Son vaxtlar AMEA prezidentinə qarşı respulikanın tanınmış alimlərinin, ziyalılarının, deputatlarının istefa çağırışları artmaqda davam edir. R.Mehdiyev də hərdən keyfinə düşəndə onlara qarşı səviyyəsinə uyğun, yəni adi orta məktəb müəllimi intellektində cavab verməyi də unutmur. Və bu cavabla sanki demək istəyir ki, "Gedin işinizlə məşğul olun!" Doğrudur, müstəqil düşüncəli ziyalılarımızla bərabər, dünənə qədər R.Mehdiyevi tərifləyib göylərə qaldıran ikiüzlü elm adamlarımız da bu kampaniyaya qoşulub öz varlıqlarını sübut etməyə çalışırlar. Amma elə hamısı başa düşmürlər və ya başa düşmək istəmirlər ki, Ramiz Mehdiyev niyə belə arxayındır və Azərbaycanda heç kimin dediyini alıb satmır. Yəni bu bir səbəbi var ki, "boz kardinal" özünün təbirincə desək, "27 il Vətənə sədaqətlə xidmət etdiyi" xidmətlərinə görə toxunulmazdır. Bəli, konkret olaraq Kreml onu qoruyur. Ona görə də ziyalılarımızın hay-küy kampaniyası onun istefası üçün yetərli olmayacaqdır. Xatırlatmaq yerinə düşər ki, nəinki R. Mehdiyevi, hətta onun komandasına daxil olan adi adamlardan belə kimsəni vəzifədən çıxarmaq və ya cəzalandırmaq belə mümkün deyil. Beləliklə nəticəyə gəlirik ki, Azərbaycan ziyalıları özlərini Don Ki Xot yerinə qoyub yel dəyirmanı ilə vuruşmağa sərf etdikləri enerjini indiki vəziyyətdə daha xeyirli işlərə sərf etsələr yaxşı olar. İndi də növbəti ziyalı-deputatın çıxışı təqdim edilir. Görəsən yel qayadan nəsə qopara bilərmi?
Azərbaycan Milli Elmlər Akademiyası həmişə ciddi elm məbədi olub. Ancaq etiraf etməliyik ki , təkcə elm yox həm də mənəviyyat məbədi olub. Çünki elm və mənəviyyat bir arada olmasa həqiqi elmdən və onun inkişafından danışmaq olmaz .Biz Zahid Xəlilov , Mir Əsədulla Mirqasımov, Yusif Məmmədəliyev ,Kərim Mahmudov və digər akademiklərimizi təkcə elm xadimi kimi yox, həm də yüksək mənəvi keyfiyyətlərə sahib böyük şəxsiyyətlər kimi tanımışıq .Çox təssüf ki , AMEA –nın bu nəcib ənənlərinə axır vaxtlar kölgə düşməkdədir .Bu isə elmi-mənəvi mühitimiz üçün ciddi faciəvi nəticələrə gətirib çıxara bilər .Ona görə də Akademiyada baş verən neqativ hallar və bu halların AMEA-nın divarlarından aşaraq ümumi ictimai gündəmi zəbt etməsi ,elə akademiyanın özünün əməkdaşları tərəfindən akademik mühitin dözülməz həddə çatdırıldığının , elm məbədinin intriqa yuvasına çevirildiyinin etiraf edilməsi Akademiyaya rəhbərlik edən Ramiz Mehdiyevin istefa verməsini zəruri edir. Çünki heç vaxt AMEA –da belə hadisələr baş verməyib . Əgər indi baş verirsə deməli akdemiya idarə olunmur , ya da qəsədən idarə edilmir .Üstəlik bu günlərədə onu tənqid edənlərə AMEA-nın prezidenti Ramiz Mehdiyevin verdiyi qeyri-adekvat cavab əslində AMEA-da baş verənlərin göründüyündən daha problematik və daha dərin olduğunun sübutu kimi səslənir. Hər şeydən öncə müxtəlif tənqidlərə və istefa çağırışlarına verilən cavab akademiyada son illərdə görülən işlərin ictimai hesabatı kimi tərtib edilməklə tənqidi arqumentləri sıradan çıxarmağa yönəlmiş olmalı idi.Ancaq cavabda Azərbaycan dövlətçiliyinin əsaslarını hədəfə alan, hüquqi- siyasi sistemimizin legitimliyinə şübhə yaradan ittihamlar yer alır. Ölkəmizdə həyata keçirilən dərin demokratik islahatlar nəticəsində yeni konfiqurasiya əsasında formalaşan parlamentdə təmsil olunan müxaifət partiyaları , "avtobus yaxud cib müxalifəti" adlandırılır.
Deputatların bir qisminə "seçicilər tətəfindən qovulan ,rüsvay edilmiş ,saxta deputatlar" yarlığı asılır. Belə olan halda inanan bilmirsən ki , Azərbaycanda hakimiyyət bölgüsünün üç əsas qollarından biri olan Azərbaycan Respublikası Milli Məclisinin legitimlyini şübhə altına alan Azərbaycan Milli Elmlər Akademiyasının prezidentidir. Çünki adətən Milli Məclisə qarşı bu cür ittihamlar səsləndirənlər akademikin ifadə etdiyi kimi sosial şəbəkə "trollar"ı olur. Belə olanda bəzi radikal qruplaşmaların Azərbaycanın milli məsələlərdə konstruktiv mövqe nümayiş etdirməyi bacaran , xalqdan səs alaraq parlamentdə təmsil olunmaq hüququ qazanan müxalifətə "cib, yaxud avtobus müxalifti" deməsi , indi isə akademikin onlara istinad etməsi maraqlı bir şübhə yaradır. Görəsən "cib, yaxud avtobus müxalifəti" terminləri bumeranq terminlərdirmi? Yəni vaxtilə radikallara ötürüb indi də özlərimi istinad edirlər? Akademik Ramiz Mehdiyevin cavabında iknici ciddi ittiham ilk baxışda müxalifət liderlərinə yönəlmiş kimi görünsə də, ancaq dərin qatlardakı hədəf yenə də Azərbaycan cəmiyyəti və hakimiyyətidir. Akademik öz cavabında cəmiyyətimizi rusdillilər və qeyri-rusdillilərə bölməklə ictimai ziddiyət yaratmağa istiqamətlənmiş neqativ tezis səsləndirimiş olur. Əvvəlcə , azərbaycandilliləri rusdillilərə hədəf göstərərək deyir, - "...o ki, qaldı rusdilli məktəblərdə təhsil alan azərbaycanlıların milli satqın olduğuna dair fikrə, bu da tam mənada bir sayıqlamadır. Belə çıxır ki, ölkə rəhbərliyində təmsil olunan və övladları rus bölməsində təhsil almış, yaxud alan şəxslərin hamısı vətən xainləridir". Eyni zamanda təhsil sistemimizin bazası olan azərbaycandilli təhsil sahəsini aşağılayaraq sual edir - "...bu gün biz bir sualın cavabını tapmalıyıq – görəsən azərbaycandilli məktəblər, onların perspektivi vətəndaşlarımız üçün hansı səbəbdən cəlbedici görünmür?"
Doğrusu, mən mətbuatla daima ünsiyyətdə olan və onu ardıcıl izləyən adam kimi heç vaxt rast gəlməmişəm ki, kimsə Azərbaycanda rus dilində təhsil alan azərbaycanlılarımızı satqın adlandırsın. Belə olan halda, Ramiz Mehdiyevin AMEA-nın problemləri ilə bağlı olan məsələlərə ictimai-siyasi rəng verərək, onu mürəkkəbləşdirmək cəhdlərini başa düşmək olmur. AMEA-nın prezidenti vəzifəsi ona tabe olan institut rəhbərlərinə, yaxud əməkdaşlarına akademiyanın rəsmi səhifəsindən cavab vermək mərtəbəsi deyil. Əgər bir rəhbər tabeçiliyində olanlarla media vasitəsilə danışır və hesablaşırsa, deməli, bu müəssisə artıq qeyri –fünksionaldır və idarə olunmur. Bunu isə bütün Azərbaycan ictimaiyyəti görür. Belə olan halda ən yaxşı çıxış yolu doğurdan da istefa verməkdir .
Hikmət Babaoğlu, Milli Məclisin deputatı
