Əvvəlcə xatırladaq ki, barəsində 03 dekabr 2015-ci ildən CM-nin 178.3.4 maddəsi üzrə cinayət işi başlanmış Əsgərov Nazim Mahmud oğlu və bu dələduz dəstənin digər üzvü Kamran, 3 dekabr 2019-cu il tarixində gecə saatlarında mənzilimdə olmamağımdan istifadə edərək Sulutəpə ərazisində yerləşən sözü gedən mübahisəli evimə qeyri-qanuni basqın etmişlər. Basqında yuxarıda adlarını sadaladığım şəxslərlə birlikdə (AtaBank) ASC-nin məsul işçiləri və RİAD mühafizə dəstəsinin 6 nəfər qoçusu əlbir olaraq İfadetv.com saytının baş redaktoru Cəfərzadə İfadə isgəndər qızınının mülkiyyətinə məxsus olan dəmir darvazanı onun iştirakı və xəbəri olmadan qaynaq etdirib bağlamışlar.
İfadə xanım dekabrın 4-də mənzilinə qayıdarkən qeyri- qanuni basqınının şahidi olmuşdur. Hesab olunur ki, Istintaq yekunlaşmadan (AtaBank) ASC-nin rəhbərliyinin( konkret desək bankın problemli kreditlər şöbəsinin müdiri olmuş Toğrul həsənov) əlbir olduğu dələduz dəstə üzvləri Nazim və Kamranla birləşərək gecə baş redaktorun evinə gəlmələri və mülkiyyətinə məxsus darvazanı özbaşına qaynaq etmələri özbaşnalığın artıq son həddidir. Yaşadığı evə daxil ola bilməyən İ.Cəfərzadə aidiyyatı üzrə Binəqədi rayon Polis İdarəsinin 40-cı Polis Bölməsinə baş vermiş insidentlə bağlı 4 dekabr 2019-cu ildə məlumat vermişdir. Və çox təəssüflər olsun ki, bu gün, 6 dekabr 2019-cu il, gecə saat 2-00 radələrində müəmmalı vəziyyətdə baş redaktorun yaşadığı ev əşyalarla birlikdə ağır texnikanın köməyilə yerlə yeksan edilmişdir. Baş vermiş cinayətlə bağlı baş redaktor əvvəlcə DİN-nin 102 xidmətinə məlumat vermiş və dərahal binəqədi RPİ-nin 40-cı PB-nin əməkdaşları hadisə yerinə getmiş və tamamilə dağdılımış yaşayış evinin vəziyyətilə yerində tanış olmuşlar. Baş vermiş cinayət haisəsilə bağlı baş redaktor Polis Bölməsində izahat vermişdir. Hazırda hadisəni törətmiş cinayətkar dəstənin axtarışı davam etdirilir.
İfadetv.com
