VƏ YAXUD, MUXTAR BABAYEV "PLANI" YERİNƏ YETİRƏN SEVİMLİ KADRININ "MƏLƏYİ" ROLUNDA
Xatırladaq ki, 20 fevral 2024-cü il tarixli sayımızda “ETSN 6 saylı Ekologiya İdarəsinin müdiri cinayət məsuliyyətindən necə qurtardı” başlıqlı araşdırma yazımızda İsmayıllının İstisu kəndi yaxınlığındakı “Şahdağ”Milli Parkının İsmayıllı Bölməsinə aid meşəli dağlardan son 7 aydır ki, Elçin adlı şəxsin sifarişləri əsasında dövlət qeydiyyat nişanları olmayan “Zil” və “QAZ -66” markalı yük avtomobilləri vasitəsilə uzunluğu 1.4 metr, diametric 44-76 sm olan yeni kəsilib yerində doğranmış fıstıq cinsli meşə materiallarının müntəzəm olaraq İsmayıllı şəhərində Ekologiya İdarəsinin yaxınlığında yerləşən taxta sexinə emal üçün daşınması barədə məlumatları 26 sentyabr 2023-cü ildən ictimailəşdirdik. Bu barədə İstisu kəndindəki mənbələrimiz qeyd etmişlər ki, əvvəllər də bu barədə Ekologiya nazirliyinə və yuxarı orqanlara dəfələrlə şikayətlər etsək də xeyri olmamışdır. Təxminən 1 ay əvvəl DİN-nin 102 xidməti”nə edilən şikayətlərdən sonra məsələ nəzarətə götürülmüş, şikayətin əsaslı olması təsdiqini tapdıqdan sonara təşkil edilən əməliyyat nəticəsində hüquq-mühafizə orqanları “Şahdağ” Milli Parkında qırılan çoxsaylı ağacların kəsilməsini müəyyən etmiş, 18 kub m həcmdə kəsilmiş və sexə gətirilən ağaclar gecə saat 1 radələrində müsadirə edilmişdir. O da məlum olmuşdur ki, kəsilən ağacları taxta sexini icarəyə götürmüş iş adamı Elçin sifarişlər əsasında taxta yeşiklər düzəltməklə iş adamlarına satmaqla məşğul olurmuş.
Bu fakta arayış verən Yusifov N isə qeyd edir ki, İsmayıllı Regional Meşə İdarəsində 1 dənə də olsun ağac mənim dövrümdə kəsilməyib. Bu adamı başa sala bilmədik ki, “Şahdağ” Milli Parkı daha yüksək səviyyədə qorunmalıdır və bu iş də sizin rəhbərlik etdiyiniz 6 saylı Ekologiya İdarəsinin vəzifəsinə daxildir. Necə ola bilər ki, aylarla gecə və gündüz yerli camaatın gözü önündə nömrəsiz yük avtomobillərilə daşınan yeni kəsilən fıstıq ağacları barədə sadə vətəndaşlarımız ETSN-ə şikayətlər edir, amma N.Yusifovun bundan “XƏBƏRİ OLMUR”. Və yaxud gecə saat 1 radələrində Bakıdan gəlmiş polis avtomobilləri təzə kəsilmiş ağaclarla dolu olan yük avtomobilini Qəbələ-İsmayıllı şosse yolunda saxlayır, yenə də 6 saylı yerli Ekologiya İdarəsi müdirinin bundan xəbəri olmur. Hansı ki, saxlanılan yük avtomobilinin sürücüsü də yerli Ekologiya İdarəsinin məsul işçisinin qardaşı oğlu imiş.
O məlumatı da yerli mənbələr qeyd etdilər ki, Azərbaycanın meşə ərazilərindən qanunsuz daşınan bir yük avtomobilində daşınan yükə görə Regional meşə müdirlərinə 100 manat , eləcə də yerli Ekologiya İdarəsi müdirinə də 40 manat haqq çatmalıdır. Yoxsa ki, “qazdan ayıq” müdirlərin və onların onlarla işçilərinin gözlərindən yayınmaq əsla mümkün deyil.
26 sentyabr 2023-cü il tarixli “Şahdağ” Milli Parkda kütləvi kəsilib satılan ağaclardan ETSN 6 saylı Ekologiya İdarəsinin xəbəri olub” başlıqlı araşdırma məqaləmizdən sonra aidiyyatı dövlət qurumları lazımi tədbirlər görməyə başlamışlar. Belə ki, Baş Prokurorluğun İdarə rəisi də bizi bu məsələni dəqiqləşdirmək üçün bizi oktyabrın 16-da prokurorluğa dəvət edərək izahatımızı almış və xəbərdarlıq etmişdir ki, əgər bu məsələ öz təsdiqini tapmasa sizə qarşı tədbirlər görüləcəkdir. Biz də razılaşmışdıq. Sonradan araşdırmalar zamanı taxta sexinin sahibi Elçin də cəmi 13 nəfər şəxs saxlanılaraq barələrində sübutlar üzrə Baş Prokurorluğun nəzarəti altında araşdırmalara başlanmışdır. Və “Şahdağ” Milli Parkının İsmayıllı Bölməsində bu miqyasda törədilmiş ekoloji terror görə cinayət işi açılmışdır. Sonradan o da məlum olmuşdur ki, əsas məsul şəxs olanlardan biri ETSN İsmayıllı Regional Meşə Təsərrüfatı Mərkəzinin müdiri “sabuiq təqaüdçü komissar” olmuş Quliyev Rəsul Həsənbala oğlu “xoruza yük” edilərək vəzifəsindən azad edilmişdir. Çox güman ki, cənab nazir Muxtar Babayev “meşə quldurları” ilə gizli əlaqəyə girərək pul qazanan Quliyev Rəsulu cinayət məsuliyyətindən xilas etmək üçün onu vəzifəsindən azad etmişdir. Bəs o zaman irimiqyaslı cinayət işi üzrə məsul şəxs olan ETSN 6 saylı Ekologiya İdarəsinin müdiri Yusifov Namiq necə “sudan quru” çıxa bilmişdir? “
Bu suala cavab tapmaq üçün 20 fevral 2024-cü il tarixli informasiya sorğumuza cava olaraq ETSN 6 saylı Ekologiya İdarəsi müdiri N.Yusifovun imzaladığı 27 mart 2024-cü il tarixli cavab məktubunda bird aha təsdiq edilir: “…2023-cü ilin sentyabrında İsmayıllının İstisu kəndi yaxınlığında “Şahdağ” MP-nın İsmayıllı Bölnməsində ağacların qanunsuz kəsilərək dövlət qeydiyyat niçanları olmayan “ZİL” və “QAZ 66” markalı avtomobillərlə Elçin adlı vətəndaşın İsmayıllı şəhərində yerləşən taxta sexinə daşınması ilə əlaqədar hüquq –mühafizə orqanları tərəfindən öncə araşdırılmışdır”.
Bəli cənab Yusifov Namiq biz də, yerli sakinlər də, hüquq-mühafizə orqanları da hamı bilir ki, 7 ay “Şahdağ” Milli Parkındakı meşə cinsli, iri diametrli fıstıq ağacları qanunsuz kəsilərək daşınır. Təkcə bu hadisəsədən sizing xəbərinizin olmamasını və “Şahdağ” MP-nın sizing vəzifənizə aid olmadığını telefonla bildimişdiniz. Və rəsmi məktubunuzla bird aha faktın doğru olduğunu özünüz məcbur qalıb təsdiq edirsiniz. Çox yaxşı. Axı biz yuxarı aidiyyatı orqanlardan soruşuruq ki, necə olur ki, ağac kəsənlərdən, daşıyanlardan, sürücülərdən 13 nəfər cinayət məsuliyyətinə cəlb edilir, İsmayıllı Meşə Təsərrüfatı mərkəzinin müdiri Quliyev Rəsul cinayətdən yayınmaq üçün dərhal vəzifəsindən azad olunur, təkcə Yusifov Namiq “sudan quru çıxır”?
Elə Yusifov Namiq Polad oğlu nəzarət etdiyi ərazilərdə baş verən kütləvi yaşıl soyqrımlara görə özünü cəzasızlıq mühitində hiss etdiyinə görə bu gün də Qəbələ rayonun Nic kəndinin Bələdiyyə meşə fondunda yenə kütləvi ağac kəsintilərilə müşayət olunan yaşıl soyqrımın törədildiyi bildirilir. Yerli sakinlərin çoxsaylı şikayətlərindən sonra 15 gün əvvəl, yəni martın 20-də ETSN-nin Audit şöbəsinin əməkdaşı faktı yerində araşdırmaq üçün Nic kəndinə gələrək ciddi araşdırmaya başlamışdır. Yerli sakinlərin köməkliyilə kəsilən kütləvi ağacların yeri qonağa göstərilmişdir. Məlumatlı mənbə onu da bildirir ki, hələlik kəsilən ağaclara görə auditin əməkdaşı 58000 manat cərimə aktı tərtib etsə də. hələlik nədənsə üzə çıxarmaq istəmir. Kütləvi kəsintini törədən Qəbələ rayon Qum qəsəbə sakini və Mıxlı Qovaq kənd sakini dindirilmiş və onlar etiraf etmişlər ki, çoxsaylı ağac kəsintilərinə görə ETSN 6 saylı Ekologiya İdarəsinin işçisi olan Əfqana pul vermişlər. Onlar pul müqabilində bu kəsintiləri etdiklərini etiraf etmişlər. Bu gün yerli sakinləri narahat edən budur ki, niyə ETSN –dən gəlmiş audit əməkdaşı faktları gizlədərək nəticə barədə onlara heçnə demir.
Bəli, bizlərə o da gün kimi aydındır ki, 6 saylı Ekologiya İdarəsinin işçisi Nic kənd Bələdiyyəsinə məxsus meşə fondunda kütləvi kəsilmiş çoxsaylı ağaclardan yerli Ekologiya idarəsinin qazdan ayıq müdiri kimi tanınan Polad oğlu Namiqin xəbəri olmasın. Və ya onun birbaşa icazəsi olmadan yerli sakinlərin gözləri qarşısında belə bir ekoloji cinayətlər baş versin.
Odur ki. Biz yenidən ETSN 6 saylı Ekologiya idarəsinin nəzarət etdiyi zonada pul müqabilində törədilən ekoloji cinayətlərin – kütləvi meşə cinsli ağacların kəsintisi ilə müşayət edilən dərhal araşdırılmasını və üzə çıxarılaraq birbaşa ağac kəsintisini törədənlərlə gizli sövdələşmələr edən yerli Ekologiya İdarəsinın məsul şəxsləri barəsində tədbirlər görülməsini və turistik zonada ağac kəsintisinə son qoyulmasını aidiyyatı dövlət strukturu rəhbərlərindən tələb edirik.
Bizi izləyin.
İfadetv.com-un araşdırma qrupu 
