Naxçıvan Əlahiddə Ümumqoşun Ordusunun komandanı, general-polkovnik Kərəm Mustafayevin ünvanına yetərincə ittihamlar səslənsə də, nədənsə gərəkən qurumlar müvafiq reaksiyanı verməyə tələsmirlər. DİA.AZ bildirir ki, növbəti ittiham sosial şəbəkələrdə paylaşılıb.
Ehtiyatda olan polkovnikə istinadən məlumat paylaşan tanınmış jurnalist Heydər Oğuz "Kərəm Mustafayev təkcə əsgərlərə verilən ətdən 500 min manat mənimsəyib" ittihamını da səsləndirib. H.Oğuz ehtiyatda olan polkovnikin açıqlamasını bu şəkildə təqdim edib:
"2014 cü ildən mən Naxçıvanda xidmət etmişəm. Ərzaq təminatında olan hər əsgərə 250 qram əvəzinə 100 qram ət verildiyinin şahidi olmuşam. Zabit, gizir, MAXE heyətinin ərzağı ümumiyyətlə yeməkxanaya verilməyib, növbətçi və cavabdeh heyətdən başqa zabit gizir, MAXE heyəti yeməkxanaya buraxılmayıb. Yay dövründə səhər yeməyinə isti yemək verilməyib. Sonra deyirlər, Kərəm Mustafayev çox iş görüb. Təkcə əti hesablayanda 500000, yəni yarım milyon pul qazanıb. Plastik pəncərələr, komandir çantaları, və s. İki qış boyunca əsgərlərə ümimiyyətlə qış geyimi verilməyib, əsgərlər qışı köhnə yay geyimlərində keçirib. Görün bu şəxsiyyət dediyiniz şəxs dövlətə və orduya nə qədər zərər verib".
İddia olunanlarla bağlı dia.az olaraq qarşı tərəfi də dinləməyə hazırıq...
1
