Torpaqlarımızın Müdafiəsi uğurunda 1-ci qurup Qarabağ əlili olan xanım Sevgili Rəsulovanın məhşur iş adamı Mübariz Mənsimova etdiyi müraciətini olduğu kimi dərc edirik.
Hörmətli Mübariz bəy,
Məlumunuzdur ki, Azərbaycan tarixi təkcə oğullarımızın deyil, qəhrəman qadınlarımızın da şücaəti ilə zəngindir. Erməni qəsbkarları 1988-ci ildən torpaqlarımıza təcavüz etməyə başladıqları andan bu günədək Azərbaycanın qəhrəman qızları igid oğullarımızla çiyin-çiyinə torpaqlarımızın bütövlüyü uğrunda hər zaman mübarizə aparırlar.
Mən Rəsulova Sevgili Almurad qızı 1990 cı ildə qanlı yanvar hadisələri zamanı 5 gün mintiqlərdə iştirak ettikdən sonra işlədiyim Rezin-məmulat zavodundan öz istəyimlə ayrılaraq Ağdam rayonuna yollandım. Həmin ərəfələrdə Milli Qəhrəman Allahverdi Bağırov könüllü igidlərimizdən ibarət 20-Yanvar özünü müdafiə batalyonu yaratmışdı.Məndə könüllü olaraq qəhrəman igidlərimizin sırasına qoşuldum.
1991 ci ildə Malbəyi, Quşçuvar və Basqa kəndlərdə erməni quldurlarıyla gedən qızğın döyüşlərdə dinc sakinlərin ordan çıxarılmasında iştirak etmişəm. Onun ardınca Qarakəntdə vertalyot qəzasının canlı iştirakçısı olmuşam .1992 ci ildə Xocalı faciəsi zamanı gedən döyüşlərdə iştirak etdiyim zaman başımdan və çiynimdən yaralanmışam . Xocavənd rayonunun Qanlıdərə , Əmiralılar kəndləri uğurunda gedən döyüşlərdə iştirak etmişəm. Sonra yerdəyişmə ilə Ağdərə rayonunun adsız yüksəsliklərində gedən ağır döyüşlərdə iştirak etmişəm və İki ayağımadan yaralanmışam .
Hətda Xocalıda yaralananda xəstəxanda 1 gün belə yatmadan yaralı- yaralı döyüşlərdə iştirak etmişəm. Sağaldıqdan sonra 1992 ci ilin iyul ayında mən Müdafiə Nazirliyinin 703 –cü batalyonunun, 3-cü bölüyünün komandiri təyin edilmişəm .Lakin qısa bir müddət sonra Ağdərədə adsız yüksəkliklərdə gedən döyüşlərdə ayaqlarımdan təkrar yaralanmışam və Bakıda qospitala yatırılaraq müalicə almışam. Daha sonra Kəlbəcər-Laçın istiqamətində Qozlar ,Ərikli, Sarıbaba kəndlərində gedən döyüşlərdə 3 cü dəfə ağır yaralandım və Bakı şəhərinə təcili olaraq vertalyotla qospitala gətirildim. Vəziyyətimin ağır olduğu üçün tanımadığım lakin hər zaman qürurla qeyd etdiyim vətənimin mərd oğullarından iki İş adamı, biri əslən Lənkəran şəhərindən digəri isə Naxcıvan Muxtar Respublikasından olan şəxslər məni Türkiyə dövlətinin Gülhane qospitalına müalicəyə göndərdilər.
Bir il altı ay müddətində orada ağır vəziyyətdə yataraq müalicə aldım. Ulu öndərimiz Heydər Əliyevin göstərişi ilə Türkiyədə müalicəm tam qutarmamış, iki ay müddətinə müalicəm üçün Amerika dövlətinə göndərildim və sonra Azərbaycana vətənimə gətirildim .
Səkkiz ilə yaxın Əlil arabasında oturdum . 14 dəfə əməliyyat olunmuşam . Hazırda indiki səhətim və maddi vəziyyətim çox ağırdır. Qan göstəricim 34% dir. Müalicəyə ehtiyacım var. Özümə məxsus olan hər bir mülkümü satıb əməliyyatlarıma , müalicələrimə xərcləmişəm . Hazırda dövlət tərəfindən aldığım müavimətim yaşadığım mənzilin kirayəsini və səhətimlə əlaqədar müalicəmi ödəyə bilmir. Ağır durumumla əlaqədar səhətimin müalicəsini və maddi ehtiyyaclarımı qarşılaya bilmirəm.
Hörmətli Mübariz bəy,
Siz hər zaman köməyə ehtiyyacı olan insanlara yardım etmək üçün böyük işlər görürsünüz və bizlər sizin yardıma ehtiyyacı olan insanlara göstərdiyiniz qayğınızı və diqqətinizi heç bir zaman unuda bilmərik.
Yuxarıda qeyd etdiyim kimi , Sizin diqqət və qayğısınıza sığınaraq torpaqlarımızın müdafiəsi uğrunda döyüşərək 1-ci qrup Qarabağ əlili olan bir xanım olaraq Sizdən xahiş edirəm ki, səhətim və maddi vəziyyətimi nəzərə alaraq, mənim müalicə almağıma köməklik göstərəsiniz. Ümüd edirəm ki, bu müraciətim tərəfinizdən cavabsız qalmayacaqdır. Sizin diqqət və qayğısınıza sığınan insanlara etdiyiniz yardımlara görə Sizə ailəmiz adından minnətdarlığımızı bildirir, uzun ömür, möhkəm cansağlığı arzulayırıq.
Hörmətlə ,
Sevgili Rəsulova
