XALİQVERDİ DEPERTAMENTDƏ ÖZÜ ÜÇÜN "PUTİN REJİMİ" YARATDI - KİMSƏ ONA ZƏNG EDƏ BİLMƏZ!
Rəsmi məlumata görə, nazir Muxtar Babayevin müvafiq əmri ilə Ətraf Mühitin və Təbii Sərvətlərin Tənzimlənməsi Şöbəsinin müdiri Xalıqverdi Hüseynov vəzifəsindən azad edilərək Meşələrin İnkişafı Xidmətinə rəis əvəzi təyin olunub.
Qeyd edək ki, Xalıqverdi Hüseynov 1993-cü ildən 1997-ci ilədək Ağdam rayonu Çəmənli kolxozunda sədri vəzifəsində işləyib. 2004-cü ildən 2007-ci ilədək Ekologiya və Təbii Sərvətlər Nazirliyinin 3 saylı Ərazi Ekologiya və Təbii Sərvətlər Şöbəsinin müdiri, 2007-ci ildən 2008-ci ilədək Bioloji Müxtəlifliyin Qorunması və Xüsusi Mühafizə Olunan Təbiət Ərazilərinin İnkişafı Departamentinin direktoru, 2008-ci ildən 2011-ci ilədək Ətraf Mühitin Mühafizəsi Departamentinin direktoru, 2011-ci ildə 2013-cü ilədək "Azərbaycan Yaşıllaşdırma və Landşaft Quruluşu” ASC-nin sədr əvəzi vəzifəsində çalışıb. 2013-cü ildən 2020-ci ilədək yenidən Ətraf Mühitin Mühafizəsi Departamentinin direktoru, 18 avqust 2020-ci il tarixdən Ətraf Mühitin və Təbii Sərvətlərin Tənzimlənməsi Şöbəsinin müdiri vəzifəsini icra edib.
Xatırladaq ki, Baş prokurorluq və Ekologiya və Təbii Sərvətlər Nazirliyinin əməkdaşları tərəfindən Lənkəran, İsmayıllı, Masallı və digər rayonlarda meşələrin qanunsuz qırılması faktları üzrə aparılan yoxlamaların nəticəsi olaraq Meşələrin İnkişafı Xidmətinin rəisi Namiq Xıdırov vəzifəsindən çıxarılıb. Bax burada təbii sual yaranır. Necə olur ki, 2020-ci ildən işləyən Meşələrin İnkişafı Xidmətinin rəisi Namiq Xıdırov il yarımlıq icra etdiyi vəzifəsindən çıxarılıbsa bəs meşələrin qorunmasına son iki ildə birbaşa cavabdeh olan məsul şəxs - 18 avqust 2020-ci il tarixdən Ətraf Mühitin və Təbii Sərvətlərin Tənzimlənməsi Şöbəsinin müdiri vəzifəsini icra edən sabiq kolxoz sədri X.Hüseynov niyə məsuliyyətdən kənar qalması bir yana, hətta onu N.Xırovun yerinə təyin ediblər? Daha qısası, X.Hüseynov uzun illər xidməti vəzifəsini yerinə yetirərkən “meşə mafiyasını” niyə himayə edirdi?
Bu sualları cavablandırmaq üçün məlumatlı mənbələrin verdikləri məlumatları təqdim edirik:
“Meşələrin İnkişafı Xidmətinin rəisi Xalıqverdi Hüseynov Ətraf Mühitin rəisi işlədiyi zaman meşələri məhv edənlərdən biri olmuşdur və buna baxmayaraq bu şəxs xəstə olduğu və pensiya çıxma vaxtına bir il qaldığı halda Muxtar Babayev onu gətirib Meşələrin İnkişafı Xidməti vəzifəsinə rəis təyin edib. Etibarlı mənbə onu da xüsusi vurğulayır ki,
"meşə mafiya"sının aktiv üzvlərindən biri olan, Meşələrin İnkişafı Xidmətinin sabiq rəisi Ağaqardaş Qaraşov, qudası orta ixtisas təhsilli ibtidai sinif müəllimi Adil Quliyev Əməyin mühafizəsi üzrə baş mütəxəssis işindən çıxıb və onun yerinə isə Ağaqardaşın xahişi ilə və deyilənə görə, Xalıqverdiyə nəyinsə müqabilində Adil Quliyevin oğlu vəzifəsi ixtisara gedən, mühasib köməkçisi işləyən Sadiq Quliyevə atasının yerini verir. Sözügedən ata-bala işlədiyi vaxta günlərlə işə gəlmirdilər. Yəni bunlar başı başqa işlərə qarışdığı üçün işə arada bir gəlib və gəlmədiyi günlərin yerinə "iş tabel"inə imza çəkirdilər.
Hətta Ağaqardaş Qaraşovun qudası Adil Quliyevlə şərik olaraq Masallıda bir neçə yerdə "meşə materialı" ilə işləyən mebel sexləri vardır. Respublikanın məktəb və digər ıdarələrinə Adil Quliyevin mebel sexlərində hazırlanan stol, stul və şkafları müqavilə ilə satılır.
Masallı Regional Meşə Təsərrüfatı Mərkəzinin meşələrin mühafizəsi üzrə baş mühəndis Abturab Bağırov bu qədər elədiyi cinayətlərin fonunda hələ də iş başındadır.
BU HƏMİN XALİQVERDİDİR Kİ, AZƏRBAYCAN DÖVLƏT QORUQLARINI ƏRƏB ŞEYXLƏRİNƏ OV ETMƏK ÜÇÜN PEŞKƏŞ EDİB DOLLAR QAZANIB
Xatırlatmaq yerinə düşərdi ki, hələ 2019-cu ilin avqust ayında cənab Xalıqverdi Hacınohur qoruğunda nazir Muxtar Babayevin xəbəri olmadan Ərəb turislərin Hacınohur qoruq ərazisində qanunsuz ov etməsini gizlicə təşkil etməsinə baxmayaraq ekofəal Cavid Qaraca onları hadisə yerində ifşa etmişdir. Bu biyabırçılıq hadisəsi AZƏRBAYCAN İCTİMAİYYƏTİNİN HİDDƏTİNƏ SƏBƏB OLMUŞDUR. Baş vermiş hadisə ilə bağlı xalqxeber.az saytı “Azərbaycan torpaqlarını Ərəblərə ov etmək üçün ərmağan edən Xalıqverdi Hüseynov kimdir?”başlıqlı araşdırma yazısı da vermişdir
https://xalqxeber.az/social/42122-azerbaycan-torpaqlarini-ereblere-ov-etmek-uchun-ermagan-eden-xaliqverdi-huseynov-kimdir.html
"Ekologiya və Təbii Sərvətlər Nazirliyi haqq;nda çoxsaylı yazılarımız oxucularımıza təqdim olunmuşdur. Belə ki, Hüseyinqulu Bağırovun nazir olan dövürlərində Azərbaycanın bir çox ov üçün yararlı əraziləri Ərəblərə demək olaraq satılmışdır. Hətt da xəbər portalımızda Hüseyinqulu Bağırov Azərbaycan torpaqlarını Ərəblərə ərməğan edib başlıqlı yazımız naziriliyi demək olar ki, sirkələmişdir. Bu yazımızdan sonra ETSN-nin Ətraf Mühitin Mühafizəsi Departamentinin direktoru Hüseynov Xalıqverdi Cəmil oğlu redaksiyamıza zəng vuraraq yazının saytdan çıxarılması üçün xahiş minnət etdi. Aşağıdakı videoda görüntülərdən bəlli olur ki, həqiqətən Xalıqverdi müəllimin canfəşanlığına əsas varmış. Belə ki, videoda görüntülənənlər arasında Xalıqverdi müəllimin regionalnı idarəsindəki işçiləri şəxsi avtomobilləri və özləri Ərəblərin xidmətçisi olubmuş. Ancaq bu azmış kimi Azərbaycanın ova yararlı ərazilərini Ərəblərə hədiyyə edən Xalıqverdi müəllim kreslosunu saxlamaq üçün işçisi Sektor müdiri Raqub Mirzəyevin çirkin əməllərindən istifadə edir. Kreslosunu itirmək təhlükəsini yaşayan Xalıqverdi müəllim, ona yaxın olan sektor müdiri Raqub Mirzəyevin ona əks olan bütün şəxsləri gözdənsalma kompaniyası göstərişi verilir. Və beləliklə bir çox şəxslərin Mirzəyev vasitəsi ilə torpasını tikən Xalıqverdi Hüseynov 2020-ci il mövsümündə ərəblərdən qazanacağı pulların şansın əldə edir..”
Digər mənbənin ETSN naziri cənab Muxtar Babayev və onun yeni vəzifəyə təyin etdiyi X.Hüseynov barəsində dövlət başçısına ünvanladığı müraciətin bəzi hisələrini də oxuculara təqdim etmək istəyirik. Belə ki, uzun müddət meşə sahəsində işləmiş mənbə qeyd edir ki, Xaliqverdi Hüseynov əvvəllər ekologiya sahəsinə rəhbərlik etdiyi dövrdə region meşələrində qanunsuz aparılmış neçə min kub m kəsintiyə görə nəinki cəzalandırdılar, əksinə “dövlət qulluğu” medalı ilə təltif etdilər. Bu adam xidmət rəisi təyin olunan kimi Şamaxı-İsmayıllı regionlarına keşmiş hərbi komisar olmuş, heş bir meşə anlayışı belə olmayan birisini direktor əvəzi təyin etmişdir. Eləcədə Quba regionuna da peşəkar və yüksək ixtisaslı kadrı direktor vəzifəsindən azad edərək yerinə adi bir inspektoru təyin etmişdir. Hansı ki, həmin regionda ETSN tərəfindən aparılan yoxlama zamanı həmin inspektorun nəzarət etdiyi meşə sahəsində 1000 kub m. qanunsuz kəsintilər aşkar edilmişdir. Bir sözlə, hazırda Xalıqverdi ixtisaslı kadrları özünə yaxın olan savadsız və meşə işlərindən sadə anlayışları olmayan “kadrları” təyin etməklə məşğuldur. Yaxşı olardı ki, kadr məsləsinin seçimi zamanı attestasiya aparılsın. Elə meşə sahə rəisləri vardır ki, onlar adi bir sənədi belə yaza bilmirlər. Mənbə sonda dövlət başçısından xahiş edir ki, ETSN –də bu özbaşnalıqlar belə sürətlə davam edərsə yaxın 2-3 ildə Azərbaycanın hər bir bölgəsi Kürdəmir rayonun təbiətindən də pis günə qalacaqdır.
Mənbənin verdiyi məlumatdan o da aydın oldu ki, cənab Xalıqverdi rəhbərlik etdiyi Depertamentdə əsl “Putin rejimi” yaratmışdır. Belə ki, heç bir regional, idarə, şöbə rəhbəri birbaşa xidmti işlə bağlı nəinki onun qəbuluna düşə , hətta zəng belə edə bilməzlər. İdarə rəisləri yalnız Xalıqverdinin müavinlərinə zəng edə və sözlərini qısa deyə bilrlər. Vəssəlam.
Qarşı tərəfin mövqeyin dinləməyə hazırıq.
İfadetv.com-un araşdırma qrupu
