“Həftəlik Azərbaycan” Media Qrupunun apardığı araşdırmalardan belə məlum olur ki, bu gün Azərbaycanda normal sahibkarlıq fəaliyyəti ilə məşğul olmaq istəyənlərə qarşı hansısa maneələr törədilir ki, bu da həmin sahibkarların rəhbərlik etdiyi sübyektlərin küllü miqdarda ziyana düşməsinə gətirib çıxarır. Vəziyyət o həddə çatıb ki, cəmiyyətdə aparıcı şirkət kimi nüfuz qazananlara qarşı normal rəqabət aparmayan saxta şirkət funksiyasını həyata keçirənlərə hüquq-mühafizə orqanlarında və dövlətin digər qurumlarında himayədarların mövcudluğu ucbatından Azərbaycanda sahibkarlığın inkişafına böyük zərbə dəyir.
Elə bil ölkədə sahibkarlığın inkişafına cavabdeh olan dövlət qurumları bilərəkdən bu inkişafa maneçilk törədənlərin yanında yer alırlar. Məmurların bu cür davranışı Dövlət başçısının daxili siyasətinə böyük zərbə vurur.
Belə ki, Dövlət başçısı İlham Əliyevin sahibkarlığın inkişafına xələl gətirən nöqsanlara və bu nöqsanları yaradan bəzi “sahibkar” ünsürlərin bazar iqtisadiyyatına cavab verməyən davranışlarına qarşı ciddi ölçü götürülməsi barədə etdiyi xəbərdarlıqlara məhəl qoymayan bəzi hüquq-mühafizə və cavabdeh orqanların rəhbərləri ölkəni xaosa aparmağı niyyətləniblər.
Prezidentin xəbərdarlıq etdiyi bu cür “sahibkar” ünsürlərdən biri də Kənan Famil oğlu Zeynalovdur. Bu adamın 2013-cü ildə yaratdığı “Azcosmetis” MMC-nin fəaliyyətinə nəzər salanda görürsən ki, buşirkət korrupsiya, rüşvət və dələduzluq faktorları ilə yaranan bu qurumdur. Şirkətin direktoru Kənan Zeynalov, Kənan Zeynalovun atası Famil Zeynalov, əmisi Qabil Zeynalovun adı uzun müddət korrupsiya əməlləri ilə hallanmışdır.
Belə ki, Famil Zeynalovun baş həkim olaraq 15 il çalışdığı dövr ərzində Göyçay rayon Mərkəzi Xəstəxanasında kütləvi rüşvətlə bağlı şikayətlərin ardı-arası kəsilməmişdir. Vəziyyət o həddə çatmışdır ki, bu adamın baş həkimliyi dövründə mərkəzi xəstəxana dəfələrlə təmir adı ilə büdcədən küllü-miqdarda pul vəsaiti ayrılsada, təyinatı üzrə xərclənməyərək Famil Zeynalovun şəxsi büdcəsinə keçib. Vəziyyət o həddə çatmışdır ki, xəstəxanaya məxsus olan müasir lift avadanlığı satılmışdır.
Vətəndaşlar onlara müvafiq tibbi yardımın göstərilməsi, eləcə də zəruri sənədlərin verilməsi üçün Famil Zeynalov tərəfindən pul tələb edildiyini bildirərək həm dövlət orqanlarına, həm də mətbuat xidmətinə müraciət etmişlər.
Təsadüfi deyildir ki, belə məlumatların yayılmasından bir müddət sonra -10.06.2016-ci il tarixdə Famil Zeynalov tutduğu vəzifədən azad edilmişdir. Kənan Zeynalovun əmisi Qabil Zeynalovun tutduğu vəzifədən uzaqlaşdırılması da bənzər hadisə ilə əlaqədar olmuşdur. Göyçay Peşə Liseyində direktor vəzifəsində çalışan Qabil Zeynalov tərəfindən Liseyin şagirdlərinin təqaüdlərinin mənimsənilməsi ilə bağlı şagirdlərin valideynləri tərəfindən şikayətlər ünvanlanmış, nəticədə, Qabil Zeynalov 2021-ci ilin iyun ayından tutduğu vəzifədən kənarlaşdırılmışdır. (istinad olunan mənbələr qoşma olaraq əlavə edilir.) Bundan başqa “Azcosmetics” şirkətinin direktoru Kənan Zeynalovun əvvəllər Vergi orqanlarında işləməsi, daha sonra vəzifədən uzaqlaşdırılması, şirkətin 2013-cü ildə, yəni Kənan Zeynalovun atası və əmisinin rüşvətalma motivləri ilə tutduqları vəzifədən azad olunduqları tarixlərdən əvvəl təsis edilməsi həmin şirkətin hansı vəsaitlər əsasında qurulmasına dair sual işarəsi yaradır.
Hazırda Bakı şəhəri, Nərimanov rayonu, Şahin Mustafayev küçəsi, 12/121 ünvanında fəaliyyət göstərən, milyonluq mal qalığı olan “Azcosmetics” MMC-nin Famil Zeynalovun korrupsiya yolu ilə əldə etdiyi təxmin olunan, dəyəri 150.000 manatdan çox olan 4 avtomobili, adına olan daşınmaz əmlakları və s. , eləcə də Qabil Zeynalov və Kənan Zeynalovun vəzifədə olduğu müddətdə əldə etdiyi qanuunuz vəsaitlər hesabına fəaliyyət göstərmə ehtimalı xeyli yüksəkdir. Kənan Zeynalova məxsus olan şirkət kosmetoloji avadanlıqlar satmalı olduqları halda, avadanlıqlar mövcud deyil. Kənan Zeynalov şirkətinə rəqib olan və reallıqda məhsulları ilə müştərilərini heyran qoyan “Az Estetik Group” MMC-ə qarşı qara-piar kompaniyası aparmaqla məşğuldur.Bu adamın şirkətində çalışan “ustalar” qapı-qapı düşərək “Az Estetik Group” MMC-nin satdığı məhsulları pisləməklə yanaşı, onlardanda ucuz və keyfiyyətsiz məhsulları vətəndaşlara satmaqla rəqabət haqqında qanunu kobudcasına pozurlar.
Belə ki, Başda Kənan Zeynalov olmaqla “Azcosmetics” MMC-nin çirkin əməlləri bununla bitməmiş, sosial şəbəkə seqmentində davam etmişdir. Belə ki, “Azcosmetics” MMC-nin əməkdaşları “Az Estetik Group” MMC-nin rəhbərliyi daxil olmaqla əməkdaşlarını dələduz, fırıldaqçı və s. nalayiq ifadələrlə müxtəlif vaxtlarda təhqir etmişdir. “Azcosmetics” şirkətinə aid olan sosial şəbəkə hesablarında paylaşılan, peşəkarlıqdan uzaq, atmacalı, qara piar xarakterli paylaşımlara nəzər saldıqda da açıq-aşkar görünür ki, sözügedən şirkətin məqsədi qanuni biznes fəaliyyəti ilə məşğul olmaq əvəzinə bəzi şirkətlərin fəaliyyətinə mane olmaqdır.
ARDI VAR
Hefteaz.com
Previous Po
