Naxçıvanlı Zərərçəkmişlər Birliyi yaradılır.
İfadetv.com TNS-ə istinadla xəbər verir ki, Naxçıvan Şəhər Məhkəməsinin sabiq sədri, tanınmış hüquqşünas, vəkil Hüseyn Həsənov belə bir təşəbbüs irəli sürüb. Birliyin yaradılmasında məqsəd Vasif Talıbovun Naxçıvan Muxtar Respublikasına rəhbərlik etdiyi dövrdə insanlara vurulmiş ziyanın hesablanması və ödənilməsinə nail olmaqdır.
Son 30 il ərzində Vasif Talıbov və onun yaxın adamları tərəfindən minlərlə insanın əmlakı zorla əlindən alınıb, muxtar respublikada və ondan kənarda yaşayan naxçıvanlılara böyük məbləğədə ziyan vurulub. İnsanlara dəymiş zərərin Vasif Talıbovun və yaxın ətrafının şəxsi vəsaiti hesabına ödənilməsi məsələsi qaldırılıb.
Naxçıvanlı Zərərçəkmişlər Birliyi yaradıldıqdan sonra onun üzvləri Vasif Talıbovun məsuliyyətə cəlb edilməsi üçün ölkə başçısına müraciət edəcəkdir.
Birlik Naxçıvan məhkəmələrinin indiyə qədər qəbul etdiyi qanunsuz qərarları da gündəmə gətirəcəkdir.
Artıq birliyin təşkilat komitəsi yaradılıb. Yaxın vaxtlarda təsis konfransının keçirilməsi nəzərdə tutulur.
Bu barədə tanınmış jurnalist Aygün Muradxanlının rəhbəri olduğu Prime TV-nin dünın yayımlanan “Qırmızı masa” proqramında ətraflı bəhs olunub.
P.S. Xüsusi kanallarla əldə etdiyimiz məlumatlardan aydın olmuşdur ki, Naxçıvan MR-da Talıbovlar nəslindən əziyyət çəkən insanların sayı hələlik 3600 nəfərdir. Ələ keçirilmiş əmlakların çox hissəsi Vasifin prokuror qardaşı olmuş Məhərrəmin qaynı Nəriman Əliyevin adına sənədləşdirilmişdir. Mülkiyyətlərin geri qaytarılması ilə bvağlı məhkəmələrdə qaldırılan iddiaların heç biri icraata götürülmür. Çünki Naxçıvandakı hakimlərin demək olar ki, hamısı sabiq "XAN"ın xeyir-duası ilə bu vəzifəklərə təyin olunmuşdur. Vasif hal hazırda özünü əvvəlki tək "XAN" hesab edir və Qəmlo kimi Azərbaycan hökumətini tanımır.
Proqramın həmin hissəsini təqdim edirik:
