Bir neçə gün əvvəl “Nazir müavininin göstərişilə tarix müəllimi yol idarəsinə müdir təyin ediləndə” başlıqlı araşdırma yazısı vermişdik. Burada əsas diqqət 2019-cu ildən tam qəzalı vəziyyətə düşən Şəki rayonun Baş Göynük kəndinə gedən körpünün dağılma təhlükəsinin aradan qaldırılması vurğulanmışdır. Çox təəssüflər olsun ki, 143 nəfər kənd sakinlərinin imzaladığı və yuxarı orqanlara problemin təcili həll edilməsilə bağlı müraciəti bu günədək aidiyyatı orqanlar tərəfindən qulaqardına vurulur. Məslə yenidən tərəfimizdən kəskin olaraq qaldırıldıqdan sonar isə Azərbaycan Avtomobil Yolları Dövlət Agentliyinin 12 saylı Yol İstismar İdarəsinin tarix müəllimi olan müdiri cənab Rəhman Qədirzadə körpünün çuxurlar və çatlar əmələ gələn hissəsinin 2.5 kub m həcmdə asphalt material göndərməklə səpilməsini təşkil etmişdir. Kənardan baxdıqda körpü yolunun yamaqlı olsa da, kosmetik təmir edilməsi təsəvvürü yaranır. Amma reallıqda bu “maskirovka”nı əslində "ləng partlayacaq mina"ya bənzətmək olar. 
Yamaqlı "təmir"dən sonra
Qeyd edək ki, Şəki ilə müqayisədə ölkənin bütün regionlarında respublikanın yol infrastrukturu tamaimlə yeni, nisbətən göz oxşayan görkəm almasını vurğulamaq olar. Əsasən də turizm zonası hesab edilən Şamaxı, Qax, Zaqatala, Quba, Qusar, Xaçmazda da belədir, Lənkəran, Astara, Masallıda da, Balakəndə də. Respublikanın həmin və digər rayonlarındakı kəndlərarası və kənddaxili yollar adamın ruhunu oxşayır, qəlbə rahatlıq, zövq verir, xoş əhval duyursan. Ancaq Şəki şəhərdaxili yolları barədə (şəhərin özünə aparan magistral yoldan başqa) bunu demək mümkün deyil. Şəkinin özündə də, kəndlərarası və kəndlərdaxili yollar da çox az istisnalarla qətiyyən xoşagələn deyildir, narahatlıq, ikrah doğurur. Bəli, “Yol mədəniyyətdir” kəlamı yalnız Şəkuidə keçərli deyil. Baxmayaraq ki, şəhərin yolları su və kanalizasiya xəttlərinin çəkilməsindən sonra əsaslı təmirlərə məruz qalmışdır.
"Şin çayı" üzərindəki körpünün bir hissəsi. fevral 2023-cü il
Son vaxtlar bir-neçə foto-fraqmentdə Şəkinin özünün şəhərarası bəzi yollarının da yamaq-salxaq, çala-çuxur olduğunu gördükdə bir daha inanmalı olursan ki, “Azəravtoyol”, indiki Azərbaycan Avtomobil Yolları DA-nin rəhbərliyi üçün qədim tarixə malik, Azərbaycanın tarixi mədədniyyətini az çox özündə bu günümüzədək saxlayan, turizmin əsas marşrut xəttinin üstündə yerləşən Şəki şəhəri yol infrastrukturu məsələləri onun "siyahısında" ya heç yoxdur, ya da ki ən son plandadır.
Bəli, ötən yazımızdakı iradlar haqlıdır. Bəs görəsən tarixi Şəkinin digər rayonlardan fərqli olaraq yollarının, körpülərinin get gedə yaxşılaşmaq əvəzinə, sürətlə yararsız vəziyyətə düşməsinin səbəbini 12 saylı “Şəki Yol İstismar İdarəsi” Məhdud Məsuliyyətli Cəmiyyətə 1 ildir ki, rəhbər təyin edilən tarix müəllimi cənab Rəhman Qədirzadənin qeyri-peşəkar fəaliyyətində görmüşdük.
Və qeyd etmişdik ki, 2022-ci ildə Rəhman müəllim sinif yoldaşı və qohumu olmuş Nəqliyyat və Yüksək Texnologiyalar nazirinin müavini olan Dursunun oğlu Rəhmanın AAYDA –nin İdarə heyətinin sədri cənab Saleh Məmmədova birbaşa göstərişi nəticəsində R.Qədirzadə 12 saylı “Şəki Yol İstismar” MMC_yə müdir təyin edilmişdir. Və təbii ki, cənab S.Məmmədov da birbaşa nəqliyyat sahəsinə kurasiyalıq edən nazir müavinin göstərişini müzakirə belə etmədən əmrlə həyata keçirmişdir. Sonradan əldə etdiyimiz məlumatlardan aydın olur ki, Şəkinin yol və körpü dərdi təkcə Rəhman müəllimlik deyil. Yəni, S.Məmmədov 12 saylı Yolİstismar İdarəsi MMC-yə qudası Əflatun Qasımovu və yaxud hər hansı ingilis dili müəllimini də təyin etsə məsələ düzələn deyil. Yəni, Şəkinin yollar və körpülər sarıdan bəxtinin gətirməməsinin səbəbi tamamilə başqadır. Əgər Rəhman müəllim istəsəydi yollar və körpülərin saxlanması üçün AAYDA-ya hər il ayrılan 300 milyon manatın heç olmasa 1%-nin 12 saylı Yol İstismar İdarəsinə ayrılması barədə baş idarədə yazılı vəsatət qaldırsaydı, cənab sədrin ağzı nə idi ki, həmin vəsaiti Rəhman müəllimin idarəsinin hesabına köçürməsin. Və yaxud, inanmaq olmaz ki, yeni yolların salınması məqsədilə də təsdiq edilmiş layihələrə pul ayrılmasında AAYDA rəhbərliyi süründürməçiliyə yol versin və yaxud bürokratiyaya cürət etsin. Axı Rəhman müəllimin arxasında duran məmur onun sinif yoldaşı və qohumu olan Dursunun nazir müavini olan oğludur. Bəs o zaman nə baş verir ki, Rəhman Qədirzadə səlahiyyətindən qanuni formada istifadə edərək idarəsinin balansında olan yolların və körpülərin saxlanması və əsaslı təmirində maraqlı olmasın? Hələlik bu sirrin səbəbi bizlərə aydın olmasa da, orası bəllidir ki, hörmətli Rəhman müəllim sıradan elə də aciz bir dövlət məmuru, ya da qanundan qorxan bir vətəndaş deyildir. Amma hər nə olursa, olan qədim tarixə malik Şəkiyə və onun sakinlərinə olur.
BƏS GÖRƏSƏN İDARƏ MÜDİRİ ÖZÜNƏ “GÜN AĞLAYIRMI?”
Bu suala cavab vermək üçün bir fakta nəzər yetirmək kifayətdir:
Belə ki, ictimaiyyət həmişə qəbul edir ki, dövlətdən maliyyələşən təşkilatlara rəhbərlik edən bəzi məmurların sahib olduqları var-dövlətlə aldıqları məvaciblər paradoksallıq təşkil edir.
Əldə etdiyimiz məlumata görə bu cür məmurlardan biri də cənab Rəhman Qədirzadədir.
Məlumata görə Rəhman Qədirzadə Oğuz şəhərinin ən perspektivli, qaynar yerində - mərkəzində - Heydər Əliyev prospektində ticarət mərkəzi inşa etdirmişdir.
Keçmiş DSK sədrinin tikdirdiyi ticarət mərkəzi 2 mərtəbəlidir.
Ticarət mərkəzinin ümumi sahəsi min kvadrat metrə yaxın, qiymətinin isə yarım milyon manat civarında olduğu deyilir.
Yazıda adları qeyd edilən şəxslərin də mövqelərini dərc etməyə hazırıq.
İfadetv.com-un araşdırma qrupu
