Və yaxud Ali Məhkəmənin qanuni qüvvəyə minmiş QƏRARını heçə sayan idarə rəhbərini saxtakarlıq etməyə nə məcbur etdi?
Qəbələ rayon sakini Abdullayev Nurlan Oktay oğlu tərəfindən ölkənin direktiv orqanı rəhbərlərinə, bir nüsxəsi də İFADETV.COM -a ünvanlanan
“Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 9 saylı Qəbələ Ərazi İdarəsi rəhbərliyinin korrupsiya əməllərinə hüquqi qiymətin verilməsi” barədə müraciəti dövlət və ictimai əhəmiyyət kəsb etdiyinə görə onu olduğu kimi dəyərli oxucularımıza təqdim edirik:
Çoxhörmətli cənab Prezident İlham Əliyev! Sizin rəsmi çıxışlarınız zamanı dövlət məmurlarına xitabən etdiyiniz müraciətlərdə hər dəfə onlara xatırlamısınız ki, “Dövlət məmuru xalqın xidmətçiləri olmalıdırlar. Onların problemlərini yerində həll etməyə çalışmalıdırlar”. Lakin çox təəssüflər olsun ki, bəzi məmurlar Sizin tapşırıq və göstərişlərinizi öz maddi maraqlarını təmin etmək, əsassız varlanmaları üçün qulaqardına vururlar. Belələrindən biri də Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 9 saylı Qəbələ Ərazi İdarəsi rəhbərliyidir. Belə ki, anadan olduğum və yaşadığım Qəbələ rayonun Mıxlı Qovaq kənd ərazisindəki 0.15 ha və 0,21 ha torpaq sahələri üzrə mənə verilmiş 10.05.2017-ci il tarixli, RX seriyalı, 1056485 və RX seriyalı, 1056486 nömrəli çıxarışların verilməsinə baxmayaraq həmin 0.36 ha torpaq sahəsinə digər şəxs olan Rəsulov Məzahir Nadir oğlunun adına əsassız olaraq aldıqları külli-miqdarda rüşvətin hesabına cari ilin iyun ayında yenidən çıxarış vermişlər. Baxmayaraq ki, bu adamın ailəsinə verilmiş faktiki torpaq sahəsi 0.10 ha olmuş və mənə təqdim edilmiş torpaq sahəsindən uzaqda yerləşir.( sənədlər əlavə olunur)
Əvvəlcə faktlar və sənədlər üzrə xatırladım ki, həmkəndlim olan Rəsulov Məzahir Nadir oğlunun bizə qarşı “Torpaq sahəsinin geri qaytarılması”na dair verdiyi əsassız iddiasına 18 avqust 2021-ci il tarixində, yəni 13 ildən sonra təkrar olaraq eyni tərəflər və eyni məzmun üzrə ərizəsi Qəbələ rayon Məhkəməsində əsassız olaraq əvvəlcə hakim Elman İsayevin icraatına verilmişdir.
Qəbələ Rayon Məhkəməsinin 13.04.2022-ci il tarixli, iş N-2(025)-34/2022 saylı Qətnaməsi əsasında cavbdehlər olmuş valideynlərim və Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 9 saylı Qəbələ Ərazi İdarəsinə qarşı “torpaq sahəsinin geri qaytarılması və s.” Tələbinə dair iddiası təmin edilməmişdir.
Verilmiş apellyasiya şikayəti üzrə Şəki Apellyasiya məhkəməsinin 01.09.2022-ci il tarixli, 2(107)-861/2022 saylı Qərardadında iddiaçı M.N.Rəsulovun verdiyi apellyasiya şikayəti qismən təmin edilmiş, Qəbələ Rayon Məhkəməsinin 13.04.2022-ci il tarixli, iş N-2(025)-34/2022 saylı Qətnaməsi ləğv edilmiş, iddiaçının cavabdehlər və maraqlı şəxs Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 9 saylı Qəbələ Ərazi İdarəsinə qarşı “torpaq sahəsinin geri qaytarılması!” tələbinə dair mülki işin icraatına xitam verilmişdir.
İddiaçının verdiyi Kassasiya şikayətinə Ali Məhkəmənin Mülki kollegiyasının 19.12.2022-ci il tarixli, iş N 2(102)-6339/2022 saylı Qərarına əsasən Kassasiya şikayəti təmin edilməmiş, Şəki Apellyasiya Məhkəməsi Müli kolegiyasının 01 sentyabr 2022-ci il tarixli, 2( 107)-861/2022 nömrəli qərardadı dəyişdirilmədən saxlanılmışdır.
Faktlar üzrə xatırladım ki, eyni iddia tələbinə 2008-ci ildə Qəbələ rayon Məhkəməsində baxılmış və mübahisələndirilən ərazi tamamilə başqa bir ərazidə yerləşir. İndi də iddiaçı JN-474, kod- 40614018 “Torpağa Mülkiyyət hüququna dair” Dövlət Aktı əsasında iddia qaldırır ki, həmin akt üzrə verilmiş 1.02 ha pay torpaq sahəsinin 0.54 ha-nı guya biz cavabdehlər zəbt edib istifadə edirik. Məlumat üçün bildirim ki, bizim 5 nəfərlik ailəmizə də verilmiş JN-0125, kod- 40614018 “Torpağa Mülkiyyət hüququna dair” Dövlət Aktı əsasında verilmiş 1.02 ha pay torpaq sahəsi 125 A və 125 B cizcisində göstərilməklə verilmişdir. Və mübahisələndirilən 125 B cizcisində yerləşən 0.68 ha torpaq sahəsinin kənarında olan qonşu sərhədləri 488 A olmaqla Sərdarov Sədiyar Sabir oğlu və 284 T olmaqla Dosməmmədov Soltan Məhəmməd oğlu ilə sərhədlərimiz 51551-51570 arası döngə nöqtələrilə müəyyən edilmişdir. Təqdim edilən Dövlət Aktında bizim iddiaçı ilə hər hansı qonşuluğumuzu sübut edən hər hansı fakt yoxdur. Lakin 2010-cu ildə iddiaçının yenidən Qəbələ rayon Məhkəməsinə müraciətindən sonra Məhkəmənin Əmlak Məslələri Dövlət Komitəsi Yanında Daşınmaz Əmlakın Dövlət Reyestri Xidmətinin Qəbələ Ərazi İdarəsinin 15 iyul 2010-cu il, 19/382 saylı, rəis T.Mehdiyevin imzaladığı cavab məktubunda rəsmən bildirilir: “ Sizin 12 iyul 2010-cu il tarixli, 2(025)-223 saylı məktubunuza cavab olaraq bildirik ki, DT və XT tərəfindən təqdim olunmuş kadstr məlumatına əsasən Rəsulov Məzahir Nadir oğlunun adına Qəbələ rayonu Mıxlıqovaq kəndində ailə üzvləri ilə birlikdə JN-0474 olan Torpağın mülkiyyət hüququna dair dövlət aktında 0.10 ha pay torpağı vardır.” Bax bu rəsmi sənəd bir daha sübut edir ki, iddiaçının tələbi əsassızdır və uydurma mülahizələrdən ibarət olmuşdur.Və bu sənədə uyğun olaraq eyni tərəflər və eyni idia üzrə Qəbələ rayon Məhkəməsinin 2010-cu il tarixli, 2(025)-223/2010 saylı qətnaməsi üzrə mübahisəli məsələ ədalətli həllini tapmışdır. Buna baxmayaraq iddiaçı 11 ildən sonra qanuni qüvvəyə minmiş məhkəmə qətnaməsinin olmasına bxmayaraq bizi yenə də həmin mübahisləndirlmiş torpaq sahəsinə görə yenidən yəni 18.08.2021-ci ildə əsassız olaraq cavabdeh qismində cəlb etdirmiş və sonda Ali Məhkəmənin Mülki kollegiyasının 19.12.2022-ci il tarixli, iş N 2(102)-6339/2022 saylı Qərarına əsasən 3-cü dəfə eyni tərəflər və eyni predmet üzrə iddiaçı olmuş Rəsulov Məzahirin Kassasiya şikayəti təmin edilməmişdir.
Digər tərfdən xatırlatmaq yerinə düşərdi ki, mübahisələndirilmiş ərazi ilə bağlı bildirim ki, həmin ərazi bizim ailə tərəfindən Aqrar islahat keçirilməmişdən öncə də bizim istifadəmizdə olmuşdur. Və 1997-ci ildə Əmlak Məslələri Dövlət Komitəsi Yanında Daşınmaz Əmlakın Dövlət Reyestri Xidmətinin Qəbələ Ərazi İdarəsinin yerli nümayəndələrinin iştirakı əsasında bizim ailənin fındıq bağı kimi istifadəsində olmuş ərazi bizə Rəsmi AKT əsasında tanıdılmışdır. Və bunun əsasında digər kənd subyektlərinə tətbiq olunmuş, yəni vaxtilə zəbt edib uzun müddət istifadə etdikləri ərazilərin hamısı Yerli Aqrar İslahat Komissiyasının rəzılığı əsasında həmin ailə üzvlərinə pay torpaq kimi verilmiş və Dövlət Aktlarında nəzərə alınmışdır. Yəni, 2006-cı ildə iddiaçıya həmin ərazinin pay torpaq kimi verilməsi tam əsassız olmuşdur. Çünki bu ailə həmin fındıq bağından 2006-cı ilədək istifadə etməmiş və ərazini tanımamışlar.
Əlavə olaraq onu xatırlamaq istərdim ki, valideynlərimiz mənə, Abdullayev Nurlan Oktay oğluna da aqrar islahatdan əvvəl verilmiş 0.15 ha həyətyanı torpaq sahəsinin mənim pay torpağıma əlavə edilməklə, cəmi 0.36 ha torpaq sahəsinin ( 0.21 ha + 0.15 ha = 0.36 ha) mənə (N.O.Abdullayevə) naturada ayrılaraq zəbtlərindəki torpaq sahəsində tanıdılması və adlarına rəsmiləşdirilməsi tələbinə dair mülki iş 10 noyabr 2009-cu ildə Qəbələ rayon Məhkəməsində hakim T.Məmmədovun sədrliyi ilə baxılmış və iddia təmin edilmişdir. Bu məhkəmə prosesində iştirak etmiş Məzahir Rəsulovun hər hansı etirazı olmamışdır. Məhkəmə qətnaməsi əsasında hər iki həyətyanı torpaq sahəsinə əvvəlcə JN- 821 A seriyalı (kod 40614018) və JN-656 A ( kod 40 614018) Məhkəmə qətnaməsi üzrə icra aktı 16 may 2011-ci il tarixli Akt tərtib edilməklə mənə Aqrar İslahatdan əvvəl verilmiş 0.15 ha həyətyanı torpaq sahəsi də onun pay torpağına əlavə edilməklə cəmi 0.36 ha torpaq sahəsi ölçülərək N.Abdullayevə tanıdılmışdır. Məhkəmə qətnaməsinin icra olunmasına dair Akt tərtib edilərkən heç bir vəsatət və şikayət daxil olmamışdır. Və həmin yerlərə mənim adıma RX seriyalı, 1056485 N-li və RX seriyalı 1056486 N-li çıxarışar verilmişdir. Hal hazırda hər iki torpaq sahələrində 2-ci Qarabağ Müharibəsində iştirak etmiş qardaşım, digər hissədə isə hazırda Kəlbəgər istiqamətində hərbi xidməti vəzifəsini yerinə yetirən digər qardaşım ev tikib ailəsi yaşayır. Bir sözlə, mənim adıma verilmiş RX seriyalı, 1056485 N-li və RX seriyalı 1056486 N-li çıxarışarın əsaslı olması bir daha Ali Məhkəmənin Mülki kollegiyasının 19.12.2022-ci il tarixli, iş N 2(102)-6339/2022 saylı Qərarına əsasən öz təsdiqi tapmış və Qərar qanuni qüvvəyə minmişdir.
Bütün yuxarıda qeyd edilənlərə baxmayaraq bu iş üzrə cavabdeh kimi bizimilə yanaşı maraqlı şəxs kimi məhkəmələrə cəlb edilmiş Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 9 saylı Qəbələ Ərazi İdarəsi rəhbərliyi təxminən 2 ay əvvəl M.N.Rəsulovla gizli sövdələşərək ondan aldıqları külli-miqdarda rüşvətin hesabına Qəbələ rayonun Mıxlı Qovaq kənd ərazisindəki 0.15 ha və 0,21 ha torpaq sahələri üzrə mənə verilmiş 10.05.2017-ci il tarixli, RX seriyalı, 1056485 və RX seriyalı, 1056486 nömrəli çıxarışların verilməsinə baxmayaraq həmin 0.36 ha torpaq sahəsinə Məzahirin adına əsassız olaraq cari ilin iyun ayında yenidən çıxarış vermişlər. Baxmayaraq ki, bu adamın ailəsinə verilmiş faktiki torpaq sahəsi 0.10 ha olmuş və mənə təqdim edilmiş torpaq sahəsindən uzaqda yerləşir. Hesab edirəm ki, Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 9 saylı Qəbələ Ərazi İdarə rəhbərliyinin belə bir qanunsuz hərəkəti həm də idarəni məhkəməyə cəlb etmiş birisinin xeyrinə törətdiyi cinayət eynui zamanda əxlaqsız hərəkət sayılmalıdır ki, aldıqları rüşvət hesabına təmsil etdikləri dövlət idarəsinin nüfuzunu ləkələmişlər. Bu sadəcə rüsvayçılıqdır.
Çoxhörmətli cənab Prezident İ.Əliyev və cənab Baş prokuror Kamran Əliyev. Sizlərdən çox xahiş edirəm ki, Ali Məhkəmənin məlum qüvvəyə minmiş qərarına və Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 2017-ci ildə mənə verdiyi RX seriyalı, 1056485 və RX seriyalı, 1056486 nömrəli çıxarışların məhkəmə qərarı ilə ləğv edilmədən həmin torpaq sahəsinə aldıqları külli-mqdarda rüşvət hesabına verilmiş əsassız çıxarış sənədinə görə Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 9 saylı Qəbələ Ərazi İdarə rəhbərliyinin məsuliyyətə cəlb edilməsinə göstəriş verəsiniz. Əvvəlcədən minnətdarlığımı bildirirəm.
Hörmətlə, N. Abdullayev
![](/uploads/posts/2024-07/medium/1721332724_metin.jpg)