Azərbaycan Respublikasının Prezidenti cənab İlham əliyevə və Türkiyə Cumhuriyyətinin Cumhur Başqanı cənab Rəcəb Tayyub Ərdoğana və digər aidiyyatı dövlət orqanlarına, bir nüsxəsi də İFADETV.COM saytına
Şəki rayonun Aşağı Göynük kəndində yaşayan şəhid anası Əbdürəhimova (Zamanova) Məfkurə Zaman qızı tərəfindən
“ƏƏSMN - rəhbərliyinin mənzillə təmin olunmağım zamanı ailəmizin süründürməçiliyinə son qoyulması və şəhid ailələri arasında ayrıseçkiliyin təcili dayandırılması” barədə 12-ci dəfə ünvanladığı şikayət ərizəsinin nə qədər ictimai və dövlət əhəmiyyətli olduğunu nəzərə alaraq onu olduğu kimi dəyərli oxucularımızın diqqətinə çatdırırıq:
"Çoxhörmətli cənab Prezident İlham Əliyev,
Bir daha xatırladım ki, Şəhid ailələrinin mənzil-məişət şəraitinin yaxşılaşdırılması üçün - 2011-ci ilin aprel ayından Şəki İcra Hakimiyyətində mənzil növbəsində durmuşam.
Bildirim ki, Şəki İcra Hakimiyyətinin Sosial Təminat Nazirliyinə 2014-cü ilin 21 iyununda yazdığı məktuba əlavə edilmiş siyahıda mənim adım şəhid ailələri arasında 11-ci, ümumidə isə 40-cı olmuşdur. Amma nə olsun. 13 ildir ki, gözləyirik. Hələ də mənzil növbəmiz çatmır ki, çatmır. Amma bu siyahıda yer alan şəhid ailələrinin məndən sonra, yəni 2012-ci ildən sonra növbəyə duranların əksəriyyəti evlə təmin edilmişdir. Cənab Prezident! Sizin 2014-cü il tarixli Sərəncamında da qeyd edilir ki, qalan şəhid ailələri və Qarabağ əlillərinə 2014-2018-ci illər ərzində mənzillər tikilsin və təmin olunsunlar. Amma 1-ci Qarabağ Müharibəsində oğullarını itirmiş biz şəhid anaları bunu görmürük.
26 avqust 2023-cü il tarixli müraciətimə cavab olaraq 08 sentyabr 2023-cü ildə yenə də Şəki İH-nin müavini, qohumumuz sayılan Həsən Həsənov əvvəlki kimi təkrar cavab yazıb ki, «2028-ci ilə kimi növbəlilik əsasında siz mənzillə təmin olunacaqsınız.» Elə ƏƏSMN-yi də belə formal cavab verməklə işlərini bitmiş hesab edirlər.
Bu yalana arayış olaraq qeyd edim ki, oğlum Həziyə bir şəhid qardaşı kimi Şəki-Qax yolunun 18-ci km-də 10 sot torpaq sahəsi həyətyanı torpaq kimi 2013-cü ildən yerli bələdiyyə tərəfindən rəsmən verilmişdir. Torpağın çıxarışı da var. Hazırda yaşadığım 28 kv m sahəsi olan yarasız evimin həyəti də 1 ha həyətyanı sahəsi var. Rəsmilər gəlib evə də həyətə son 5 il ərzində 90 dəfə baxıb fotolar çəkib gediblər mümkündür. Yəni rəsmi orqanların dedikləri yalandır. Onlar sadəcə mənimlə -çoxuşaqlı şəhid anası ilə ( ailədə 10 nəfər olmuşuq) utanmazcasına prinsip aparırlar. Vəssəlam. Belə prinsip nə kişiyə, nə insanlığa, nə də müsəlmana yaraşan bir hərəkət deyil.
Cənab Prezident Siz öz rəsmi çıxışlarınızda və son dəfə də 7 fevral president seçkilərindən sonrakı rəsmi çıxışlarınızda bildirisiniz ki, 2025-ci ilədək bütün şəhid ailələri mənzillə təmin olunacaqlar. Amma Sizin yerli və nazirliyin səbatsız, süründürməçi məmurlarınız mənə rəsmi məktub göndərib yazırlar ki, 2028-ci ilədək Sizə mənzil növbənizə uyğun olaraq evlə təmin olunacaqsınız. Bu süründürməçilər sadəcə mənə həqarət edirlər. Və yaşımın ( 75 yaş) bu vaxtında bu bürokrat cavabla mənə utanmazcasına bildirilər ki, «SƏN MƏNZİL ALACAĞIN GÜNÜ GÖRMƏYƏCƏKSƏN!»
13-cü ildir ki, rəsmi növbə ilə gözləyirəm. Növbəyə duranda şəhid ailələri arasında 11-ci idim. Yada salım ki, 2020-ci ildə 22 ev və mənzil rayonumuzda tikilib şəhid ailələrinə verildi. ƏƏSMN nazirliyinin məsuliyyətsiz məmurları isə hər dəfə məni ələ salmaqla məşğuldur.
Əgər dövlətimiz çox düzgün olaraq şəhid ailələrinin mənzillə təmin olunması üçün bu qədər vəsait xərcləyirsə, o zaman yerli məmurlar niyə mənə 2028-ci ili gözləməyimi məsləhət görürlər?
Cənab Prezident mən bu süründürməçilikdən bezərək 18 sentyabr 2023-cü ildə məni şəxsən qəbul etməyiniz barədə teleqram vurmuşam. Bundan sonra 08 oktyabrda və 04 noyabrda yenə təkrar olaraq Sizə məni şəxsən qəbul etməyinizlə bağlı teleqramlar vurdum. Ola bilsin ki, bu teleqramların heç biri şəxsən Sizə çatdırmayıblar. Sizdən çox xahiş edirəm mənim 13 il gözlədiyim mənzil problemimin həll edilməsini şəxsi nəzarətinizə götürəsiniz. Çox sağ olun.
Sayın Cumhur Başkanı Racab Tayyub Erdoğan, Bir kardeş ülkə Baş Bakanı olaraq Sizə də büyük ümitle bir şehid və çoxuşaqlı anne olaraq müraciet etmek zorunda kalmışam. Benim hazırda küçük oğlum Sadıxın evində yaşadığım menzil şeraitin çok kötü olduğuna görə son 12 yıldır ki, menzil növbemin bürokrat ve süründürmeçi memurlarımız tarafından sayğısızlıqla yanaşılıyor. Bunları yalnız para ilgilendirir. Gönderdiyim teleqramları da sayın prezidentimize vermiyorlar.
Düşünürəm ki, benim cenab prezidentə gönderiyim mektubların hamısını çop kutusuna atmış, teleqramları da gizletmişler. Bir care bulmaq için Ben Sizden rica ediyorum ki, müracietimi şaxsan sayın İlham Aliyeve şəxsan bildiresiniz. Belke bundan sonra benim müracietime edaletli formada bakıla. Evvelceden teşekkürler.
Qoşma: https://youtu.be/aUq5gag8cYs?si=vXStUV9k2BnPNq7r
Şəki İH-nin 08 sentyabr 2023-cü il cavabi,
Hörmətlə, şəhid anası Məfkurə Əbdürəhimova
