112 saylı Qax seçki dairəsindən 20 ildir ki, deputat olan Azər Kərimlinin Rusiya Federasiyasında 17 ildir davam edən biznesi ortaya çıxıb. Azərbaycan Respublikasının qanunlarına görə, deputat mandatı daşıyan şəxs biznes fəaliyyəti ilə məşğul ola bilməz. Bunu bilən Azər Kərimli şəxsi tərcümeyi-halını saxtalaşdırıb və guya deputat olmazdan 1 il əvvəl – 1999-cu ildə biznesini bağladığı barədə yalan məlumat təqdim edib.
Qax.org.az portalı xəbər verir ki, bu barədə araşdırmaçı jurnalist Cavanşir Həsənli özünün facebook səhifəsində məlumat paylaşıb. Cavanşir Həsənli qeyd edir ki, deputat Azər Kərimli 17 ildir ki, Rusiyada topdan ayaqqabı satışı ilə məşğul olub və sonradan bütün biznesini oğlu Fəxri Kərimlinin adına qeydiyyatdan keçirib.
