Əməkdaşımız, İFADETV.COM İnformasiya Agentliyinin baş redaktorun müavini Həmidov Məmməd Əhməd oğlu tərəfindən
“ Yol Polis işçisinin şəxsi avtombilimin reallıqda mövcud olmayan səkidə 3 dəqiqə saxlamağımla bağlı tərtib etdikləri əsassız EQ 24870394 nömrəli protokolun ləğv edilməsi barədə dövlıt başçısına və aidiyyatı təşkilat rəhbərlərinə şikayət ərizəsilə müraciət etmişdir. Müraciətin ictimai və dövlət əhəmiyyətli olduğunu və konkret faktlar üzrə qaldırılan korryupsiya əməllərinə hüquqi qitymətin verilməsi üçün dəyərli oxucularımızın diqqətinə çatdırırıq:
Məlumat üçün bildirim ki, xidməti işimlə bağlı bu gün, dekabrın 2-də saat 16 radələrində idarə etdiyim 90 LU 182 dövlət qeydiyyatlı “Hyundai Elentra” markalı avtomobilim Nəsimi rayonu, Mixail Kaveroçkin küçəsi 131-də 3 dəqiqə ərzində birbaşa asfalt yolun kənarında dayandığına görə ( İCON hotelin və “La dent” klinikası ilə üzbəüz) DYP əməkdaşı tərəfindən EQ 24870394 nömrəli protokol tərtib edilərək dərhal da icra qərarının qüvvəyə minməsi barədə ASANPAY tərəfindən telefonuma mesaj gəlmişdir. Protokola əsasən guya mən avtomobili piyada səkisinin üstündə saxlamışammış. Və buna görə 54 manat ( 60 AZN) cərimə ilə yanaşı 2 bal da cərimə yazılmışdır. Lakin bu ağ yalandır. Çünki, səki adlanan yer asfaltla eyni səviyyədə bərabər olmur. Səki bardür daşla tikilir. Mənim avtomobilimin saxlandığı yer isə nə piyadalara , nə də avtomobillərə maneçilik yaratmayıb. Asfalt yolda ağ rəngli ayırdedici xəttlər də mövcud deyil , ya da silinib ki, bu da sürücünün günahı deyil ki, yol harda qurtarır, səki harda başlayır. Bəli, mən razıyam ki, DYP əməkdaşı dayanma-durma cəriməsi yaza bilərdi. Amma onlar əsassız olaraq uydurma səkidə avtomobili reallıqda mövcud olmayan səkidə saxlama kimi protokolu rəsmiləşdiriblər. O necə səki olur ki, fotodan da göründüyü kimi, mənim avtomobilim asfaltla eyni səviyyədə olan yol kənarında dayanmışdır? Fərqlənmək üçün heç ağ xəttlər də görünmür. Bu isə fiziki şəxs olan sürücünün günahı deyil. Yaxşı olardı ki, Bakının küçələrində COP 29-a qədər olan dövrdə asfalt yollar üzərində keyfiyyətsiz olduğuna görə tam silinmiş piyada zolaqları, yol ayrıcı xəttlərin olmamasına görə DİN-nin Baş Dövlət Yol Polis İdarəsi yol zolaqlarının silinməsui ucbatından piyadaların vurulması ilə hər gün müşayət edilən texniki problemin aradan qaldırılması üçün özündə cürət tapıb son 4 il ərzində bu işlərin görülməsi üçün büdcədən ayrılan 33 milyon manatın mənimsənilməsi müqabilində paytaxt yollarında asfalt üzərində xəttləmə işlərini çox keyfiyyətsizcəsinə icra edən «Yol xətt» MMC-nin rəhbərliyi barəsində hüquq-mühafizə orqanları qarşısında məsələ qaldırsınlar ki, günahsız vətəndaşların ölməsi və ağır bədən xəsarətləri alması halları azalsın.Bəli, bu birbaşa DİN-nin Baş Dövlət Yol Polis İdarəsinin prioritet məsləsidir və nazirliyin kollegiya iclasında bu ciddi məsələ təxirəsalınmadan müzakirə olunmalıdır. Əsas işlə məşğul olmaq lazımdır. Hesab edirəm ki, 90 LU 182 nömrəli avtomobilə bu gün yazılmış EQ 24 870394 nömrəli protokol əsassızdır və ləğv edilməlidir.
Odur ki, cənab Prezident Sizdən çox xahiş edirəm ki, iqtisadi durmumun onsuz da aşağı olan vəziyyətində DYP əməkdaşlarının cərimələri qanunauyğun deyil, “plan” yerinə yetirmək üçün əsassız və şişirtmə əsasında yazmalarının qarşısının alınması və DYP əməkdaşlarının vəzifə öhdəliklərini düzgün icra etmələri üçün daxili İşlər nazirinə bu neqativ halların aradan qaldırılması barədə göstəriş verəsiniz. Əvvəlcədən təşəkkürlər.
Hörmətlə, baş redaktor müavini, sürücü Məmməd Əhmədoğlu
P.S. Maraqlısı həmdə budur ki, əsassız cərimə protokolu yazılmış avtomobilin qarşısı və arxasında, o cümlədən yolun digər hissəsində dayanan şəxsi və taksi avtomobilləri üçün nədənsə DYP əməkdaşları ayrıseçkilik etmədən cərimə yazmağa ya cürətləri çatmır, ya da onlarla gizli sövdələşib evlərinə haram çörək aparmağa çalışırlar. 
