Xatırladaq ki, 2020-ci ilin martın 11-də Baş Mütəşəkkil Cinayətkarlıqla Mübarizə İdarəsinin əməkdaşları Oğuz və Qəbələ rayonlarında meşələrdə uzun müddət qiymətli ağacları kəsən mütəşəkkil dəstəni ifşa edilmişdir. Belə ki, Daxili İşlər Nazirliyindən verilən məlumata görə, vətəndaşlardan Oğuz, Qəbələ rayonları ərazilərində yerləşən meşə sahələrində qiymətli ağac növlərinin meşələrin mühafizəsinə məsul olan idarənin əməkdaşları tərəfindən qanunsuz olaraq kəsilməsi barədə çoxsaylı müraciətlərinə əsasən DİN və Respublika Baş Prokurorluğunun əməkdaşları tərəfindən ölkə ərazisində meşə sahələrində, qoruqlarda ağacların qanunsuz olaraq kəsilməsi, yaşıllıq sahələrinin məhv edilməsi ilə məşğul olan mütəşəkkil dəstənin üzvlərinə qarşı kompleks tədbirlər hazırlanaraq həyata keçirmiş və qeyd olunan xüsusatların hərtərəfli və obyektiv araşdırılması məqsədilə adıçəkilən rayonların meşə zonaları və meşə təsərrüfatının mühafizəsinə məsul olan şəxslər DİN-in Baş Mütəşəkkil Cinayətkarlıqla Mübarizə İdarəsinin əməkdaşları tərəfindən əməliyyat nəzarətinə götürülmüşdür.
Sağda İlqar Qəribov və dəstəsi kəsdikləri maddi sübut olan 200 illik ağaclarla birlikdə
Yüksək peşəkarlıqla həyata keçirilən əməliyyat tədbirləri nəticəsində müəyyən olunmuşdur ki, Oğuz və Qəbələ rayonları ərazisində yerləşən meşələrdə ağacları kəsərək emal müəssisələrinə satışı Ekologiya və Təbii Sərvətlər Nazirliyinin Qəbələ Regional Meşə Təsərrüfatı Mərkəzinin direktoru İlqar Qəribov və onun rəhbərlik etdiyi mütəşəkkil dəstə tərəfindən həyata keçirilir.
Araşdırmalarla məlum olmuşdur ki, dəstə üzvləri öz qulluq mövqelərindən sui-istifadə edərək uzun müddət Qəbələ, Oğuz rayonlarında meşə sahələrində uzun müddət ağacların qanunsuz kəsilərək satışı ilə məşğul olmuşlar.
Keçirilmiş əməliyyat tədbirləri nəticəsində Qəbələ Regional Meşə Təsərrüfatı Mərkəzinin direktoru İlqar Qəribov, mərkəzin baş mühasibi Sirac Kərimov, baş meşəbəyi İlqar Cəlalov, həmçinin idarənin məsul əməkdaşları Eyvaz Əliyev və Bakıxan Seyidəliyevin saxlanması təmin olunaraq istintaqa təhvil verilmişdir..
ETSN-nin "Meşə quldurbaşı" İlqar Qəribovun xidməti otağındakı pul əskinasları müsadirə edilərək həbs edilməsi
Direktor İlqar Qəribovun üzərinə və xidməti iş otağına baxış zamanı onun qanunsuz ağac kəsimindən əldə etdiyi külli miqdarda pul vəsaitləri və digər maddi sübutlar aşkar olunaraq götürülmüşdür.Eyni zamanda, dəstə üzvlərinin qanunsuz olaraq ağac emalı sexlərinə satdıqları çoxlu sayda ağacın və onların oduncaqlarının yeri də müəyyən edilmişdir. Ekspertlərin verdiyi rəyə əsasən dəstə üzvləri tərəfindən ağacların yaş halda kəsildiyi, hətta məhv edilən ağaclardan bəzilərinin yaşının 200-250 il olduğu da məlum olub.
İlqar Qəribovun dəstə üzvləri barəsində cinayət məcəlləsinin 259.3-cü (Qanunsuz ağac kəsmə) maddəsi ilə cinayət işi başlananılaraq istintaq aparılmış və iş materialları 2021-ci ilin əvvəlindən cinayət işinə hüquqi qiymətin verilməsi üçün Şəki Ağır Cinayələr Məhkəməsinə göndərilmişdir.
Maddənin sanksiyasında göstərilir ki, meşələrdə və ya xüsusi mühafizə olunan təbiət ərazilərində ağacların, kolların və ya digər yaşıllıqların, eləcə də meşə fonduna daxil olmayan ağacların, kolların və ya digər yaşıllıqların qanunsuz kəsilməsi qabaqcadan əlbir olan bir qrup şəxs və ya mütəşəkkil dəstə tərəfindən törədildikdə -doqquz min manatdan on bir min manatadək miqdarda cərimə və ya iki ildən beş ilədək müddətə azadlığın məhdudlaşdırılması və ya üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə üç ildən altı ilədək müddətə azadlıqdan məhrum etmə ilə cəzalandırılır.
İlqar Qəribovun xidməti otağındakı seyfindən çıxan 3-4 günün "qazancı"
Hazırda Şəki Ağır Cinayələr Məhkəməsində İlqar Qəribovun dəstəsinin cinayət işi üzrə məhkəmə istintaqı 7 aydan çoxdur ki. davam etmişdir. Bu prosesə sədrlik edən hakim Rəşid Hüseynovun bu ilin aprelin 29-da qəfil vəfatından sonra işin icraatı Şəki Ağır Cinayələr Məhkəməsinin sədri cənab Rəfail Əliyevə həvalə edilmişdir. Verilən məlumata görə sonuncu məhkəmə prosesi iyulun 30-da gecə saatlarında baş tutmuş və dəstə üzvləri gecə saat 21-45 dəqiqədə məhkəmə kollegiyasının keçirdiyi qapalı məhkəmə prosesindən azadlığa buraxılmaları barədə hökm elan edilmişdir. Mənbənin verdiyi məlumata görə İlqar Qəribov və dəstəsi gecə saat 11 radələrində Oğuz rayonuna çatmışlar. Və elə həmin dəqiqə də ETSN 6 saylı Regional Ekologiya İdarəsi rəisi Akif Məmmədov və Oğuz rayon Xaçmaz meşəbəyliyinin sahə rəisi olan qardaşı Valeh Məmmədov azadlığa braxılmış Bakıxan Seyidəliyevin ayaqları altında qurbanlıq kəsib qeyd etmişlər. Maraqlı burasıdır ki, hakimlər sonuncu məhkəmə iclasının həftənin 6-cı günü, iyulun 31-də keçiriləcəyini bildirsələr də, sonralar plan dəyişmiş və proses bir gün əvvəl, axşam saat 19-dan sonra başlamışdır ki, bu zaman Şəki Ağır Cinaytlər Məhkəməsinin binasında növbətçidən başqa kimsə olmamışdır.
3 ay əvvəl verilən məlumatda bildirilirdi ki, bu dəstə üzvlərinin azadlığa çıxması üçün İlqar Qəribov qardaşının vasitəsilə milyonlarla manat vəsait sərf edir və etməkdədir. Sadəcə iş DİN-nin Baş Cinayətkarlığa Qarşı Mübarizə İdarəsi və Baş prokurorluğun nəzarətində olduğu üçün Şəki Ağır Cinayələr Məhkəməsində risk edib məsələni tezbazar “meşə quldurlarının” xeyrinə həll etmək istəməmişlər. Elə ona görə də münasib vaxt seçilmiş və İlqar Qəribov və dəstəsi barəsində gizli hökm oxunduqdan dərhal sonra məhkəmə kollegiyası elə zaldanca hamılıqla məzunyyətə çıxmışlar. Deməli hər şey məhkəmə kollegiyasının hazırladığı plan üzrə baş tutmuş və DİN- nin Baş Cinayətkarlığa Qarşı Mübarizə İdarəsi tərəfindən ifşa edilərək 11 ay istintaqı aparılan və toplanmış sübtlar əsasında ittiham aktı imzalanmış iş materiaları üzərində hansısa maraqların təmin edilməsi ilə məhkəmə kollegiyası gecə saatlarında təqsirləndirilən şəxslərin azadlığabraxılması barədə rəyə gəlmişlər. Olan isə dövlətə və ictimaiyyətə olmuşdur. Bu hadisədən şok yaşamış yerli sakinlər bildirirlər ki, hörmətli dövlət ittihamçısının gözləri önündə baş vermiş məhkəmə şousuna görəsən protest veriləcəkmi? Verilməyəcəksə, məsələ aydındır. Hətta azadlığa çımış dəstə üzvləri sakinlər qarşısında ilk qeyri-rəsm9i brifinqlərində bildirmişlər ki, “Biz “akulayıq” və tam bəraət alana qədər mübarizəmzi davam etdirəcəyik.”
Bir daha xatırlatmaq yerinə düşərdi ki, İlqar Qəribov ETSN- də işə başlayarkən o əvvəlcə təyinat üzrə Şəki Meşə Təsəsrrüfatı İdarəsinə adi bir mütəxəssi kimi göndərilir. O zaman İ.Qəribov sağ qapısı və qanadı çürüyən, qırmızı rəngli VAZ 21 011 markalı köhnə avtomobili ilə idarəyə gedib gəlirdi. Onun tezliklə karyera yüksəlişinə isə kirvəsi olan Ağaqardaş Qaraşovla tanışlığından və kirvə olduqdan sonra başlanmışdır. Lənkəran rayon İcra hakimiyyəti başçı olan Taleh Qaraşovun qardaşı onu dostu olan nazir müavini Firdövsi Əliyevlə də tanış etmiş və İ.Qəribova zəmnt vermişdir. Beləliklə, İ.Qəribov Qəbələ Regional Meşə Təsərrüfatı Məkəzinin direktoru olmaqla yanaşı nazir müavini tərəfindən ona külli-ixtiyar da verilir. Belə ki, Şamaxıdan Balakən rayonuna qədər olan ərazilərdə istər Regionnal Meşə Təsəsrrüfatı, istərsə də Regional Ekologiya İdarə rəisləri və onlara tabe olan idarə rəhbərləri yalnız İ.Qəribovun “dobrosu” ndan sonra nazir müavini F.Əliyev təsdiq edə bilərdi. Və təbii ki, bu zonadan istər Ekoloji. Istəsə də Meşə Təsərrüfatı İdarələrinin əsas gəliri və qazancı cənab İ.Qəribov vasitəsilə onu ETSN-də himayə edənlərə çatdırlılrdı. Təşkil dilmi müxanizmin gecə-gündüz işləməsi nticəsində İ.Qəribovun 27 milyon manat varidata sahib olduğu bildirlir. Gəncə şəhərində 6 ədəd zərgərlik mağazaları, Bakı şəhərində 11 ədəd apteki, Türkiyədə 3 möhtəşəm villası, məşhur “EMBAVUD” mebel fabrikində də kirvəsi Ağaqardaş Qaraşovla birlikdə pay sahibi olması, və s. saysız-hesabsız obyektləri onu deməyə əsas verir ki, bu “qazanılan” milyonları o ETSN-dən aldığı 570 manat əməkhaqqıilə toplaya bilməzdi.Bu adamın 11 mart 2020-ci ildə xidməti otağında cinayət başında yaxalanması və seyfindən çıxan yüz min manat qədər pul əskinasları onu deməyə əsas verir ki, bu “çirkli” pullar idarə rəisinin 3-4 günlük qazancı hesab oluna bilərdi. Hər halda, hesab edirik ki, bu günkü Azərbaycan reallığında təbii sərvətlərimizin kütləvi surətdə talanması və satılması nəticəsində uzun illər əldə edilmiş milyonların İlqar Qəribovu və dəstəsinin azadlığa çıxamsı üçün böyük kəməkliyi dəydi. Bu da nəticə.
İlqar Qəribov və dəstəsilə bağlı son aylar Şəki Ağır Cinayətlər Məhkəməsində baş vermiş məhkəmə məzhəkəsi və onun nəticəsilə bağlı ölkənin rəhbərinə və Baş Prokuror cənab Kamran Əliyevə bir araşdırmaçı media orqanı olaraq müraciət edirik ki, uzun illər ETSN səlahiyyətliləri hesab edilən mütəşəkkil dəstə tərəfindən təbii sərvətlərimizi məhv edərək özlərinə külli-miqdarda varidat toplamış dəstə üzvlərinin birbaşa azadlığa çıxması sadə vətəndaşlarımız tərəfindən, eləcə də özünə hörmətlə yanaşan ziyalılarımız tərəfindən heçdə birmənalı qəbul edilmir. Məhkəmə Ali Qanunlarımıza qarşı açıq aşkar hörmətsiz davranaraq milli sərvətimiz olan təbii sərvətlərimizi məhv edən dəstəyə bəraət vermələri bir daha dövlət ittihamçısı tərəfindən araşdırılmalı və protest verilməlidir ki, xüsusi ictimai nəzarətdə olan bu işlə bağlı sonda ədalət zəfər çalsın.
İFADETV.COM-un araşdırma qrupu