Düz 20 il ərzində (1998–2018-ci illərdə) Azərbaycan Respublikasının Qaçqınların və Məcburi Köçkünlərin İşləri üzrə Dövlət Komitəsinin sədri vəzifəsində çalışmış Əli Həsənov vəzifədən sakit şəkildə yola salınanlardandır. Halbuki onun kimi bir mühüm postda çalışanın nəinki 20 il, 20 günlük fəaliyyətiniu araşdırmaq yetərli olardı ki, ortaya ciddi ittihamların yer aldığı faktları çıxarasan.
Dia-az.İnfo xəbər verir ki, məhz buna görə də Əli Həsənovun əlindəki maddi imkanlar hər zaman ictimai maraq kəsb edib. Əslində sabiq "Qaçqınkom" şefinin yığdıqları təkcə cəmiyyətə deyil, elə dövlətin başbilənlərinə də maraqlı olmalıdır. Bu barədə az sonra... Hələliksə, Dia-az.İnfo-nun elektron poçtuna göndərilən ilginc bir məlumatı təqdim edirik.
Burada söhbət Əli Həsənovun sərvətinin bir qismindən danışılır. Beləliklə...
İddia olunanlardan belə aydın olur ki, sabiq qaçqınkom Əli Həsənovun xaricdəki biznesi onun kürəkəni Elman İsmayılov tərəfindən idarə olunur.
Məlumatda deyilir:
Qaçqınların və Məcburi Köçkünlərin İşləri üzrə Dövlət Komitəsinin sabiq sədri Əli Həsənovun
vasitəsilə dövlətdən milyonlar oğurlayan, qaçqınlara ayrılan pulları böyük həvəs və nəhayətsiz
iştahla yeyən bu şəxs, uzun müddətdir ki, ölkə xaricində nəhəng biznes şəbəkəsi yaradıb.
Fransa, İspaniya, Avstriya kimi ölkələrdə onlarla müəssisəsi olan Elmanın əsas gəlir
mənbələrindən biri də Almaniyadakı farfor zavodudur. Böyük istehsal imkanına malik olan bu
zavoda il ərzində dəyəri milyonlarla avro ilə ölçülən çoxlu sayda məhsullar – o cümlədən farfor
güllər hazırlanmaqda, dünyanın əksər ölkələrinə ixrac olunmaqdadır. Sahibi olduğu
müəssisələrdən əldə etdiyi böyük pullar Əli Həsənov və onun kürəkəninə bu gün də onların
maraq və mənafeyinə toxunan istənilən məmuru hədəfə çevirməyə imkan verir".
Qeyd edək ki, məlumatda əlavə ittihamlar da yer alıb ki, bu barədə müəyyən araşdırmadan sonra növbəti yazımızda xəbər verəcəyik...
