“Bu görüş Ukraynanın və Prezident Zelenskinin İstanbulda böyük diplomatik qələbəsidir”. Dia.az publika.az-a istinadla xəbər verir ki, bunu Gürcüstanın keçmiş Prezidenti Mixail Saakaşvili deyib.
O bildirib ki, Rusiya artıq Kiyevi ala bilməyəcəyini və qoşunlarını Kiyev istiqamətindən tamamilə çıxara bilməyəcəyini etiraf edib.
“Putinin Kiyevi ələ keçirmək arzusu həmişəlik məhv olub. Ukrayna əsas hərbi güclərdən NATO-nun 5-ci maddəsinə ekvivalent təhlükəsizlik zəmanəti alacaq. Bu, Rusiyanın sonunun başlanğıcıdır! İndi əsas odur ki, Ukraynanın qalan hissəsini müdafiə etməkdir. Ən azından hücumdan əvvəl öz mövqeyində olan faşistləri sıradan çıxarmaq lazımdır.Ukrayna formal olaraq NATO-ya üzv olmayacaq, Ukrayna NATO-ya daxil olmayacaq, lakin NATO Ukraynaya qoşulacaq. Bununla belə, Alyansın əsas və ən mühüm üzvləri Ukraynaya NATO-nun 5-ci maddəsinə bərabər təminat verir, bu isə o deməkdir ki, Ukraynaya hücum olarsa, onlar avtomatik olaraq Ukraynanın müdafiəsinə qoşun göndərəcəklər. Ən əsası isə Rusiya bununla razılaşır. İndi Kiyevlə məğlubiyyətdən sonra Rusiya Donbasa hücumu gücləndirməyə çalışacaq, amma orada da batacaq. Bu, qəhrəman Ukrayna əsgərlərinin qanı bahasına və Ukrayna xalqının birliyi fonunda əldə edilmiş böyük diplomatik qələbədir. Allah eyni şeyi bizə öz torpağımızda eşitməyi qismət etsin. Bu razılaşma Rusiyanın tarixi uğursuzluğu və indiki formada Rusiya dövlətinin parçalanmasının başlanğıcının əlamətidir”, - Saakaşvili qeyd edib.
Eks-prezidentin sözlərinə görə, Zelenski danışıqların çox təvazökar qiymətləndirməsində tamamilə haqlıdır və danışıqlar prosesi Ukraynanın diplomatik qələbəsi hesab edilməlidir: “Amma öz təcrübəmdən bilirəm ki, Rusiyaya etibar etmək olmaz. 2008-ci ildə bizimlə qoşunları çıxarmaq barədə müqavilə imzalamışdılar. Avropa İttifaqı bunun qarantı idi. İki həftə sonra isə dedilər ki, “yeni reallıq” var və razılıq artıq etibarlı deyil. Avropa İttifaqı də bunu həzm etdi. Ona görə də Zelenski heç kimə sonadək etibar etməmək, öz xalqına və dünyaya qarşı tam dürüst olmaq üçün tamamilə doğru strategiya seçib. Bu, son qələbənin reseptidir. Təbii ki, heç bir rus sözünə etibar etmək olmaz. Amma ən azından dünən əsas nümayiş baş tutdu - Rusiyanın yaxın gələcəkdə Kiyevi ələ keçirmək üçün gücü və iradəsi yoxdur. Bu da onun hərbi uğursuzluğu deməkdir. Rus ordusunun yenilməzliyi mifi nəhayət ki, Kiyevlə qırıldı. Separatçıların müdafiə naziri də uğursuzluğu etiraf etdi. Bu arada, Ukraynanın Britaniyadan ağır artilleriya tədarükü mövcuddur, bu, onlara əraziləri azad etmək üçün hava kimi lazımdır”.
