Ermənistan Xarici İşlər Nazirliyi bəyan edib ki, Rusiyanın xarici işlər naziri Sergey Lavrovun Ermənistan hakimiyyətinin Sünik (Zəngəzur – red.) bölgəsi üzərindən nəqliyyat kommunikasiyalarının açılması ilə bağlı təxribat törətməsi ilə bağlı sözləri reallığa uyğun gəlmir.
Gununsesi.info xəbər verir ki, bu barədə Xarici İşlər Nazirliyinin mətbuat katibi Ani Badalyan bildirib.
“Rusiya XİN rəhbərinin dünənki bəyanatı nəinki açıq-aşkar təəssüf doğurur, həm də Rusiya Federasiyasının Ermənistanla Azərbaycan arasında münasibətlərin nizamlanması prosesində konstruktiv iştirakını şübhə altına alır”, – deyə o qeyd edib.
Ətraflı00:09
Onun sözlərinə görə, Rusiya Xarici İşlər Nazirliyinin rəsmilərinin Ermənistanla bağlı həqiqətə uyğun olmayan və qərəzli şərhləri yeni deyil və İrəvan onlara reaksiya verməməyə çalışır.
O, deyib ki, Ermənistan, Azərbaycan və Rusiya dövlət başçılarının 9 noyabr 2020-ci il tarixli Qarabağla bağlı bəyanatında, sənəddə Rusiyanın imzasının olmasına baxmayaraq, heç bir əsas məqam yoxdur: “Biz təsdiq edirik ki, bu layihə çərçivəsində regional kommunikasiyaların açılması, sözün əsl mənasında, hər an baş verə bilər. “Dünyanın kəsişməsi” layihəsi bir sıra beynəlxalq tərəfdaşlar tərəfindən müsbət cavab alıb. Rusiya Xarici İşlər Nazirliyindəki həmkarlarımızı onun həyata keçirilməsini sabotaj etməməyə və qeyri-obyektiv bəyanatlarla Cənubi Qafqazda sülhün əldə edilməsi səylərinə xələl gətirməməyə çağırırıq”.
Xatırladaq ki, bir gün əvvəl Lavrov demişdi ki, İrəvan Zəngəzur dəhlizinin açılması ilə bağlı razılaşmanı sabotaj edir, Rusiya isə iki ölkə arasında tezliklə sülhün əldə olunmasının tərəfdarıdır.
“Təəssüf ki, Ermənistanın Sünik bölgəsi ilə əlaqəyə gəldikdə, baş nazir Nikol Paşinyanın imzaladığı sazişi sabotaj edən məhz Ermənistan rəhbərliyidir. Belə bir mövqenin mənasının nə olduğunu anlamaq çətindir”, – Lavrov deyib.
Qeyd edək ki, Ermənistanın baş naziri Nikol Paşinyan 2023-cü ilin payızında Avropa Siyasi Birliyinin sammiti çərçivəsində Dağlıq Qarabağ da daxil olmaqla 86,6 min km² Azərbaycan ərazisinin tanınması haqqında bəyannamə imzalayıb.
Şəbnəm Rəhimova
Gununsesi.info
Ermənistan XİN Lavrovu İTTİHAM ETDİ: “Rusiyanın sülh prosesində iştirakını şübhə altına alır”
0
