Xəbər verildiyi kimi, dünən avqustun 25-də Milli Elmlər Akademiyasının prezidenti, Prezident Administrasiyasının sabiq rəhbəri Ramiz Mehdiyev AMEA-nın rəsmi saytında son vaxtlar barəsində tənqidi açıqlama və məqalələrlə çıxış edən bir sıra deputatlar, sabiq məmurlar, jurnalistlər, politoloqlar, partiya sədrlərinə və s. qarşı təhdid xarakterli növbəti bəyanat yayıb. O, adlarını çəkdiyi həmin şəxsləri Azərbaycan Respublikasının Cinayət Məcəlləsinin 147-ci (böhtan) və 148-ci (təhqir) maddələrinə(şəxsin şərəf və ləyaqətini ləkələyən və ya onu nüfuzdan salan məlumatları kütləvi çıxışlarda və KİV-lərdə yaymaq və s.) əsasən məhkəməyə verməklə hədələyib.
AMEA rəhbərinin bəhs edilən bəyanatında adları çəkilən keçmiş məmur və deputatlardan biri – Maksim Musayev Moderator.az-a açıqlamasında məsələyə münasibət bildirib:
“Ramiz, əzizim, səni debata çağırdım - gəlmədin. Bilirəm ki, qorxaq və cəsarətsizsən... İndi də yenə adımı hallandırırsan. Məni məhkəməyə vermək üçün sənə 3 gün vaxt verirəm. Əgər bu tələbimi yerinə yetirməsən, mənə səni məhkəməyə vermək üçün hüquqi əsas verirsən. Sənin qərarını gözləyirəm...” - deyə sabiq icra başçısı və parlament üzvü Ramiz Mehdiyevə konkret müraciət ünvanlayıb.
Sultan Laçın
P.S. Maksim Musayev bu gün cəsarət sahibi kimi "Yıxılana balta vurmaqla" məşğuldur. Görəsən haradandır buna bu cəsarət? Axı bu adam 1989-cu ildə Qax rayon Partiya Komitısinin 1-ci katibi olarkən qaxlılar bezib balta-yaba ilə bu şəxsi rayondan qovmuşlar. Maksim də həmin dövrdə, 1988-ci ilin noyabrın 13-də Şəkidə 1-ci katib olduğu vaxt 43 saylı peşə məktəbi şagirdləri tərəfindən it balası kimi döyülüb qovulduqdan sonrakı mənzərəni yadına salaraq axırıncı qorxaq kimi dabanlarına vaxtında tüpürüb qaça bilmişdi. Bu gün onun bir cəsarət sahibi kimi ortalığa çıxması doğrusu bizlərdə çaşqınlıq yaradır. Doğrudanmı, bu adam FTX tərəfindən yüksək səviyyədə qorunan R.Mehdiyev haqqında qanmayaraqdan danışır? Adamın sadəcə inanmağı gəlmir. Və doğrudanmı, maraqlı qüvvələrin R.Mehdiyev üzərinə qısqırtmağa bir əməlli başlı təmiz vicdnlı, təmiz reputasiyaya malik birisini tapa bilmirlər? Çox qəribədir, elə deyilmi,cənablar? Elə ona görə də R.Mehdiyev dünən verdiyi hədləyici məlum bəyanatında dolayısıilə maksimlərə mesaj veriri ki, dünənki yaltaqların bu gün üzə durması yaxşı nəticə verməyəcək. Və yaxud bəyanatın açması budur ki, "Başqasına it hürəndə, mən də çaqqallar hürər". Biz hesab edirik ki, bu həssas dönəmdə Azərbaycanda sabitliyin pozulması xalqımıza heç lazım deyil. Ehtiyatlı olun, cənablar! 
