“Vaqner”in sahibi Yevgeni Priqojin Baxmutu ələ keçirmək üçün uğursuz cəhdlərə görə Rusiya Prezidenti Vladimir Putinin qarşısında güc və nüfuzunu itirib.
Teleqraf.com xəbər verir ki, bu iddia ilə Müharibə Araşdırmaları İnstitutunun (ISW) analitikləri qeyd edib.
Onların qənaətincə, Priqojinin ulduzu sönməyə başlayıb.
Analitiklərə görə, Putin yəqin ki, ona və ordu generalı Sergey Surovikinə müraciət edib ki, birincisi mümkün qədər çox əraziləri ələ keçirsin, ikincisi isə ukraynalıları kütləvi raket zərbələri ilə mənəvi cəhətdən sındırsın:
“Hər iki cəhd uğursuz olub, çünki Priqojinin Baxmutu ələ keçirmək cəhdləri sona çatdı və Surovinin hava kampaniyası Rusiyanın dəqiq idarə olunan raket ehtiyatının çox hissəsini boşa çıxarmaqla Ukrayna vətəndaşlarına əziyyət verməkdən başqa bir şey etmədi”.
