Manaf Ağayaev dostu “Şankar”la necə olub ki, bu qədər postlardan rahat keçib Fizuliyə gedə biliblər. Cavab çox sadədir. “Şankar” əldə etdiyi milyonlardan bir damlasını yollardakı postlara paylamaqla arzu və istəklərini rahatlıqla həyata keçirə biliblər. “Şankar” M.Ağayevin deyil, elə Sarkisyanın da dostu olsaydı pulunu verib postlardan rahat keçməli idi. İstənilən orta məktəb şagirdi üçün bu heç də təəccüb doğurmur.
İFADETV-nin araşdırma qrupu
