Və yaxud, "Stimul Hospital"ın həkimləri pasientlərin qəsdinə duranda nə baş verir?

Bakı şəhər sakini Jalə Hümmətova yuxarı dövlət orqanlarına və bir nüsxəsi də redaksiyamıza daxil olan müraciətində “Stimul Hospital” ın UZM həkimi Ülviyyə Abbasovanın səhlənkarlığı barədə yazmışdır. Müraciətdə vətəndaş qeyd edir ki, hamiləliyin təyini və sağlamlıq vəziyyəilə bağlı bir neçə dəfə  hospitalın USM həkimi Ü.Abbasovanın qəbulunda olmuşdur. Birinci dəfə 11 may 2023-cü ildə hamiləliyin təyini ilə bağlı olmuş, 16 iyun 2023-cü ildə hamiləliyin 13-cü həftəsində isə hamiləliyin ense qalınlığı müayinə və müşahidə olunmuşdur. Riskli olduğu üçün ikili tarama testi də verildi. Və nəticə 1:50 nisbətdə riskli çıxdı.  Sonra isə Fetal Center mərkəzdə Niphly analiz verdim İki həftədən sonra çıxan nəticəyə görə uşaqda heç bir qüsur aşkarlanmadı. 
    24 iyun 2023-cü ildə 3-cü dəfə, yəni hamiləliyin 18-ci həftəsində  yenidən Ülviyyə həkimin müayinəsində oldum. Və hər şeyin qaydasında olduğunu bildirdi. Eyni zamanda dopler müayinəsini də edərək sağlamlıq vəziyyətin yaxşı olduğunu bildirdi. Halbuki uşaqda ürək qüsurunun olması 16-cı həftədə dəqiq görünməli idi. Lakin həkim Ülviyyə Abbasovanın səhlənkarlığı nəticəsində müayinənin 18-19-cü həftəsində bunu aşkar edə bilmədi. Və hətta hər şeyin ideal olduğunu bildirdi. Ürək bir dəqiqəyə 158 döyüntüsü vardı. Dörd kameralıdır.Ulayistral damarların topoqrafiyası normaldır deyə qeyd etdi. Və məni bu rəsmi nəticələrilə çox arxayın etdi. 
    06 sentyabr 2023-cü ildə, yəni, hamiləliyin 25-ci həftəsində H.Əliyev Mərkəzi yaxınlığındakı digər  həkimin yanında 4-cü dəfə müayinə olduğum zaman ürəyin 4 kameralı, kəsiyi diferensial edilmiş tək mədəcik və VSD qeyd edildi. Maystral damaraların topoqrafiyası pozulmuşdur. Ürək döyüntüləri 136 olduğunu qeyd etdi.  Halbuki bu diaqnozu həkim Ü.Abbasova əvvəlki sonuncu dəfə onun yanında olanda , (hamiləliyin 19-cü həftəsində) görməli və məni xəbərdar etməli idi ki, uşaqda ciddi ürək problemi var və onun yaşa şansı yoxdur. Mən də ailəmlə bu məsələni vaxtında həll edərdim. Lakin Ülviyyə həkimin məsuliyyətsizliyi və səhlənkarlığı ucbatındn mən digər analizlərə, həkim müayinələrinə və sonda Bakı Sağlamlıq Mərkəzində həkimlərin qəti nəticəsi əsasında dölün tələf edilməsinə razılıq verdim. Son ay yarım vaxt ərzində 1700 manat maddi və mənəvi ziyana düşdüm. Məsləni dəfələrlə Ülviyyə həkimə anladan isə o “nə edim, nəzərimdən qaçıb, olan şeydir” deyə məsuliyyəti öz üzərindən atmağa çalışdı. Sanki adi bir hal imiş. Bu həkuim nə qədər qəddar və qeyri –hümanist biri idi ki, heç təəssüfləndiyini və üzr istəməyi belə özünə rəva bilmədi. Budur, nəticədə orqanizmdə baş verən zəhərlənməyə görə mən indiyədək müalicələr alıram. Xahiş edirəm, “Stimul Hospitalın”sadə etik qaydaları bilməyən, məsuliyyətsiz və səhlənkar, savadsız həkimi Ülviyyə Abbasova barədə qanunvericiliyə əsaəsən tədbirlər görülməsini və mənə vurduğu maddi-mənəvi ziyanın ödənilməsi barədə lazımi tədbirləer görəsiniz.ki, ki. Belə məsuliyyətsizliyə və səhlənkarlığa nəhayət son qoyulsun.  Mən kasıb adamam, pulu yerdən yığmıram ki, Ülviyyə kimi savadsız həkimlər bizi həm maddi, həm də mənəvi ziyana salsınlar. “Stimul hospital” ın rəhbərliyi də susmağında davam edir və məsuliyyətsiz həkimləri barədə heç bir tədbir görmür. Sanki belə də olmalı imiş. Sanki insan taleyi “Stimul Hospital” həkimləri üçün sıradan adı bir işdir. Pasiyent qarşısında heç bir məsuliyyət daşımırlar. 
Qoşma: Ültra səs müayinə raporu 2 ədəd. Bakı Sağlamlıq Mərkəzinin ödəniş qəbzi


   Xatırladaq ki, bir neçə gün əvvəl də jurnalist Fərahim İlqaroğlunun anasının da həkim səhlənkarlığı ucbatından  "Stimul Hospital"da qəfil vəfat etməsi barədə dövri mətbuatda geniş məlumatlar verilmişdir. 

Almaniyada yaşayan jurnalist Fərahim İlqaroğlu anasının xəstəxanada vəfatı ilə bağlı Baş Prokurora müraciət ünvanlayıb.
KİV həmin müraciəti təqdim edir:
 
“Hörmətli Kamran müəllim, yazaraq sizdən xahiş edirəm, anam 1967-ci il təvəllüdlü Qasımova Bahar Aydın qızının Stimul Hospital da həkim İlham Hüseyn və tibb bacısı Mələk Abbasovanın (şəkildəkilər) səhlənkarlığı ucbatından ölümü ilə bağlı aparılan iş dəqiq araşdırılsın.
Cənab Baş Prokuror, bildirmək istəyirəm ki, Anam Bahar Qasımovanın ürək bulanma, qusma, göbək altı nahiyədə ağrılar, arıqlama şikayətləri var idi.
Ona “Stimul Hospital”da analizlər əsasında xroniki qastritin və xroniki kolitin kəskinləşməsi diaqnozu qoyulmuş, ambulator şəraitdə qan azlığına görə müalicəsinə başlanılmışdı. Anam özünü çox yaxşı hiss edirdi. Hətta mənimlə son günlər danışığında özü dəfələrlə yaxşı olduğunu, artıq normal yemək yediyini söyləmişdi...
    Hadisə günü, yəni 18.03.2024 tarixində səhər anamla danışanda mənə bildirdi ki, “İstanbul NS” klinikasındayam, burdan da evimizin yanındakı “Stimul Hospital”a gedəcəm, orada sistem köçürəcəklər. Sözügedən hospitala bacım Yasəmən Qasımova ilə birgə gedib.
Klinikaya çatanda hərarəti olduğunu deyib. Əslində istəyirmiş ki, bu gün sistemi qəbul etməsin, bədən temperaturu normala qayıdandan sonra yenidən klinikaya gəlsin. Bunu tibb bacısı Mələk Abbasovaya özü də deyib ki, “qızım qızdırmam var, bəlkə dərman verəsiz mənə”.
M.Abbasova da bildirib ki, narahat olmayın, qorxulu bir şey yoxdur. Tibb bacısı anamın temperaturunu yoxlamadan ona sistem qoşaraq, otağı tərk edib. Otağa qayıdanda anam artıq keçinibmiş. Bu zaman anama reanimasyon müdaxilə edilmək əvəzinə, həkim İlham Hüseyn axtarılıb. İ.Hüseyn gələndən sonra anamı ağ parçaya büküblər.

"Stimul hospital"ın həkimləri İlham Hüseyn və M.Abbasova

https://www.gununsesi.info/h%c9%99kim-s%c9%99hl%c9%99nkarligindan-anasini-itir%c9%99n-jurnalistd%c9%99n/

"Stimul Hospital" lla bağlı digər şikayət isə insanı daha çox vahiməyə salır:

https://pravda.az/news/22900
"Stimul Hospital" məni şikəst etdi - ŞİKAYƏT
 
Bir ilə qədər müalicə aldığım “Stimul Hospital” məni şikəst edib. Müalicəmin 3-cü ayından etibarən çəkim 30 kilo artdı, piy qatları anormal şəkildə bədənimin yuxarı nahiyəsinə toplanmağa başladı və əcaib görünüş aldım. Saçlarım qısa müddətdə alopesiya formasında tökülməyə başladı. Ağır depressiya yaşayıram, evdən bayıra çıxa bimirəm”.

 Pravda.az-ın xəbərinə görə, bu şikayətlə Bakı sakini Səbinə Axundova müraciət edib.
" ... Endokrinoloq Amaliya Əmirova tərəfindən qəbul olunub və həkim ona “zəhərli zob” diaqnozu qoyaraq müalicəyə başlayıb. Lakin pasiyent iddia edir ki, nəinki problemi həll olunub, hətta əlavə xəstəliklər də qazanıb:

 “Qəbul etdiyim dərmanlar sırasında ağır hormonal dərman olan “Tirozol” da var idi. Bu dərmanı atdığım ilk həftədən dadbilmə hissiyatımı itirdim, dilimin üst hissəsi qaraldı. Sinir sistemim gərgin vəziyyətdə idi, elə olurdu ki, iki-üç gecə yuxusuz qalırdım. Tez-tez huşumu itirirdim, ürəkbulanma və qusmadan əziyyət çəkirdim. Bütün bədənim, saçımın dərisi yağlanmağa başladı, hər iki saatdan bir duş qəbul etmək məcburiyyətində idim. Gecələr məndə boğulmalar olurdu və polikistozdan əziyyət çəkməyə başlamışdım. Bədənim tamamilə tüklənmişdi, özümü tanıya bilmirdim. Göz yaşları içərisində həkimə zəng edib artıq dözə bilmədiyimi dedim. Həkim isə cavab verdi ki, bütün bunlar keçəcək, saçlarım bərpa olunacaq, nə yaxşı ki, vaxtında müalicəyə başlamışam. Həmin vaxt işlə əlaqədar məni Çeçenistan Prezidenti Ramzan Kadırov Qroznı şəhərinə dəvət etsə də, endokrinoloqun sayəsində yataq xəstəsinə çevrildiyimdən belə bir şansı da qaçırmalı oldum”, - S. Axundova bildirib.

 
Şikayətçinin sözlərinə görə, endokrinoloq onun vəziyyətini görüb bu dəfə klinikanın trixoloqu Şəfa Əliyevaya yönləndirib. S. Axundovanın iddiasına əsasən, təyin olunan bahalı liftinq və mezoterapiya prosedurları ilə birlikdə ona dəyən maddi ziyan 10 min manatı keçib.

Şikayətçi deyir ki, Gürcüstana gedəndən sonra ona yanlış diaqnoz qoyulduğu və müalicə aldığı deyilib: “Məlum oldu ki, məndə heç vaxt endokrinoloji problem olmayıb və indiyə qədər səhv müalicə olunmuşam. Bunun rəsmi sübutu kimi sonsuz sayda analiz və resept siyahısı, həmçinin Respublika Endokrinoloji Mərkəzinin komisyon ekspertizasının rəyi var”.

 İki azyaşlı uşaq anası olan pasiyent şikayətlə bağlı klinika rəhbərliyinə müraciət edib: “Əvvəlcə dəyən maddi və mənəvi ziyanın klinika tərəfindən ödəniləcəyini bildiriblər. Lakin bu günə qədər nəinki ödəniş olunmayıb, heç üzr də istəməyiblər”.

Digər fakt: 

https://poliqon.info/goresen-stimul-hospitalin-sahibi-vergi-orqani-ile-nece-dil-tapa-bilir--264845-xeber.html

Görəsən “Stimul” hospitalın sahibi vergi orqanı ilə necə “dil tapa” bilir?

Ölkə gündəmini diqqətlə izləyən oxucularımız xatırlayarlar
Bu ilin may ayında paytaxtın Sabunçu rayonunun Bakıxanov qəsəbəsində fəaliyyət göstərən “Stimul” hospitalında ölüm hadisəsinin baş verməsi ilə əlaqədar rayon prokurorluğunda cinayət işi açılaraq şəhər prokurorluğuna verilmişdi. Cumhuriyyet.net bildirir ki,həkim Elçin Zodan pasiyent Yeganə Quliyevanı plastik əməliyyat edərkən o, stolda keçinmişdi. Qəribədir ki, üzərində uğursuz plastik cərrahiyyə əməliyyatı aparılmış xəstənin ölümünün səbəbləri istintaq tərəfindən araşdırılarkən sıravi həkim məsuliyyətə cəlb olundu, amma klinika rəhbərliyindən heç kimə “gözün üstə qaşın var” deyən olmadı. Niyəsi naməlumdur. Halbuki, pasient səhhəti ilə bağlı tibb müəssisəsinə üz tutur, onun ayrıca həkiminə deyil. Bu məsələdə məsuliyyət bölünməlidir. Axı həkimi də rəhbərlik seçir, müəssisəni texnika və avadanlıqla təmin edir. Əgər seçim etməyi, işə götürmək istədiyi kadrın savad səviyyəsini müəyyənləşdirməyi özü bacarmırsa, bunu başqa mütəxəssisə etibar etməlidir.
Bütün başqa müşahidələrimiz və daxil olmuş məlumatlara görə klinikanin sahibi Hacı Bəxtiyar sözügedən ölüm işində cinayət təqibi orqanlarının “diqqətindən” kənarda qaldığı kimi, eyni uğurla da vergidən yayına bilir. Şübhə doğuran məsələ burasındadır ki, bu gün klinikaya tibbi xidmət üçün müraciət edən vətəndaş qeydiyyata alındıqdan sonra ona klinikanın vizit kartı verilir, kod qoyularaq kassaya yönləndirilir.
Vətəndaş kassaya yanaşanadək həmin kod kassada əyləşən xanıma ötürülür. Kassir pulu aldıqdan sonra pasientə kassa aparatından deyil, adi printerdən çıxardığı “çek”i verir. Pasient də öz növbəsində həmin “çek”i onu müayinə edəcək həkimə təqdim edir. Beləliklə, müştərinin tələb olunan pulu ödədiyinə klinika rəhbərliyi tərəfindən tam nəzarət olunur.

https://www.faktinfo.az/news/meshur-hekim-klinikani-ittiham-edib-stimul-hospitaldaki-emeliyyatdan-sonra-11-yasli-adilin-sumuyu-eriyib

QEYD: Yazı çapa gedərkən o da məlum oldu ki, "Stimul hospital" zənglərdən və sorğulardan yayınmaq üçün öz saytını müvəqqəti bağlamışdır.

 P.S.  Bizi əsas maraqlandıran budur ki, nədən öz səhlənkarlıqları və savadsızlıqları  ucbatından "Stimul hospital"ı rüsvay edən, pasientləri səhv diaqnoz qoyub "müalicə" etməklə onları şikəst edən, xəstənin sağlamlıq vəziyyətini düzgün qiymətləndirmək əvəzinə səhv müalicə edib onun həyatına son qoyan həkimləri belə qorumaqla onlara növbəti insan taleyi ilə oynamağa şərait yaradır? Bir sözlə, "STİMUL HOSPİTAL" da baş verən özbaşnalıqlara DUR! deyən tapılacaqmı? 

İfadetv.com-un araşdırma qrupu.