Oğuz rayonun Muxas kənd sakinləri Musayev Hümbət Sirac oğlu və Əkbərov Asim Əhmədiyyə oğlu tərəfindən Ali Baş komandana edilən müraciətdə Oğuz meşələrində son aylar baş verən kütləvi ağac kəsimlərinin dərhal qarşısının alınması üçün müraciət ediblər. Müraciətdən də görünür ki, Ekologiya və Təbii Sərvətlər Nazirliyinin Qəbələ Regional Meşə Təsərrüfatı müdiri olmuş İlqar Qəribovun 8 ay əvvəl həbs olunmasından sonra bu gün onun vəzifəsini icra edən və komandası tərəfindən meşələrin təcili yağmalanmasına göstəriş verilmişdir. Maraqlı burasıdır ki, Oğuz rayonu meşələrində baş verməkdə olan kütləvi "ağac qətliyamı" nı törədənlərin bir dəstəsi xüsusi çəkilişlə hadisə zamanı həbs edilsələr də, müraciətdən göründüyü kimi yerli rəhbərlik bundan nəticə çıxarmaq əvəzinə təbii sərvətlərimizə qarşı Kəlbəcərdəki ermənilərdən fərqli olraq daha da aqressivlik nümayiş etdirməkdə davam edirlər. Hesab edirik ki, ETSN rəhbərliyinin müəmmalı susqunluğu nəzərə alınmaqla dövlət başçısının dərhal məsələyə müdaxilə etməsi zəruriyyətə çevrilmişdir. Müraciətin aktuallığını nəzərə alaraq onu olduğu kimi oxuculara təqdim edirik:
Hörmətli Prezident, Müzəffər Ali Baş Komandan, Sizin işğal edilmiş torpaqlarımızın mənfur ermənilərdən azad olunması, ərazi bütövlüyümüzün bərpası uğrunda apardığınız mübarizəni bütün kənd camaatımız dəstəkləyir və alqışlayır. Qəlbə sevincini bizlərə yaşatdığınız üçün Sizə təşəkkür edirik.
Cənab Ali baş Komandan Sizlərin bir tərəfdən murdar ermənilərə qarşı mübarizəyə başınız qarışıb, digər tərəfdən Covid-19 xəstəliyinə qarşı. Bu fürsətdən istifadə edən Qəbələ-Oğuz Regional Meşə Təsərrüfatı rəhbər və üzvləri meşələrimizi çox bərbad şəkildə qırdırırlar, məhv edirlər. Buna missal olaraq yaşadığımız Oğuz rayonun Muxas kənd meşələrinin gözətçisi işləyən Həkimova Bənövşənin çoxsaylı qanunsuzluqlarını göstərmək olar. Bu Bənövşə hal-hazırda istintaq altında olan sabiq Qəbələ Regional Meşə Təsəsrrüfatı müdiri olmuş İlqar Qəribovun təyin etdiyi biridir. İ.Qəribov onu həmişə at belində meşələri qoruyan biri kimi təqdim edib çəkilişlər etdirib televizorlarda göstərtdidrdi. Guya xanım meşə gözətçisi meşələri belə qoruyurmuş…Ancaq bu heçdə belə deyil. İstər Muxas kənd, istərsə də digər qonşu kənd meşələrində ( Filfili, Xaçmaz kəndləri) bir neçə ay əvvəl Ekologiya Nazirliyindən gələn yoxlamalar vicdanla yoxlama aparsaydılar belə adamlara ən ağır cəzlar verilərdi. Ətraf Mühitin əməkdaşı olan Süleymn adlı birisi açıq-aşkar meşələrin regionda kütləvi qırılmasına göz yumur. Bir rəhbər olaraq bu adam heç meşəyə getmək və baxmaq belə istəmir. Ekologiya əməkdaşları Anar və Rasim isə guya yoxlama üçün həmin əraziyə gedirlər . Biz də həmin yerə gedirik. Rasim bizi görüb artistlik edərək meşə işçilərinə dəfələrlə zəng edir onlar isə meşəyə gəlmirlər. Anar və Azad adlı meşə işçiləri bizimlə qaldılar. Və sonda cəmisi müxtəlif diametrli 90 ədəd ağac qeyd etdilər. Və nədənsə həmin ağacların hamısının guya son 15 gün qabaq kəsilmiş kimi qeyd etdilər. Buna görə də 1300 manat cərimə aktı yazdılar. Vəssəlam. Ona görə də meşə gözətçisi Bənövşə deyir ki, heç kim mənə heçnə edə bilməz. Ekologiyadakılar, Meşə Təsərrüfatı rəhbər işçiləri də mənim arxamdadırlar, kimi istəsəm şərləyərəm, tutdurararm.
Hal-hazırda həmin meşənin kəsilmiş ağacları kraska ilə işçilər tərəfindən rənglənir. Bununla da demək istəyirlər ki, guya sahə müdiri xəstə imiş və həmin ağacları da damğalamağa danıqa yox imiş. Soruşan yoxdur ki, idarədə başqa br vəzifəli şəxs yoxdurmu ki, ağaclara tələb olunan qaydada damqa vursunlar. Əslində son aylarda təkcə Muxas meşəsində 90 yox, minlərlə belə təzə qiymətli ağaclar kəsilib satılıb. Oğuz və Qəbələ meşələrinin hamısı eyni vəziyyətdədir. Əvvəlki Qəbələ Regional Meşə müdiri olmuş İ.Qəribov hazırda istintaqda olsa da onun gəstərişlərilə onu əəz edən Əlizadə Alim bütün meşələrdəki yararlı ağacların hamısını kəsdirib satılmasını yerinə yetirir. Və gözdən pərdə asmaq üçün tapşırıq verir ki, kəsilən bir neçə ağacın kötüyünü qırmızı rəngləsinlər. Və cüzi miqdarda cərimə yazmaqla işini bitmiş hesab edirlər.
Cənab Prezident biz Sizdən çox xahiş edirik ki, lazımi qurumlara öz sərt tapşırığınızı verəsiniz ki, ekspert qrupu tərtib etsinlər O zaman məlum olar ki, meşə gözətçisi Bənövşə və ona himayədarlıq edənlər dövlətə nə qədər ziyan vurublar.
Sonda onu da müqyisə üçün qeyd etmək istəyirik ki, Oğuzdakı kimi dövlət malına nankorluq edənlərlə Laçında, Kəlbəcərdə ağaclarımızı kəsib aparan ermənilərdən fərqi vardırmı? Niyə Ekologiya Nazirliyi Oğuz və Qəbələdə meşələrdə son aylar baş verən kütləvi meşə qırılmasına ögey münasibət göstərirlər, vəzifə borclarını yerinə yetirmirlər?
Biz əvvəlcədən Sizlərə öz minnətdarlığımızı bildirirk.
P.S. Xatırladaq ki, son ildə həqiqətən Oğuz və Qəbələdə yerləşən meşə zonalarında kütləvi ağac kəsimlərinin qarşısının alınması üçün sadə vətəndşların çoxsaylı şikayətlərindən sonra DİN-nin Baş Mütəşəkkil Cinayətkarlığa Qarşı Mübarizə İdarəsinin əməkdaşları tərəfindən 17 mart 2020-ci il tarixində ETSN-nin Qəbələ Regional Meşə Təsərrüfatı İdarəsinın rəhbərliyi saxlanılaraq Bakıya isintaq araşdırmasına aparılmış, noyabr ayında da həmin idarənin əməkdaşlarının Oğuz meşələrində baş verən kütləvi meşə kəsimilə bağlı Filfili və Xaçmaz kənd meşələrində dəstə üzvlərini cinayət başında yaxalyaraq məsuliyyətə cəlb etmiş və bu barədə REAL TV-də bu barədə ictimaiyyətə məlumat verilmişdir. Lakin bütün bunlara baxmayaraq təəssüflər olsun ki, nəticə çıxarılmamış və müraciətdən də göründüyü kimi Kəlbəcər meşələrindəki erməni vəhşiliyi bu gün Oğuz meşələrində davam etməkdədir. 
