Baş prokuror yanında Korrupsiyaya qarşı Mübarizə Baş İdarəsi Abşeron rayon İcra Hakimiyyətində əməliyyat keçirib.
Bakupost.az APA-ya istinadla xəbər verir ki, İcra Hakimiyyətinin binasında əməliyyat ötən gün olub.
Əməliyyat zamanı saxlanılan şəxslərin olduğu bildirilir.
***
12:54
Bakupost.az –ın əldə etdiyi məlumata görə, Abşeron RİH-də saxlanılan şəxslərdən biri sərbəst buraxılıb.
Digəriləri barəsində isə məhkəmə qərarı çıxarılaraq, həbs olunublar.
Həmin şəxslər Kürdəxanı müvəqqəti saxlanma təcridxanasına aparılıblar.
Elnur
BakuPost
***
17:29
Baş Prokurorluq Abşeron Rayon İcra Hakimiyyətində keçirilmiş əməliyyatla bağlı məlumat yayıb.
İfadetv.com prokurorluğun Mətbuat xidmətinə istinadən xəbər verir ki, Abşeron RİH başçısı aparatının ərazi idarəetmə və yerli özünüidarəetmə orqanları ilə iş şöbəsinin baş məsləhətçisi Mirqasım Mirişlinin qanunsuz əməllləri barədə daxil olmuş məlumat əsasında keçirilmiş əməliyyat-axtarış tədbirləri nəticəsində Baş prokuror yanında Korrupsiyaya qarşı Mübarizə Baş İdarəsində cinayət işi başlanıb.
Əməliyyat-istintaq tədbirləri ilə Mirqasım Mirişlinin Abşeron rayonu ərazisində kənd təsərrüfatı təyinatlı torpaq sahəsində tikinti işlərinin aparılmasına razılıq verilməsi və ümumi himayədarlıq göstərilməsi üçün ona müraciət etmiş vətəndaşdan tələb etdiyi 30 min manat pul vəsaitinin 25 min manat hissəsini rüşvət qismində almasına əsaslı şübhələr müəyyən edilib.
Həmin vəzifəli şəxs qeyd edilən rüşvət məbləğini vətəndaşdan alarkən cinayət başında yaxalanıb, onun xidməti otağı və avtomobilində aparılmış axtarışlarla iş üçün əhəmiyyət kəsb edən maddi sübutlar aşkar edilərək götürülüb.
Mirqasım Mirişliyə Cinayət Məcəlləsinin 308.2 (ağır nəticələrə səbəb olan vəzifə səlahiyyətlərindən sui-istifadə etmə) və 311.3.3-cü (külli miqdarda rüşvət alma) maddələrilə ittiham elan edilərək barəsində məhkəmənin qərarı ilə həbs qətimkan tədbiri seçilib.
Hazırda cinayət işi üzrə əməliyyat-istintaq tədbirləri davam etdirilir.
