Ermənistan Baş nazir Nikol Paşinyan fevralın 15-də Münhen Təhlükəsizlik Konfransında Prezident İlham Əliyevlə debatda aldığı ağır təəssüratdan çıxa bilmir.
Axar.az xəbər verir ki, ölkəsinə qayıtdıqdan sonra Paşinyan Xocalı soyqırımı məsuliyyətini sələflərinin və ümumiyyətlə, ermənilərin üzərindən atmaq üçün bir status paylaşıb.
Status belədir:
“Fakt fakt olaraq qalır: Xocalıda azərbaycanlıların qırğınının Azərbaycandakı ermənilərlə ortaq heç nəyi yoxdur, bunu Rusiyanın 366-cı alayı edib. Bu faciədə bizim günahımız yoxdur”.
Bundan təxminən bir neçə dəqiqə sonra isə Paşinyan ciddi siyasi səhvə yol verdiyini anlayıb və paylaşımını silib.
Əvəzində isə bu sözləri saxlayıb:
“Fakt fakt olaraq qalır”.
Qeyd edək ki, sözügedən statuslar skrin edilərək, erməni mediasında paylaşılıb.
P.S Bu real etiraf onu bir daha təsdiq edirki, ermənilərin baş biləni nəhayət onları Azərbaycana qarşı işğalçı siyasət yürütməyə vadar edənin birbaşa adını çəkməsi anlamına gəlir. Və peşiman olduqlarının fərqindədirlər. İndi söz yenə Polad Bülbüloğlunundur. Görək indi 20 Yanvardakından fərqli nə deyəcək? "Axmaq dostun olunca, ağıllı düşmənin olsun!"İfadetv.com
