Və yaxud, YIĞDIĞIİLƏ ŞƏHİD VƏ QAZİ AİLƏLƏRİNƏ YARDIMLAR EDƏN ELMAN QOCAYEV KİMİN QƏZƏBİNƏ GƏLDİ və KİM DƏRHAL "ƏHV" ETDİ?
İnsanlara daim yaxşılıq edən bir insan haqqında danışmaq istəyirəm.O insandan ki,amalı,məqsədi, əqidəsi ancaq yaxşılıq etməkdi,dara düşən,çətinliyə düçar olan insanların dadına çatır, heç kəsi naümid qaytarmır.Bu sözü,əməli,fikri xeyirlə yoğrulmuş insan Oğuz rayon İcra Hakimiyyəti Memarlıq və tikinti şöbəsinin müdiri Qocayev Elman Calal oğludur.
O, vətəninə,xalqına, torpağına bağlı bir insan,ürəyi insanların sevinci-kədəri ilə döyünən əsil azərbaycanlıdır. Hər zaman sadəliyi, xeyirxahlığı ilə seçilən Elman Qocayevin sözünün əvvəli-axırı insandır. İnsanın dərdi, kamilliyi,qəhrəmanlığı,naqisliyi,nadanlığıdır. Bütün insanlar yaxşı əməl sahibi, xeyirxah olsaydı faciələr törənməz,qanlar axıdılmaz, ölkələr viran, uşaqlar yetim, ana-bacıların gözü yaşlı qalmazdı!-deyir Elman müəllim.Yaxşı insan və xeyirxah əməl ölməzdir. Nəcib, xeyirxah insanlar əməlləri, qurub yaratdıqları,nəsillərə qoyub getdikləri töhfələrlə, işlərlə zaman-zaman yad edilir, xatırlanır, gələcək nəsillərə bir örnək kimi nümunə göstərilir. Elman Qocayev bütün kollektivin hər zaman sözünü səbrlə dinləyir, hər birinə əlindən gələn köməkliyi göstərir,heç bir zaman ona pənah gətirən insanları naümid qaytarmır. Sadəlik insanın gözəlliyi, təvazökarlıq isə təbiəti, xarakteridir. Hər iki xüsusiyyət yazımın qəhrəmanı olan Elman müəllimdə var.Heç nəyə biganə yanaşmır, hər zaman şəhid ailələrinə,qazilərə, aztəminatlı insanlara xüsusi qayğı göstərir, heç kəsdən bacardığı köməkliyini əsirgəmir. Bəli, hər bir kəsə öz doğma insanı kimi dəyər verən Elman müəllim onların hər birinə ata qayğısı ilə yanaşır,səmimi rəftar edir. Elman Qocayev sözünün qədir-qiymətini bilən insandı. Onun sözü ilə əməli həmişə üst-üstə düşür.İllər keçib,zaman dəyişsə də Elman müəllim dəyişməz qalır. Onun ən yaxşı xüsusiyyətlərindən biri də jurnalistlərin ürəyini fəth edə bilməsidir. Heç zaman jurnalistlərdən qaçmaz, onların istənilən məsələ ilə bağlı suallarını cavablandırmağa çalışır. Ən əsas xüsusiyyəti isə dəqiqliyi,qərəzsizliyi, obyektivliyi çox sevir və bütün qələm sahiblərinə bunu tövsiyyə edir. Ağa ağ, qaraya qara demək lazımdır, yalan məlumatlar cəmiyyətə,insanlara və gələcək nəsillərə zərər gətirər deyə tövsiyyə edir. Mənim belə bir insan haqqında yazmaq istəməyimin əsas səbəbi də məhz Elman müəllimin dəyişməz xarakterli olması, hər kəsə eyni gözlə baxması,etdiyi hər hansı bir iş olur-olsun heç bir təmənna gözləməməsi,heç kəsdən əlindən gələn köməyini əsirgəməməsidir. Amma...
Etibarlı mənbənin verdiyi məlumata əssən mayın 31-də axşam saatlarında hörmətli Elman müəllimi səxavətli və güzəştli işlərinə görə 15000 manat "tozlu pul" almaq istərkən iş otağında Baş Prokurorluq yanında Korrupsiyaya qarşı Mübarizə İdarəsinin əməkdaşları tərəfindən üzərində "rüşvət" sözü yazılmış pul əskinasları verildikdən sonra saxlanılmış və Bakı şəhərinə aparılmışdir. Allah belə səxavətli və xeyirxah insanların qapısını açsın. Amin.
P.S. Yazı dərc edildikdən 13 saat sonra etibarlı mənbəmizin verdiyi yeni məlumatda bildirilir ki, çəkilişlə E. Qocayevin saxlanması əməliyyatından və Bakıya aparıldıqdan sonra bu gün səhər hansısa gizli qüvvənin təsiri nəticəsində gözəl ziyalımız Oğuza qayıtmışdır. Allah bizim dualarımızı eşitdi.
İfadetv.com
